Pesta Makanan Tradisional, Pusa

29hb Ogos 2008- Pejabat Daerah Kecil Pusa begulai enggau Perbadanan Pembangunan Ekonomi Sarawak (SEDC) deka ngaga program ti dikumbai Pesta Makanan Tradisional ba Pusa.

Pesta ti katerubah ia tu deka dipejadi ka YB Tuan Haji Bolhassan bin Haji Di. Lebih 10 iti gerai ti nyual pemakai asal masyarakat dia deka dijual ka orang maioh. Datai meh rami-rami kitai ngulu pengawa tu.

Astana Pengerindu Astana Kitai

Diva Manis

Diva Manis

nasi pataya

Kala bala kita ninga siti tempat makai di R&R Layar, Betong ti dikumbai Diva Manis? Enti enda kala..manah kita nguji makai dia.

nasi goreng ayam

Lemai 26hb Ogos, bala kami bisi makai ba dia. Utai pemakai ba Diva Manis tu sigi nyamai..kita tau nguji Rojak Tambi, Laksa Sarawak enggau Soto ba dia. Ehmmmm....nyamai amat..

sup soohoon special

Astana Pengerindu Astana Kitai

Makai di mango tree

Kena 27hb Ogos tu tadi, bala kami sebuat bisi pengawa meeting ba Wisma Bapa Malaysia jam 9.00 pagi. Nyadi kami ankat ari Betong jam 4.00 pagi. Ujan lebat amat sepemanjai jalai kin.

Meeting kami nya abis dalam pukul 11.00 pagi. Kami lalu dibai Tuan Residen serta Madam makai ba Mango Tree. Baru ia aku makai ba dia...utai pakai orang manoa Thai. Manah ga pemakai dia..ipak enggau rega ia.Tu meh sekeda gambar ti bisi diambi lalu diengkah aku dalam ruai tu. Maia makai enda diambi gambar..nyaga privacy Tuan Residen.

Trima kasih ka Tuan Residen serta Madam ti udah sponsor bala kami makai ba dia.

Bujang Astana, Crispin enggau Said merati ka menu. (gambar ari Hayati)

Astana Pengerindu Astana Kitai

Program Nanam Kayu di BETONG

Pengawa nanam kayu beserimbai enggau Sambutan 45 Tahun Sarawak Maju dalam Malaysia Peringkat Daerah Betong udah diator opis Majlis Daerah Betong lalu dipejadi ka Tuan Residen, Romie Sigan Daniel kena 25 Ogos 2008 ba Kompleks Pejabat Kerajaan Negeri, Bahagian Betong.

Astana Pengerindu Astana Kitai

Ke Sarikei

Pagi 23hb Ogos tu tadi bala kami sebilik bejalai ke manoa Sarikei. Kami ankat lebih kurang pukul 9.00 pagi. Ujan lebat amat pagi nya ari Betong nyentok datai ba Sarikei.

Bala kami kia pan laban ti ka nganjung viva Rin servis ti kedua. Aku lalu ngodar eksosari ti ka dipasang ba dalam viva nya. Bulan Sept 08 baru datai.

Joobejot benong merati ka viva ti benong servis

Laban hari ti enda entu manah, nadai jauh pejalai bala kami..makai di KFC, dahnya bebeli ka lauk ba market ikan. Maioh mat ikan ditu..

Joobejot benong makai ais..

ehmm..best mat

Laban jam ti agi bisi dia bala kami singgah ba kedai nyual perabot...maioh sereta manah amat neh. rindu meda mija makai batu mamar...berunding dulu meh indai..enti ka meli madah ka Cikgu Bio saduai Cikgu St Mark..

Benong meda mija makai mamar

Atie @ Cikgu St Mark enggau indai

Astana Pengerindu Astana Kitai

Pengerami Makai Lemai di Saratok

Tuan Residen mri tanda pengingat ka YB

Tuan Residen mri ka hadiah ka orang ti menang dalam pekit

Kena lemai 23hb Ogos 2008 tu tadi, siti pengerami makai lemai udah diadu ba Saratok. Program tu diator Opis Daerah Saratok beserimbai enggau Karnival Ketua Masyarakat & Ketua Kaum ti kedua.

