Ke Miri

18hb Dis

Lemai nya jam 8.00, kami duai Rin mupok ke Kuching. Kami duai makai dulu ba rumah awak ka enda iboh ngetu ba Simpang Sri Aman. Sepemanjai jalai hari chukup manah...nadai ujan.

Tang datai di Serian kurang lebih jam 11.00 malam, ujan lebat amat nyentok datai ba Kuching. BA udah datai di rumah, lalu nindok ka diri...lelak. Rin besikap ka gari ti ka dibai. Jam 2.00 pagi ia tindok.

19hb Dis

Pagi tu, kami duai tumu dani...jam 5.00 pagi. Hari ba luar agi ujan semalam-malam. Chelap amat...lesa asai mandi. Udah siap, jam 6.00 pagi...BA, Rin enggau dady Rin mupok ke airport.

Mamy nganjong kami tiga. Dady Rin pulai ke Sibu. Flight ia jam 7.45 pagi. Flight MAS kami duai ke Miri jam 7.00 pagi. BA enggai meli tikit Air Asia laban flight ia malam aja agi bisi.


Nepan bilon lebih kurang sejam kami duai datai di Airport Miri. Nadai ujan di Miri. Raaz ngambi kami duai di airport. Ia dribo ka moto Merc kakak ia, Wah..kami duai di ambi ngena Merc...

Raaz mai kami duai ngirup dulu ba kedai ngirup..enda ingat nama tempat nya. Ngau enggau kami tiga. Udah tembu ngirup baru meh Raaz nganjong kami duai Rin ke Eastwood Valley Golf & Country Club. Enda jauh ari airport.

Main building

manah kan...

bisi tasik ba ditu

Woow..best amat tempat tu..ko BA dalam ati..kami duai diau di Junior Suite. Nasib ulih check in terus..jam 10.30 pagi maia nya...



Kami duai Rin bekemas ka barang kami duai. Maia ka tengahari, BA alu minta sida hotel dia ngagau ka taxi laban kami duai ka ke Bandar Miri...caj ngena taxi ari hotel ke Boulevard RM28.00. Udahnya kami duai nepan taxi baru ke Bintang Plaza dicaj RM15.00. Mar amat taxi ditu...


Kira jam 3.30 lemai Raaz nganjong moto Myvi ia dikena kami duai Rin...maia nya kami duai benong bebeli handycraft ba Miri Heritage Centre. Udahnya kami tiga enggau Ngau ke Imperial Hotel laban ba begunan nya mega bisi shopping mall. Bendar ga kami duai Rin soping..he..heee..(reward ourself)


Udah tembu soping dia, kami duai Rin mulai ke diri ngagai Eastwood Valley...BA enda nemu tunga dunya..dribo aja. Abis semua jalai dia diuji magang. Kepuas ka tesat baru datai di hotel. Lelak amat.

Malam nya kira-kira jam 7.30, kami duai Rin mai moto Raaz dikena ke Taman Selera ba tisi tebing tasik. Kami duai makai seafood dia. Makai ikan pari bakar...emmm best nye. Rindu amat neh..ninga munyi ombak..nadai urang ngiga (opis lah)...memang best!!

Kami duai mega sempat nemuai ke rumah Aunty kami di Riam...nemu ga BA dribo begiga ke rumah sida ia. BA ka bendar ia nemu mimit-mimit jalai di Miri laban suah travelling kin suba maia agi gawa di CMO Wisma Bapa Malaysia..tang enda entu mereti ka jalai laban urang ti dribo ka moto...he..he.

Malam nya ujan lebat..basah baju maia mulai ka diri agai hotel ari tempat parking moto.

20hb Dis

Pagi tu kami duai tumu dani laban pagi tu ngulu pengerami kawin Michael & Linda ba Gereja SIB Krokop. Sebedaunya kami duai Rin breakfast dulu ba cafe' Hotel. Best amat view ba manoa tu neh...haruz lah pegi bercuti ditu...

BA makai mee goreng

Tu breakfast Rin..emm best

Bisi masalah..BA enda nemu jalai ke Gereja SIB di Krokop...puas betelipon enggau Raaz saduai Ngau nanya ka tungga jalai...nyau tesat masok ke Tamu ba Miri...nyau kepuas baru meh BA tetemu ka M Square...jalai ke gereja enda jauh ari tempat tu. Ngau mai kereta sebuah agi ngulu ka kami duai...tesat tadi heee...

Tu maia ba gereja SIB Krokop

Michael & Linda

Rin & BA

Maioh urang ba gereja. Udah tembu ceremony nya...kami duai Rin bejalai baru ke Emperial laban ti ka soping baru dia...heee..heee..

Jam 4.00 lemai kami duai bejalai ke tisi tebing tasik...tang ombak besai sereta angin kuat amat. Nya alai kami duai nama ka diri bejalai ke Marriot Resort & Spa.

Rin ba moa Marriot Resort & Spa

kami duai ngirup lemai ba Marriot Resort & Spa

Kami duai ke cafe' ia lalu ngirup dia. Manah ga hotel tu. Rin nanya nama kabuah BA enda milih hotel tu...BA nyaut ia..takut ka ancaman bom...he...he.

Jam 5.30 lemai kami duai pulai ke Eastwood Valley. Malam nya ka ngenatai ka diri ba makai lemai ngerami Michael & Linda.


21hb Dis

Pagi tu kami duai Rin mulai ke diri ke Kuching ngena bilon MAS. Flight kami duai jam 8.40 pagi. Kami angkat ke airport dianjong Mike & Linda jam 7.15 pagi.

Ba dalam bilon pulai ke Kuching

Jam 9.35 pagi bilon kami datai di Kuching. Malam nya kami duai Rin pulai ke Betong udah tembu soping baru ba Kuching..he..heee. Pukul 12.30 pagi kami duai datai di Betong.

Astana Pengerindu Astana Kitai