Rin gawa di Kota Kinabalu...

Enda berasai udah datai ba bulan enam diatu. Gawai udah ga tembu tang agi bisi ga bala ka bedau mulai ka diri gawa laban anembiak sekula ka agi pemisi.

Bulan tujuh tu ila puang rumah kuarters alai kami duai Rin enggau Benjy diau laban Rin udah bulih offer gawa enggau perintah federal di menua Sabah. Tekenyit BA leboh Rin madah ia di posting ke Kota Kinabalu, Sabah.

Enda disangka BA...nemuai ke Sabah tu tadi nya ukai semina meda menua tang ga meh deka nyadi palan alai Rin ngiga rezeki. Tusah meh asai ati ngenang ia kadiri-diri di menua urang din taja bisi cousin ia din enda meh sebaka .

BA meh ti nganjung ia kin ujung bulan tu..tiket bilon pen udah dibeli...siti return tiket lalu siti agi one way aja. Seminggu BA din ila ngator ngiga alai diau ka ia. Kami duai bisi berunding awak udah tu ila ia minta transfer pulai ke menua Sarawak. BA pen udah ga minta pulai ke menua Kuching awak semak alai BA ngabas ia ke KK ila.

Leboh maia begawai tu tadi...Uncle BA bulih berita manah sida deka pulai gawa di Kuching...reti nya transfer ari menua Kota Kinabalu. Enda nyangka tak beganti saduai ia, Rin gawa di Kota Kinabalu.

Naka ka ngelama tu bala kaban ka bukai ka bisi bulih offer baka tu enda ga lama gawa di menua urang laban sida ulih minta pulai ke menua Sarawak. Ngarap ka Rin ulih pulai meh jemah ila. Ukai semak Sabah nya...nepan bilon belanja pen besai mega.

Taja pia, jako pesan BA ka Rin ...gawa enggau manah di menua urang lalu besabar meh tua. BA tinggal ditu meh enggau Benjy. Jaga diri enggau memanah.

Reward Yourself
Astana Pengerindu Astana Kitai