Pengerami lemai nya di pejadi ka ADUN Kalaka, YB Abdul Wahab Aziz. Tuan Residen, Romie Sigan Daniel enggau bini ia, Acting Tuan DO Betong, Friday Belik mega bisi ngulu program lemai nya.

Penatai bala maioh disambut olih Tuan DO Saratok, Daniel Supit enggau bala staf ia ti bukai baka AO Suhandi, AO Laga @ apaiumbart, AAO Sufian, AAO Michael sereta AAO Nazari.

Michael, Hayati, Laga, Crispin, Nazari enggau Bujang Astana

Aku empu, AO Crispin enggau AO Hayati mega bisi datai ari Betong enggau pengerami lemai nya. Pemakai ti diidang sigi umbas ia..nadai mantah bala kami.

Tusun program ka lemai nya mega chukup manah sereta merindang ati bala kami. Tu meh baru ia bala kami tiga nyadi guest ba program makai lemai baka tu. Ngelama tu..gawa...he...he..

Astana Pengerindu Astana Kitai

Betukar Domain

Astana Pengerindu enda ulih di abas pengabis lama ia dalam 48 jam ketegal aku benong alam proses nukar domain aku ari blogspot ke co.cc.

Ukai nama aku nukar domain nya laban ka bisi leka blogspot..nyau kelalu panjai nama ruai aku. Nasib meh aku bisi tetemu ka web ti ulih nukar domain nya..tambah mega ia gratis (free). Ila enti udah chukup jam kitai betemu baru.

Astana Pengerindu Astana Kitai

20082008

Maioh orang nyelinting hari bulan sari tu dikena nikah tauka pindah rumah. Kemaia meh kaban aku siko nya si Ya* bepindah ke kuarters baru ba Jalan Spine...pindah meh jampat auk nyadi warga Geng nembiak skul...he..he..

Sari tu meh hari ti manah alai bepindah. Hari sari tu mega manah di Betong..panas sereta enda ujan. Hari sari tu mega hari ti manah amat ba aku...he..he..hanya aku yang tahu...taja pia bisi ga utai ti ngemedis ka ati tang teju aja lah..ukai aku pulai enggau 'ia'...

Lemai tu tadi indai aku ngambi jagung aku ti udah start bebuah..ambi ka sayur ko ia...dahnya dipandok Rin ka sayur. Kami duai mam di rumah sida Jobeejot tadi.

olah Jobeejot

Jobeejot baru dah tindok..baru udah makai ia alu tindok...ehmmm...baka sawa ti udah nelan...he..he..

Tcil bisi sms aku tadi..ia udah di Kuala Lumpur sari tu..sida ia melawat ke MAHA 2008. Aku nyua ka belanja ka Cikgu Bio awak ia ulih ngirum ngena BSN pagila ka Tcil..laban aku nadai hari..bisi ga belanja dikena ia meli pemakai ba din..kasih ia.

Lemai tu tadi sebedau ke rumah sida Boji aku muka brita ba TV..ehmm nadai brita bukai..brita pasal utai ti sama aja-aja tiap hari..leju nyawa meda. Manah aku meda Starmovie 413..meda movie 28 weeks later..cherita zombi..amat menakutkan lah..


Astana Pengerindu Astana Kitai

Meli maioh bup

Sekali tu kami duai Rin shopping bebeli ka bup. Maioh ga bup tu. Semua ongkos ia RM300++. Enda ngawa investment dikena nambah ka penemu kami duai ba senentang herba sereta ubat-ubatan tradisional.

Astana Pengerindu Astana Kitai

Ke Kuching

gambar diambi leboh aku benong dribo ke Kuching

Kena lemai 16hb Ogos 2008, kami tiga Rin & Cikgu Bio bekejang ke Kuching laban ti bisi pengawa ka digaga kami duai Rin din.

Cikgu Bio pan ka numpang kami duai laban ti deka betemu enggau kaban ia pensyarah ari UNIMAS. Tang ia madah saduai enda jadi betemu laban sida kaban ia nya gagau Family Day.

