Maggi @ Boulevard Kuching

Best amat..maia promosi produk Maggi tu di Boulevard Kuching. Maioh macham resepi Maggi digaga urang..ngasoh perut lapar ja..

Astana Pengerindu Astana Kitai

Tcil ke MAHA 2008

Tcil enggau tujoh iko bala classmate ia ti bukai bisi nemuai ke MAHA 2008 kena 19hb Ogos 2008. Program ti digaga Fakulti sida ia diator awak ka sida ulih meda pengawa dagang enggau hasil tani ti bisi digaga kaban kitai di semenanjung.

Tu sekeda gambar-gambar ti bisi diambi ia.

buah manggo..

buah pitaya..

Astana Pengerindu Astana Kitai

Bejalai ke Sibu

Enti di manoa Kuching, tentu 31hb Ogos nya hari mensia maioh ngintu Hari Merdeka ba Padang Merdeka, Kuching.

Tang bala kami, Rin, Ini saduai Aki serta aku kami empat bekejang urung jam 9.00 pagi ke Sibu. Ini saduai aki enda kala bejalai di pasar Sibu.

Tambah mega Ini deka motong cermin mata baru. Kami empat datai di Jakar jam 10.30 pagi. Laban perut ti kelalu lapar, kami empat lalu merarau ba kedai cina dia.

Urang madah pemakai ba Jakar nyamai..tang ba aku enda lah...engka kedai ka alai kami nya ukai kedai ti nyamai...tang aku tetap enda setuju.


Nyamai agi pemakai ba semak Tua Pek Kong Saratok, ko aki. Amat nya. Kami datai di pasar Sibu jam 12.00 tengahari.

Jalai ba tengah pasar Sibu benong jam ketegal ti bisi pengawa ngintu pengerami Hari Merdeka. Ini tusah ati meda moto maioh amat .

Ni orang ti bejalai kaki enda ngira urang ti bekerita. Nyau ke puas ti bepusin-pusin ba paking ba Wisma Sanyan...baru kami bulih alai paking.

Mensia amat maioh. Kami empat ke kedai cermin mata. Cermin mata Ini ulih tembu seminggu agi. Enggi aki ulih tembu dalam setengah jam.

Kami bejalai ke Parkson...tang Ini enda nemu nengah eskalator, kami nengah tangga belakang... Udah siap ba dia kami lalu nemuai ke Sing Kwong...siti supermarket ti besai ga di Sibu, ditu kami bebeli ka rengka pemakai ti deka dibai pulai.

Kami duai Rin meli periuk baru...besai.Ini nemu ngena eskalator ditu laban ia rata enda baka tangga. Maioh kami ka mulai ka diri hari lalu ujan chukup lebat...kami makai dulu ba kedai cina.

Rin makai mee sapi..

Aku enggau Rin makai mee sapi...nyamai amat. Landik ka cina ngaga mee sapi. Aki makai mee wantan...Ini makai asi belauk.

Sebedau pulai kami nikal baru ke pasar Sibu laban ti ka ngulu ka Ini saduai Aki bejalai di market sayur Sibu...maia ti ka masuk paking krita kami dihon orang..balat ga orang ditu enda sabar!

undang

Ini & Aki benong bejalai ba Market

Market sayur di Sibu tu endang sigi besai..penoh enggau bala kitai Iban ti bedagang dia...maioh utai tau dipilih kitai. Enti ia mar kitai milih ia ti murah ga... Kami ankat pulai ke Betong jam 5.00 lemai.

Lelak amat tang rindu ga.

Astana Pengerindu Astana Kitai

Ke Sarikei

Pagi 23hb Ogos tu tadi bala kami sebilik bejalai ke manoa Sarikei. Kami ankat lebih kurang pukul 9.00 pagi. Ujan lebat amat pagi nya ari Betong nyentok datai ba Sarikei.

Bala kami kia pan laban ti ka nganjung viva Rin servis ti kedua. Aku lalu ngodar eksosari ti ka dipasang ba dalam viva nya. Bulan Sept 08 baru datai.

Joobejot benong merati ka viva ti benong servis

Laban hari ti enda entu manah, nadai jauh pejalai bala kami..makai di KFC, dahnya bebeli ka lauk ba market ikan. Maioh mat ikan ditu..

Joobejot benong makai ais..

ehmm..best mat

Laban jam ti agi bisi dia bala kami singgah ba kedai nyual perabot...maioh sereta manah amat neh. rindu meda mija makai batu mamar...berunding dulu meh indai..enti ka meli madah ka Cikgu Bio saduai Cikgu St Mark..

