Living in KK

Cyber City,KK

Sari tu udah tiga malam kami duai Rin diau di Cyber City di kota Kinabalu. Nyau ka seminggu udah si Benjy tinggal di menua din.

Naseb ga kazen Rin, Roslind saduai husband ia meri pemendar ngasoh Rin diau nguan apartment ia ditu maia ka udah gawa ila. Ia semina minta si Rin mayar api enggau ai aja. Manah amat saduai ia...thank you Roslind.

Kami duai Rin ke KK hari minggu nya nepan bilon MasWing laban enggai ka enda sempat betemu enggau kazen Rin nya ari Beaufort. Bilon Boieng MAS ka pagi udah penoh...lalu ia ka bisi nyau laun lemai. Nya alai ngena MasWing.

Sekali nya, Uncle Unong ga ka ngambi kami duai agai airport Terminal 1,KK. Naseb ga ia bisi nurun laban kereta enda muat kategal barang kami duai chukup maioh dibai kitu.

Maia Uncle betemu enggau Roslind, nemu nya sida ia sama diau di Cyber City takah ka siti blok aja....apuu...mit meh dunya tu. Bala kami dibai Roslind saduai husband ia makai di Warisan Square. Udahnya saduai lalu mupok ke Beaufort. Kami tiga Uncle Unong lalu bejalai ga bebeli ka rengka dikena Rin ditu ila.

breakfast digaga Rin

Hari satu, 28hb...nadai mindah...sehari-hari nya duduk di rumah aja. Ukai nama, nadai kereta dikena. Kami duai berapi makai di rumah aja.

Lemai nya BA berunding nyewa kereta dikena bejalai hari siti. Malam nya udah confirm bisi kereta iswara aeroback RM95.00 sehari. BA pen lalu ngebak ka Google Earth belajar gaia jalai di KK ditu. Dipeda ari hybrid map nya enda tusah...hee..hee.

29hb...Kereta iswara kami duai datai jam 10.00 pagi. Enggau ati ti berani, BA mai kereta nya...kami duai mansa Rumah Persekutuan alai Rin deka report duty 1hb July ila. Kami duai nuju Muzium Sabah.

Asai BA, enda tusah dribo di KK tu...asai dribo di Miri. Tembu di Muzium Sabah lalu ngagai Centre Point...makai dia. Makai pemakai local...rega ia kurang lebih ga enggau rega pemakai di Kuching.

BA di Muzium Sabah

Laban BA ka ngasai ka dribo ditu banding enggau Kuching...sengaja BA dribo nuju jalai ke Kompleks Pejabat Persekutuan enda jauh ari UMS maia jam 5 lemai. Hari ga ujan lemai nya...bisi jam mimit laban ditu maioh roundabout ti mit mit. Tang diasai ka BA...balat agi enti jam di Kuching...engka kereta din maioh agi ari ditu.

Malam kemari nya kami duai pulai ari bejalai...nyau lelak asai tuboh. Pedis kaki ngindik clutch...hee..heee...oh ya...ari pusat bandar ke Cyber city tu enda jauh bekereta semina 20 minit aja maia jalai enda jam.

Nyadi, ditu meh alai Rin ngiga rejeki ia ila...nadai agi enggau BA di menua Betong, Sarawak. Berengkah meh pengidup ia ngati ka diri...living in KK.

Reward Yourself
Astana Pengerindu Astana Kitai