Lelak ga dribo ke Kuching..laban lemai nya panas amat hari. Kami tiga ngetu makai 'tengahari' dalam pukul 3.30 lemai. Datai di Kuching lebih kurang jam 7.00 lemai..aku chukup lelak pedis kaki..nindok ka diri aku. Malam nya nadai mindah kini-kini laban lelak.

Astana Pengerindu Astana Kitai

Kraf ari Betong

Kraf ti digaga orang ari Rumah Panjai Suri, Debak. Trima Kasih agai Curtain Designer kitai erica luing ka udah mri sample kraf tu.

Astana Pengerindu Astana Kitai

Makai di Kenny Roger @ Boulevard

Benong lapar nganti pemakai datai

nyamai amat ehmm...

Cikgu Bio benong makai

Lama amat udah enda makai ditu. Maia ia baru buka pun taun tu kemari suah ga kami duai Rin makai ditu.Pama mat ga rega makai tang laban udah minat makai..enda peduli..he..he

Kemari kami tiga Cikgu Bio makai dia. Kenyang amat..nyau enda ulih enseput asai aku..he..he..

Astana Pengerindu Astana Kitai

Perfume baru

Pagi tu tadi Raaz call aku madah ka perfume ti diodar aku ari ia udah datai. Jampat ga..baru minggu nyin kemari aku ngodar ari ia..dah datai sahari tu.

Eternity for Men...ehmmm harum amat bau ia...teingat maia agi belajar suba nyium bau wangi tu. Ka odar baru lah..engka brand lain. Atie pan bisi ka ngodar..dua iti ka diodar ia.

Astana Pengerindu Astana Kitai

Beijing 2008

Amat hebat!! Beijing 2008 Opening ceremony (OC) endang chukup ngalit ka ati. Nadai udah manoa tauka orang ti ngaga OC ti chukup manah, perfect sereta ngasoh ati kitai wwwoooo..endang best.Fuwa - 5 iti maskot pengerami Sport tu

Sayau kitai enda ulih sama meda sama ngasai ka pengerami OC nya kena 08.08.08. Kitai semina ulih meda ba tv aja.. tujuh taun kaban kitai di manoa China besedia ka pengerami ti chukup besai tu. Syabas China!

Bird's Nest

Astana Pengerindu Astana Kitai

Ngaga Begedil

Dagin manok ti udah direbus ba periuk mit tadi, diengkah ba mangkuk bukai sebedau ia dikisar ngena blender

Dagin manok ti udah dikisar

buah kentang digoreng alam kali

buah kentang ti udah digoreng tadi alu di anchur ka

jari-jari ti benong ngempok begedil

gaia ia udah dikempuk alu segalo

Begedil benong digoreng

Hari enam hari nadai mindah. Diau di rumah aja tambah mega Rin kereja sari nya. Nyadi, aku ngereja pengawa ba rumah aja.

Pagi nya aku nerima sms ari Ro**(bedau minta permisi publish nama ditu) madah ka ia deka ngaga begedil enggau Ya**..ehm...ka ga aku meda saduai ngaga begedil..tambah mega begedil nya sigi nyamai diempa. Baka ni Ro** ngaga ia..

Rengka ka dikena ngaga begedil dipeda aku:-
isi manok 1 kg
buah kentang 1 kg
bawang merah & putih
daun sup
enggau sekeda utai bukai ti enda ulih dikingat ka aku..he..he

Enti ka belajar ngaga begedil kita tau surf blog orang tu ngaga begedil enggau bacha ari web resepi tu. Begedil tu tau di idang leboh ngirup lemai hari, leboh gawai kah, maia raya kah..Tambah mega bedau kita meda ia diayan ba Asian Food Channel AFC. belajar meh kita ngaga ia..

Tu meh gaia begedil ti udah mansau..tau diempa cecah enggau sos chabi

Chef ti pemalu...Ro** enggau Ya** enggai publisiti takut kelalu glamour ila

Astana Pengerindu Astana Kitai

Musim Panas

Panas mat...diatu meh musim panas. Dini-dini alai angat..malam siang pagi..angat ja asai.

Udahlah aircond system ba opis bisi penanggol kemari nyentok ka sari tu..angat mat.

Enda ulih ngereja pengawa.

