Selamat Gawai Dayak 2010

Enda lama agi kitai di menua Sarawak tu deka ngintu Gawai. Taja pia, BA bedau ulih pemisi...berengkah pemisi 31hb Mei 2010 nyentok ngagai 6hb Jun 2010. Enti ditolak public holiday..semina 3 hari pemisi.

Kami duai Rin udah ngator plan ka pemisi sekali tu. Pejalai kami duai berengkah 28hb tu ke Kuching. Udahnya mulai ka diri ke Betong 31hb Mei. 1hb Jun - 3hb Jun di rumah panjai di menua Betong, udahnya mupok baru ke Kuching 4hb Jun.

Tentu lelak nyadi dribo kin kitu...hee...hee. Enti menua Betong bisi padang bilon...tentu nepan bilon jampat agi datai. Enti menua Sarawak tu bisi keretapi...nepan ia tentu best...enda lelak kitai dribo. Tu kitai dribo nengah jalai ka asai nepan perau...begelumbang.

Leboh bepansa enggau lori ti besai...takut asai ati...seruran irau seagi bedau datai enggau selamat. Tang bakani meh...nya aja choice jalai ka bisi ditengah ke menua Kuching.

Nya meh, agai kitai semua ka ngintu hari Gawai ka taun tu, Selamat Gawai ari BA sebilik. Pesan BA, mai kereta kita enggau manah, anang kelalu balat ngirup ai bisa serta rindu-rindu meh betemu enggau kaban belayan.

Selamat Gawai.

Reward YourselfAstana Pengerindu Astana Kitai