Benong meda mija makai mamar

Atie @ Cikgu St Mark enggau indai

Astana Pengerindu Astana Kitai

Meli maioh bup

Sekali tu kami duai Rin shopping bebeli ka bup. Maioh ga bup tu. Semua ongkos ia RM300++. Enda ngawa investment dikena nambah ka penemu kami duai ba senentang herba sereta ubat-ubatan tradisional.

Astana Pengerindu Astana Kitai

Ke Kuching

gambar diambi leboh aku benong dribo ke Kuching

Kena lemai 16hb Ogos 2008, kami tiga Rin & Cikgu Bio bekejang ke Kuching laban ti bisi pengawa ka digaga kami duai Rin din.

Cikgu Bio pan ka numpang kami duai laban ti deka betemu enggau kaban ia pensyarah ari UNIMAS. Tang ia madah saduai enda jadi betemu laban sida kaban ia nya gagau Family Day.

Lelak ga dribo ke Kuching..laban lemai nya panas amat hari. Kami tiga ngetu makai 'tengahari' dalam pukul 3.30 lemai. Datai di Kuching lebih kurang jam 7.00 lemai..aku chukup lelak pedis kaki..nindok ka diri aku. Malam nya nadai mindah kini-kini laban lelak.

Astana Pengerindu Astana Kitai

Makai di Kenny Roger @ Boulevard

Benong lapar nganti pemakai datai

nyamai amat ehmm...

Cikgu Bio benong makai

Lama amat udah enda makai ditu. Maia ia baru buka pun taun tu kemari suah ga kami duai Rin makai ditu.Pama mat ga rega makai tang laban udah minat makai..enda peduli..he..he

Kemari kami tiga Cikgu Bio makai dia. Kenyang amat..nyau enda ulih enseput asai aku..he..he..

Astana Pengerindu Astana Kitai

Kemisi di Kuching

1hb Ogos

Aku kemisi kena 1hb Ogos tu tadi laban ti ka pegi ke Kuching..tumu ko jako...tang laun ga ankat nyaujam 2.30 lemai. Aku, Cikgu Bio enggau Curtain Designer Erica Luing...kami tiga mupok ke Kuching. Lemai nya angat amat tang laban ka Erica Luing sigi landik becherita enda berasai ga pejalai kami tiga..datai di Kuching dalam pukul 6.30 lemai.

tHe Spring


Udah ti nganjung Erica Luing ke rumah menyadi ia ti di Samarindah, kami duai Cikgu Bio bekejang ga ke rumah Tcil (rumah sewa) di Desa Ilmu...nganjung beras. Rin bisi call aku nanya jam berapa aku deka datai laban ia beguna ka aku minta anjung ke siti tempat sebedau jam 9.30 malam.

Laban ti agi tumu aku ngelantang ka diri. Kami duai Cikgu Bio sempat shopping utai pakai dibai ia pulai ke Batu 10..Taman Cinmuk. Enda mukai-mukai Rin telepon baru madah ka deka beguna aku diatu.

Nya meh aku mai moto laju ga...nganjung Cikgu Bio ke Batu 10...semina engkah ka barang alu mupok pecut laju ke Batu Tiga. Dalam 15 minit aku datai ngena Kancil Cikgu Bio.Udahnya beguai-guai ga aku lalu mandi. Tama agai krita viva alu mupok baru bekejang ke manoa Sukma.

Cikgu Bio enggau Tcil sempat ngumpul tin ba Star Cineplex

Tang datai di Pasar Malam Satok..urang ti dituju nya tadi bisi penanggol lalu enda nyadi ga kin. Pulai baru.Wisma Saberkas

Datai baru di rumah lebih kurang pukul 10.30 malam. Kami dua Rin alu mupok keluar udah ka nganjong indai entua aku. Kami duai makai di McD ba seberai Holiday Inn Kuching...maioh mat orang..

Pukul 2.00 pagi baru masok tindok..

2hb Ogos

Pagi tu kami duai Rin tumu ga dani laban ti ka pegi ke rumah orang ti malam tadi..pukul 7.00 am kami tiga enggau indai mentua aku udah bekejang ari rumah.Cikgu Bio ngambi duit..

