Ngelimat maia Hari Gawai...

Musim begawai tu meh kitai beguna amat ka belanja ti lebih awak ka bisi dibagi dikena berami. Ukai nama...leboh maia rami tu kitai tentu ka meli lauk, ai manis, ai bisa enggau macham agi meh.

Samoa nya tadi beguna ka duit dikena meli ia. Bakani meh enti penatai pemisi kitai enda chukup dikena nangkup belanja dikena begawai? Kati deh, enda ngintu Gawai? Enda berami enggau diri sabilik? Enda pulai ke menua? BA pen enda nemu nyaut tanya tu laban kemaia hari tu samoa utai beguna ka duit magang. Enti nadai belanja enggai meh nyadi kitai nyau bebendar baka urang bukai...sukat-sukat meh baju ba tuboh diri empu...ko kitai.

Mela lauk dikena Gawai kadiri empu lebih murah

Maioh amat kueh tradisional

Enti leboh maia ka suntok anak belanja maia rami gawai tambah agi belanja ka dikena servis kereta, nukar utai ka jai awak ka ulih dribo selamat datai di menua..tentu ngelu pala ngerunding ia. Enda diadu lagi enggai ka jai sebelah jalai...makin tusah laban ia lagi.

Kitai ka bisi tetap pengawa enggau perintah tauka kompeni engka lantang agi seput enti bisi bonus dikena belanja maia gawai. Bisi sekeda kompeni ti besai meri bonus dua tiga bulan gaji...ni enda untong endar ulih berami tujoh hari tujoh lemai begawai...hee...hee.. Tang kitai ka kereja perintah bejimat ka leboh melanja duit enggai ka enda apus bulan enam ila...perintah enda meri bunos tengah tahun.

Siti chara dipeda BA dipraktis bala kaban ditu...sida ia mayar dulu bil api karan, bil ai, bayar ansur kereta, bayar ansur rumah awak ka enda ngachau belanja nya. Enggai nyadi enda baka nya...enggai ka belanja abis dikena Gawai...bakani ka enseput ngapus ka bulan enam?

Enti kitai ka diau di menua pesisir tu baik agi ga laban rega barang pemakai lebih murah mimit dibanding enggau sida ka di nengri besai baka Kuching enggau di Miri. Nepan kereta tentu ka ngisi minyak...enti enda...nadai ulih nurun gawa. Di menua baka Betong ditu...ulih bejalai kaki ke opis laban ti semak...ukai semina jimat belanja tang ga meh nyelap ka bumi kitai...ngurang ka gas karbon dioksida deh...wahhh...

Nya meh tadi maia ka berami begawai tu...anang enda ngelimat (jimat) leboh ti melanja ka duit laban bulan agi panjai. Enti diri sabilik maioh baka kami...nyamai meh ulih besaup bebeli ka rengka pemakai dikena maia gawai. Enda berasai berat endar. Ati pen lantang meh maia ka ngansar ka kaki...enda irau.

maia ngansar ka kaki anang enda ambi gambar...

Reward Yourself
Astana Pengerindu Astana Kitai