Astana Pengerindu [astana of love]

Monday, October 24, 2011

Gaya St Kota Kinabalu

Leboh BA nemuai ke menua KK bulan Ogos tu kemari BA sempat enggau Rin bejalai di Gaya Street. Nyau ka baka Pasar Minggu kitai di Satok Kuching tang ditu nyelai agi.

Maioh amat mensia dia maia hari nya. Alai engkah kereta pen nyau nadai puang laban pemaioh mensia ka kia. Kami duai Rin mai kereta ke tingkat atas begunan ka enda jauh ari nya. Bebayar paking kereta diak. Enda ngawa meh ari ka engkah kereta sebarang di tisi jalai.

Ditu sida ia maioh nyual jelu baka mayau enggau ukoi. Manah amat bulu bala miau dijual rang ditu, udahlah bala sida ia mereti. Sinu meda pendiau sida...teringat ka Benjy meda ulah bala sida.

Ditu mega bisi service ngurut disedia ka bala urang buta ka bisi latih senentang pengawa ngurut urang. Laku amat dipeda BA. 30 minit ngurut kaki bayar RM20.00....apuuu untung...hehee

Sinu meda si rabbit tu nganti rang ka meli ia.

Geram BA meda asai ti ka michit ia laban meda ia kelalu kiut.

rengka tu sangka BA diengkah urang dalam aquarium...

BA nadai aquarium nya alai nda nemu guna utai tu.

Kueh-kueh tradisional di Sabah sigi nyamai...

enda lebu meli...

tu sekeda bala mayau ka dijual ba ditu. kiut-kiut gamal sida ia.

Bala ukoi pen bisi ga dijual

bungai kantan ditu dikena sida ia mandok sup tom yam...

.ermmmmmm endang bestttt

tu meh buah avocado

Miau miau....kaseh bala kita taja dalam sangkar tentu lelak sereta angat

macham-macham sabun dijual ga

peminat kopi....di Sabah sigi maioh kopi ti nyamai

Kek Lapis Sarawak pen bisi dijual dituuu...

Barang sapa ka bisi nemuai ke KK...datai meh nemuai ke Gaya Street Sunday Market...sigi best enda lebu.

Reward Yourself
Astana Pengerindu Astana Kitai

Friday, May 6, 2011

Baru sedar ka diri bisi blog...

Apuu..amat lama menua Astana Pengerindu BA tu nadai diabas. Nyau ka enda ingat...semadi meh maia ka renew lesen dribo BA kemari di JPJ Betong, diak kaban ka gawa diak nyebut ka BA lapa meh lama blog enda diupdate. Baru meh sedar diri bisi blog...heeheee...thank you Allan...heehee.

Maioh ga pengawa sereta pejalai BA kenyau ari bulan Jan 2011 tu tadi. Ari gambar -gambar tu aja meh BA ulih nerang ka ia. Ia katerubah, lama amat meh BA udah nadai ke menua Maludam...setahun nyin kemari. Tu tadi kia pen laban bisi meeting ka program YAB CM ti deka officiate Masjid di Beladin.

Gambar tu diambi ari pengkalan Maludam

Peda kita ikan masin tu dijembi urang di Maludam. Urang ka nyual nya madah rega siko RM70.00 dia, driver kami madah enti dibai ke Kuching rega ia ulih niki agai RM250.00 siko....apuuu amat marr

Maia on the way pulai nengah jalai menua Beladin, bala kami bisi ngetu di tisi jalai deka meli buah enggau sayur ka bisi dijual dia. BA meli buah jambu mirah tu...nyammmsss...lama amat udah nadai makai jambu tu...

Tu kereta opis ka dikena bala kami ke Maludam

Gambar tu diambi leboh maia kami gawa di Beladin, hari YAB CM sereta YABhg Puan Sri bejadi ka Masjid Al Amin Beladin. Ba gambar tu AO crispin benong betabi enggau YABhg Puan Sri...amat untong...heehee..

YAB CM malu bedok maia bejadi ka Masjid Al Amin Beladin

sempat betundi maia bejadi ka Masjid...

