Penatai Kaban ke Betong

5hb - 6hb Dis

Kena ka 5hb Disember tu tadi bala kaban BA bisi datai nemuai ke Betong. Bisi tiga bala sida ia nya Maz, Zak enggau Adam. BA enggau ati ti gaga nerima penatai sida ia ti baru ia ke Betong. Sida ia diau ba Tapah Inn.

6hb Dis bala kami begulai enggau sida tiga meeting ba rumah BA. Ngarap ka samoa pengawa ti ka digaga kami jemah ila mujor belama.

Lemainya kira jam 5.00 lemai kami duai Rin mupok ke Kuching laban 7hb BA bisi betemu enggau client di opis kami di Kuching. Kami duai Rin datai di rumah kurang lebih jam 8.30 malam. Mamy udah nyangkong berapi. Udah badu makai lalu berandau enggau sida mamy. BA tindok tumu laban pagila deka tumu bisi pengawa bukai mega.

7hb Dis

Pagi tu tumu bala kami dani, BA, Rin enggau Allie tumu keluar laban ti ka breakfast. Kami tiga breakfast ba Thompson Corner...udahlah panas ba luar agi nya..laban urang kelalu maioh. BA nyau bepeluh peluh..nasib meh BA empu CK Summer mengharumkan suasana...

Di tHe Spring..apoo maioh ga urang taja agi tumu pagi...kami tiga soping lah..he...BA bebeli ka tie baru ba dia..murah lah..bisi Sale..he he. Rin saduai Allie ba bahagian gari indu di tingkat baroh...bendar ga saduai ia soping neh.

Tembu pengawa dia kami duai Rin nganjong Allie ke PJ laban ia deka ngabas famili kaban ia di enggau study trip ari UiTM lalu bebadi ba jalai alun di manoa New Zealand..nyadi tuboh kaban ia nya disadang datai di manoa lemai nya. Kasih amat neh..

Jam 1.30 lemai kami duai Rin betemu enggau client kami duai..ukai urang bukai..kazen diri empu si Boy enggau kaban ia Hagen. Kami empat matah ka lengan ba SCR Jalan Song...lama udah enda makai begulai baka nya...(teingat maia ka nyua rumah suba..2000)

Jam 2.30 lemai baru kami mupok ke opis. Nadai entu urang di opis laban ti agi tumu ..baru tebuka jam 1.00 tengahari. Tembu pengawa dia kira-kira jam 4.00 lemai kami pan pulai. Kami duai Rin beguai ga pulai ke rumah alu BA begari baru laban ti ka ke Matang bisi pengawa bukai...apoo sigi sendat hari sari tu.. Jam 8.30 malam baru tembu di Matang..perut pan nyau lapar...kami duai makai ba McD Central Park..tusah ngiga alai parking semak...udah nya pulai ke rumah..lelak amat.

8hb Dis

Sari tu Hari Raya Qorban...BA pagi tu udah bejanji enggau kaban BA ia nya Teddy deka betemu alu mai ia ngirup pagi. Jam 7.30 pagi BA udah bekejang ari rumah. BA call ia madah ka BA nemu alai Taman Malihah nya...laban sari nya cuti umum, moto pan enda maioh ba jalai..dalam setengah jam BA udah datai di TAman Malihah.

Datai di moa pintu rumah Teddy..apoo ia bedau mandi..agi bekerak ko kitai..he..he. Baru ia meh BA ke rumah ia kenyau bekalala sepuloh tahun tu udah. Maioh cherita ia..trip sida ia se geng ke Clark, Filipina..apooo raya kita...

Betemu ga enggau apai, indai serta ini ia...nya Ini ia nusi pasal ai banjir maia tahun 2003 kemari nya...sinu sinu ninga penusah sida ia.

Jam 9.30 pagi kami duai alu bekejang ke MJC ka matah ka lengan dia...jam 10.30 pagi BA nganjong ia ke Gereja Methodist ba Jalan Pisang laban ia ti enggau bala raban gereja Carolling Cristmas.

Laban BA ti dah bejanji enggau famili deka begulai makai tengahari ba luar..alu lah BA beguai pulai ke rumah. Mamy enda enggau nyadi kami tiga Rin enggau Allie makai di luar. Kami tiga makai di Secret Recipe ba tHe Spring...nasib meh ia semak rumah...enda jauh.

Tembu makai-makai kami tiga pulai ke rumah laban lemai nya kami duai Rin ka pulai ke Betong. Nya meh pengidup BA..kin kitu...kadang-kadang lelak kadang-kadang rindu ga. Hari enam minggu baru (13hb) pan BA nurun ke Kuching baru laban bisi pengawa bukai ga ka digaga.

Kemaia meh ulih rehat tu...enda ngawa lah..demi masa depan..ko kitai...



Astana Pengerindu Astana Kitai