Lebih bersemangat ari ngelama tu!!

13hb Dis

Lebih bersemangat ari ngelama tu!!!

Nda nemu lah nama kabuah hari enam 13hb Dis tu tadi BA asai besemangat agi...enda sabar nganti pagila maia bisi seminar di Santubong Resort,Kuching (SR).

Pagi nya, BA, Cikgu Bio enggau erica luing bekejang ke Kuching jam 9.00 pagi. Kami tiga ngena moto kancil Cikgu Bio. BA meh nyadi dribo.

Maioh amat randau bala kami tiga neh..datai di Kuching enda berasai. Kami tiga ngambi Tcil udahnya bala kami merarau ba SCR semak Timberland.

Udah tembu matah ka lengan bala kami lalu enda lama ba opis kami. Apoo..maioh amat urang dia. Betemu enggau Linda, Maz enggau Rita. Mike agi busy enggau client. Nadai jam berandau lama.

Hari pan mesi-mesi ujan..enda nyamai endar bejalai dia. Laban ti udah bejanji enggau Aunty di opis cum rumah di Sukma, kami empat berangkat mupok ke manoa PJ kin laban ti ka berandau ka pengawa kitai Iban.

Dipeda BA nyau mereti agi ga erica luing ka pengawa ti deka digaga kami tu enggau bala kaban ia di Suri, Debak din. Pulai kami ari Aunty, ia meri bala kami jambangan bungai ti bisi lebih..nyau penoh moto Cikgu Bio.

Hari nyau majak lemai lalu kami beranjung ka erica luing ke rumah menyadi ia di Samarindah di Samarahan. Udah tembu baru kami tiga mulai ke diri ke Batu 10. Lagi ka keluar baru betemu enggau Faizul kaban Cikgu Bio. Ia bemalam di Huok Hua Inn.

Jam 8.30 malam kami tiga mupok baru..haru ujan maia nya. Nasib ga BA nemu dini alai manoa otel alai Faizul diau..nadai penanggol ga. Ia madah ka diri lapar...kami mai ia makai di Secret Recipe ba Padungan.

BA enda makai maioh..agi kenyang. BA makai kek aja alu ngirup ai watermelon. Sida tiga makai utai bukai. Nadai ngambi gambar nyau lelak ka ngachit ka kemera...he..he..

Tembu makai bala kami mai Faizul ke opis kami betemu enggau Mike saduai Linda dia. Puas ka berandau jam pan nyau tengah malam.

Kami tiga nganjung Faizul ke otel udahnya kami tiga pulai ke Batu 10. Lelak amat, BA terus tindok.

14hb Dis

Pagi tu kami tiga tumu dani. BA jam 5.40 pagi udah enchelak mata alu nerika baju ti ka dikena pagi tu. Jam 7.15 pagi kami tiga mupok ngambi Faizul. Cikgu Bio bula ka ia madah ka kami ka meda siti teater di SR.

Mahathir enda ulih enggau seminar sari tu laban ia dikangau ka boss ia diasoh gawa hari minggu..emmm..maioh mat penanggol.

Datai di Choice Mall di Samariang, kami beranti dia. Udah begumpul semua baru bala kami terus mupok ke SR.

Di SR, maioh amat urang. Mike enggau Linda ngator semua regista ka bala kami. Dia kami betemu enggau petunggal apai. Maioh ga bala ari Betong bisi enggau maia nya.

Jam 10 pagi seminar start...Raaz madah ka BA, ia lapar..jam maia nya baru 11.30 pagi. BA pan lapar laban nadai makai utai tadi mina ngirup aja. Kami duai ngambi peluang keluar alu ke cafe ba SR nya. Nasib ga makai buffet udah sedia..RM23.00 siko dibayar kena makai dia. Nadai ngawa lah..ukai suah.

Raaz madah ka BA.."bakani tua tu lagi makai tengahari ga baru". Makai tengahari endang bisi disedia ka orang. Nya pan laun ga makai tengahari nya nyau jam 1.30 lemai..lapar baru perut..he..he

Pengawa kami dia tembu jam 6.30 lemai. Udah tembu soping ba Choice alu beranjong ka Cikgu Bio enggau Faizul di otel saduai, kami duai Tcil mulai ke diri ke Batu 10. Kancil Cikgu Bio ditinggal ka BA. Ba numpang myvi Raaz. Penoh moto ia laban rengka hias pengawa nikah Mike & Linda ila.

Datai di Betong jam 1.00 pagi. Ngantok amat mata BA..Rin udah tindok maia BA datai.

Astana Pengerindu Astana Kitai