Pagi tu aku mai kipas aku empu ari rumah..baru bisi berasai angin chelap.

Nyamai agi angat ba luar rumah ari ti dalam rumah. Nadai jalai angin alu enda ulih enseput.

Musim ka bakatu kitai bala maioh endang enda diasoh betunu ka babas laban tu tau ngasoh jerebu nyadi tebal agi.

Kitai ti enda nitih ka ator nunu babas tau di ukom perintah enggau mata duit tauka dijil.

Nya alai maia ka diatu anang betunu ka babas enggai ka ngenusah ka urang ti bukai.

[gambar diambi Rin leboh ia bejalai ke Pasir Pandak, Santubong]

Astana Pengerindu Astana Kitai

Rin udah pulai..

Rin udah datai di Betong malam tadi jam 11 malam. Aku nyau tetindok nganti ia. Udahlah demalam angat amat.

Aku alu nulong dua iko indu kawan ia ti diau enggau kaban ia enda jauh ari rumah kami duai Rin. Kasih ga meda saduai ia. Kami duai Rin nginjau ka saduai ia tilam dua iti.

Sari tu hari ti katerubah ia sida gawa (praktikal) ba Hock Peng ditu.

Astana Pengerindu Astana Kitai

Brita Manah

Pagi tu tadi aku nerima sms ari Rin madah ka ia deka dianjung sida Hock Peng Reality praktikal di Betong.

Brita manah ti enda disangka-sangka.

Astana Pengerindu Astana Kitai

Kemisi di Kuching

1hb Ogos

Aku kemisi kena 1hb Ogos tu tadi laban ti ka pegi ke Kuching..tumu ko jako...tang laun ga ankat nyaujam 2.30 lemai. Aku, Cikgu Bio enggau Curtain Designer Erica Luing...kami tiga mupok ke Kuching. Lemai nya angat amat tang laban ka Erica Luing sigi landik becherita enda berasai ga pejalai kami tiga..datai di Kuching dalam pukul 6.30 lemai.

tHe Spring


Udah ti nganjung Erica Luing ke rumah menyadi ia ti di Samarindah, kami duai Cikgu Bio bekejang ga ke rumah Tcil (rumah sewa) di Desa Ilmu...nganjung beras. Rin bisi call aku nanya jam berapa aku deka datai laban ia beguna ka aku minta anjung ke siti tempat sebedau jam 9.30 malam.

Laban ti agi tumu aku ngelantang ka diri. Kami duai Cikgu Bio sempat shopping utai pakai dibai ia pulai ke Batu 10..Taman Cinmuk. Enda mukai-mukai Rin telepon baru madah ka deka beguna aku diatu.

Nya meh aku mai moto laju ga...nganjung Cikgu Bio ke Batu 10...semina engkah ka barang alu mupok pecut laju ke Batu Tiga. Dalam 15 minit aku datai ngena Kancil Cikgu Bio.Udahnya beguai-guai ga aku lalu mandi. Tama agai krita viva alu mupok baru bekejang ke manoa Sukma.

Cikgu Bio enggau Tcil sempat ngumpul tin ba Star Cineplex

Tang datai di Pasar Malam Satok..urang ti dituju nya tadi bisi penanggol lalu enda nyadi ga kin. Pulai baru.Wisma Saberkas

Datai baru di rumah lebih kurang pukul 10.30 malam. Kami dua Rin alu mupok keluar udah ka nganjong indai entua aku. Kami duai makai di McD ba seberai Holiday Inn Kuching...maioh mat orang..

Pukul 2.00 pagi baru masok tindok..

2hb Ogos

Pagi tu kami duai Rin tumu ga dani laban ti ka pegi ke rumah orang ti malam tadi..pukul 7.00 am kami tiga enggau indai mentua aku udah bekejang ari rumah.Cikgu Bio ngambi duit..