Kereta VVIP dibai bala kami ari Betong, Sarikei, Sri Aman enggau Kuching dikena maia program bejadi Masjid di Beladin. BA mesti ngator pejalai bala driver enggau mansa kereta dikena VVIP awak pejalai sida ia lancar nadai penanggol. Maia kereta mers nengah feri sigi pengawa ti pedis amat diator. Nya alai, enti nyema bisi pengawa di sebelah Maludam enggau Beladin, tusah meh ati BA.

Gambar ka di atas tu maia YAB TPM bisi nemuai ke menua Pusa kena ka 18hb Februari tu tadi. Ia benong betabi enggau Malidi, driver kami ka gawa maia nya.

Gambar datas tu diambi tengahari 18hb Feb 2011. Lijon ari Opis JKR Betong benong betabi enggau YAB TPM. Maia ia nemuai ke Debak tu heli VVIP landing di padang SMK Saribas Debak. Laban ka enda chukup kereta dikena VVIP, bala kami tiga AO Crispin enggau Shidee tinggal di sekula nya. ia ka ba baroh tu gambar Shidee betabi enggau YAB TPM.

Kelalu maioh program diator bala kami kenyau ari bulan jan 2011 nyentok ke sampai election. Udah tu ila bisi agi pengerami bukai baka Pengerami Gawai Dayak 2011 Bagi Menua Betong ti bisi diator. Sekali tu BA nyadi floor manager. Pengawa nya deka diator kena ka 20hb Mei 2011 tu ila.

Reward Yourself
Astana Pengerindu Astana Kitai

Friday, December 31, 2010

Bye bye 20Ten...

Enda berasai tahun 2010 udah datai ke pengujung ia. Sekali tu BA nadai ngaga recap tahun 2010. Taja tahun tu maioh pengawa digaga BA.

Selamat jalai tahun 2010...ngarap ka tahun 2011 tu ila mai maioh agi rezeki enggau pengerindu ka kitai semua.

Selamat Tahun Baru 2011.

Reward Yourself
Astana Pengerindu Astana Kitai

Sunday, December 26, 2010

Kerdil - in loving memory

Lemai 23hb Dec BA di Kuching International Airport nganti penatai Rin ari Kota Kinabalu. Ia pulai pemisi Krismas.

Laban ka bisi wifi free, BA muka FB sekali tekenyit laban nerima berita dipadah neighbour BA...Kerdil ditemu saduai melaki bini udah mati atas jalai ba mua rumah BA.

Kerdil udah mati kena lantak kereta. Apu...amat enda nyangka meh BA, laban siang tadi sebedau BA mupuk ke Kuching si Kerdil endang sigi lincah bemain enggau Benjy.

Si Kerdil tu sigi geng Benjy kenyau ari ia berengkah 'merempat' ba rumah BA. Nya alai sida Boji meri ia nama Rempat. BA meri ia nama Kerdil laban tubuh ia mit serta pandak. Suba, maia ia datai di belakang rumah kuarters BA...nyau ka parai tudah laban ti nadai makai serta kelalu mit.

BA kaseh meda ia alu dibai BA tama kerumah diberi makai baka pemakai Benjy. Benjy alu bisi geng.

Saduai ia sigi rindu amat betundi enti leboh maia BA muka pintu rumah. Begagai sebelah bilik, bekeramak.. begigit pangan diri.

Kaseh meh tudah si Kerdil. Ia udah mati. Benjy nadai geng agi.

Kerdil rindu endar gali dalam bisin

Benjy & Kerdil begagai

gambar Benjy & Kerdil betundi...

Reward Yourself
Astana Pengerindu Astana Kitai

Wednesday, December 15, 2010

Makan-makan @ Land Below The Wind...Sabah

Dalam entry sekali tu BA deka ngayan ka pengawa makai enggau pemakai ka bisi diempa leboh ti bejalai di Menua Sabah sampal kami sebilik apin lama ka udah.

Sekeda pemakai ti diempa di Secret Recipe enda ulih diingat BA.