Datai dia bedau pukul 8.00 am. Udah tembu dia, kami duai Rin mupok ke Desa Ilmu laban ti ka ngambi Tcil mai ia kelaur enggau Cikgu Bio. Aku laban ti udah kelalu lapar nyau begetar-getar asai kaki. Kami empat makai di Singapore Chicken Rice di Batu 3...best amat. Lapar biasalah..semua utai asai ulih diempa. Udahnya kami ke Wisma Saberkas laban Cikgu Bio bisi utai ka beli dia. Kedai alai Cikgu Bio meli barang di Wisma Saberkas

Ia lalu beguntin buok. Lama nganti saduai ia Tcil di PC Image, kami duai Rin makai baru di All Joy..makai tauhu ia..best. Maia kami pansut ari Wisma Saberkas ujan benong lebat di luar. Kami mupok ke Star Cineplex laban ti ka meda film. Kami meda X-Files.

Cherita nya endang sigi best..Cikgu Bio madah nya cherita kami maia agi teenager suba..he..he.. Makan lagi...he..he..pulai nya kami empat makai baru ba McD. The best Burger in the world! he..he..udahlah chelap aircond dia..nasib ga orang bedau maioh laban ti agi tumu.Big Mc

Kami mega sempat ke Sarawak ICT Expo ti bisi diadu ba Taman Letak Kereta..Maioh mat urang dia. Paking pan ka pedis-pedis laban ti bisi renovation dia..jalai sekut.

Enda ingat madah tadi maia nya jam kami makai lebih kurang pukul 10.00 malam. Udahnya berumban nganjong Tcil pulai ke Desa Ilmu dahnya nganjung Cikgu Bio ke Batu 10. Dalam lebih kurang pukul 12.00 pagi kami duai Rin datai di rumah. Lelak mat..

3hb Ogos

Pagi tu laun kami duai Rin dani..udah ngirup di rumah kami duai keluar laban ti ka meli mentol.

Tang sebedaunya kami duai makai Chicken Mushroom Mee ba Eastmoore Cafe. Mee tu sigi dikerindu kami duai. Tauke nya pan udah biasa enggau kami duai. Tengahari nya kami duai enggau indai mentua ku bekejang ke Pejabat Pelajaran Daerah Kecil Padawan laban ti deka ngambi adi ipar ku ti gawa nyadi PTD di Kem Pelajaran Malaysia ti bisi travelling kitu.

Lemainya dalam lebih kurang pukul 2.00 pm kami duai Rin ngambi Cikgu Bio di Batu 10. Rin ka enggau kami duai ga. Kami tiga bejalai ke tHe Spring. Bisi sale dia...karong panggal enggau cadar tilam..murah.. Kami tiga makai ba Food Bazaar...sedap..aku makai Roasted Chicken Rice, Cikgu Bio makai Char Kuey Tiow ti ukai Char Kuey Tiow ko ia..Rin makai kuey tiow goreng..sedap.. Laban ti Maybank bisi problem enggau line..kad kredit aku bedau ulih bayar..duit ti ka dibayar ka Hanim kawan Cikgu Bio pan tejanggal. Rin mayar ia maia ia bisi hari.

Kami duai Cikgu Bio bekejang ka Batu 10 deka ngambi barang ia dalam pukul 6.30 lemai..sigi ti udah laun. Datai di rumah sewa Tcil dalam 7.30 pm, kami duai mai ia makai di Siang Siang Samarahan. Maioh mat urang..penuh.. Makai baru...ehmmm...he...he..kami tiga makai roasted chicken RM7.00 laban setengah, aku makai mee char kuey tiow RM3.50..nyamai.. Cikgu Bio makai Salad Chicken Rice RM? enggau Kuey Tiow goreng RM?..makai aja-aja..Tcil enda makai..kenyang ko ia.

Beijing 2008

Kami duai Cikgu Bio ninggal ke Kuching dalam jam 9.30 malam. Aku dribo..nya pan nyau ka tebabas laban ti laju amat sebedau datai di Simpang Simunjan ...aku ka motong lori ti mai perau dikena Sarawak Regatta..aku kelalu laju..lost control..tang laban aku terror nadai apa nama..he..he..

Datai di Simpang Sri Aman lebih kurang jam 12.00 tengah malam, Cikgu Bio nganti aku dribo laban aku kelalu ngantok..aku tindok maia ia dribo. Enda berasai datai di Betong jam 1.00 pagi. Datai di rumah aku terus tindok...chukup lelak tang seronok amat.

Astana Pengerindu Astana Kitai

Aku ba Kuching ujong minggu tu tadi

Lemai hari lima 11hb jam 6.00pm, aku enggau dua iko kaban bekejang ke Kuching ngelaban ujan ti lebat lemainya. Kami tiga datai di Kuching lebih kurang jam 10pm. Lelak amat lelak dribo kin tang seronok mega laban betemu enggau Rin.