Datai dia bedau pukul 8.00 am. Udah tembu dia, kami duai Rin mupok ke Desa Ilmu laban ti ka ngambi Tcil mai ia kelaur enggau Cikgu Bio. Aku laban ti udah kelalu lapar nyau begetar-getar asai kaki. Kami empat makai di Singapore Chicken Rice di Batu 3...best amat. Lapar biasalah..semua utai asai ulih diempa. Udahnya kami ke Wisma Saberkas laban Cikgu Bio bisi utai ka beli dia. Kedai alai Cikgu Bio meli barang di Wisma Saberkas

Ia lalu beguntin buok. Lama nganti saduai ia Tcil di PC Image, kami duai Rin makai baru di All Joy..makai tauhu ia..best. Maia kami pansut ari Wisma Saberkas ujan benong lebat di luar. Kami mupok ke Star Cineplex laban ti ka meda film. Kami meda X-Files.

Cherita nya endang sigi best..Cikgu Bio madah nya cherita kami maia agi teenager suba..he..he.. Makan lagi...he..he..pulai nya kami empat makai baru ba McD. The best Burger in the world! he..he..udahlah chelap aircond dia..nasib ga orang bedau maioh laban ti agi tumu.Big Mc

Kami mega sempat ke Sarawak ICT Expo ti bisi diadu ba Taman Letak Kereta..Maioh mat urang dia. Paking pan ka pedis-pedis laban ti bisi renovation dia..jalai sekut.

Enda ingat madah tadi maia nya jam kami makai lebih kurang pukul 10.00 malam. Udahnya berumban nganjong Tcil pulai ke Desa Ilmu dahnya nganjung Cikgu Bio ke Batu 10. Dalam lebih kurang pukul 12.00 pagi kami duai Rin datai di rumah. Lelak mat..

3hb Ogos

Pagi tu laun kami duai Rin dani..udah ngirup di rumah kami duai keluar laban ti ka meli mentol.

Tang sebedaunya kami duai makai Chicken Mushroom Mee ba Eastmoore Cafe. Mee tu sigi dikerindu kami duai. Tauke nya pan udah biasa enggau kami duai. Tengahari nya kami duai enggau indai mentua ku bekejang ke Pejabat Pelajaran Daerah Kecil Padawan laban ti deka ngambi adi ipar ku ti gawa nyadi PTD di Kem Pelajaran Malaysia ti bisi travelling kitu.

Lemainya dalam lebih kurang pukul 2.00 pm kami duai Rin ngambi Cikgu Bio di Batu 10. Rin ka enggau kami duai ga. Kami tiga bejalai ke tHe Spring. Bisi sale dia...karong panggal enggau cadar tilam..murah.. Kami tiga makai ba Food Bazaar...sedap..aku makai Roasted Chicken Rice, Cikgu Bio makai Char Kuey Tiow ti ukai Char Kuey Tiow ko ia..Rin makai kuey tiow goreng..sedap.. Laban ti Maybank bisi problem enggau line..kad kredit aku bedau ulih bayar..duit ti ka dibayar ka Hanim kawan Cikgu Bio pan tejanggal. Rin mayar ia maia ia bisi hari.

Kami duai Cikgu Bio bekejang ka Batu 10 deka ngambi barang ia dalam pukul 6.30 lemai..sigi ti udah laun. Datai di rumah sewa Tcil dalam 7.30 pm, kami duai mai ia makai di Siang Siang Samarahan. Maioh mat urang..penuh.. Makai baru...ehmmm...he...he..kami tiga makai roasted chicken RM7.00 laban setengah, aku makai mee char kuey tiow RM3.50..nyamai.. Cikgu Bio makai Salad Chicken Rice RM? enggau Kuey Tiow goreng RM?..makai aja-aja..Tcil enda makai..kenyang ko ia.

Beijing 2008

Kami duai Cikgu Bio ninggal ke Kuching dalam jam 9.30 malam. Aku dribo..nya pan nyau ka tebabas laban ti laju amat sebedau datai di Simpang Simunjan ...aku ka motong lori ti mai perau dikena Sarawak Regatta..aku kelalu laju..lost control..tang laban aku terror nadai apa nama..he..he..

Datai di Simpang Sri Aman lebih kurang jam 12.00 tengah malam, Cikgu Bio nganti aku dribo laban aku kelalu ngantok..aku tindok maia ia dribo. Enda berasai datai di Betong jam 1.00 pagi. Datai di rumah aku terus tindok...chukup lelak tang seronok amat.

Astana Pengerindu Astana Kitai