Rin enda nyangka aku dribo kitu..sangka ia aku nepan bas. Ukai nama aku mai krita laban ti mai meja mit sereta iron board Tcil. Amat berat ga asai kreta aku. Lama udah enda dibai bejalai jauh ke Kuching. Naka ka Bulan April suba kreta nya bejalai ke Kuching.

Pagi hari enam tumu kami duai Rin dani laban deka nganjung ia bisi bengkel di CIDB. Mami ia udah nyedia ka breakfast ka kami duai so enda jadi meh ka mam Chicken Mushroom mee ba Eastmoore Cafe..best.. Bedau jam 8am kami duai udah datai di CIDB..nda maioh kreta laban urang nda bekereja sari nya.

Aku mupok ke Samarahan nengah jalai mansa Masjid Jamek alu mansa Kolej Abdillah..teingat ka maia Ati agi belajar dia suba..tiap minggu ti singgah dia. Dahnya mansa Wisma Bapa Malaysia.Dipeda ari luar nadai maioh berubah..tang di dalam canggih..teingat ka maia suba gawa dia..tumu mat aku nurun..ehm..

Enda tusah ngiga rumah alai Tcil nyewa..ba lorong 22M ... enda jauh ari Idola Cafe alai Stanly AF6 kala kereja nyadi tukang masak tauka chef sebedau ia join AF.Maia aku datai ba rumah nya bisi bala kaban ia ba rumah. Indu ari Sabah, bisi lapan iko bala sida tang sari nya sida deka pindah ke rumah sewa sida empu.

Ok ga rumah sida Tcil nya..dua iko seduai ia nyewa dia..RM400.00 sebulan. Rumah umbas ia pemesai tang yang penting semak enggau kampus UiTM. Jalai kaki aja...jimat kos.

Kami dua Tcil breakfast ba cafe di Tabuan Laru..makai laksa..nyamai amat.... Tcil makai kuey tiaw..nyamai ga dipeda aku. Udahnya kami duai bejalai ke Riverside enggau Sarawak Plaza seraya ka nganti Rin abis bengkel.

Kira jam 12.30 tengahri kami dua Tcil ngambi Rin di CIDB..kami tiga alau bekejang ke Boulevard..ka mam KFC..lapar mat. Tcil madah ia ka spon..apa lagi langkah kanan lah..

Udah kenyang makai KFC kami tiga soping ba hypermarket dia..lama ga nganti Tcil. Nyau ulih begiga..padu hal ia milih bawang burak..amat murah..0.76 sekilo..MURAHNYE..

Kami dua Rin udahnya nganjung ia pulai ke Samarahan baru..lelak amat sarinya. Taja pia kami dua Rin mupok baru kira jam 8.30pm..ka meda wayang.

Mula ia ngagai Riverside..laban maioh mat moto niki agai Star cineplex..aku beranggapan mensia tentu rami. Lalu ka meda di Riverside aja..tang..malang nye..nadai show cita Journey to the centre of the earth dia. Tepaksa mayar RM2.00 duit paking untuk 20 minit dalam nya. Udahnya ke Star Cineplex..meda show jam 10.15pm. Penuh wayang. Baru ia kami duai duduk di row ti ketiga di mua..pedis pegu..Rin tetindok meda cita nya laban ia lelak..ko ia.Wayang abis jam 11 lebih alu kami duai ngisi perut mam di McD semak rumah. AKu makai Big Mac..haruzlahhhh. Nyau gentung asai perut.

Ujong minggu ti amat best..aku pulai ke manoa jam 2 lemai hari minggu enggau duo iko kaban aku. Datai di manoa jam 6 lemai..agi panas ba ditu..lelak amat neh.

Astana Pengerindu Astana Kitai

Meda Filem Hancock

Udah meda Hancock? Kami duai Cigu Bio meda cerita nya ti dilakon ka Will Smith lemai kemari di cineplex di Sibu. Kami duai ti tejanggal lama di Perodua Service Centre di Sarikei nyau laun angkat ke Sibu. Tumu angkat ari Betong...jam 6 pagi.

Kereta Kancil Cigu Bio maioh amat utai perlu ditukar temasuk timing belt. Enggai ka ia putus tusah laban ia.

Kami duai datai di cineplex sepiak Hotel Premier jam 5.00 lemai alu meda show jam 5.15 lemai. Cerita nya manah ga..tang kelalu jampat. Engka laban tu pengenalan ila sida ngaga sekuel ia manah agi. Tang lakonan Will Smith endang sigi manah belama..rindu meda ia nemu terebai nulong orang ti tusah.Anang enda meda filem nya...laban ukai semina Hancock aja ti bisi super power tang bisi indu siko mega...ex bini ia..emmm..

Astana Pengerindu Astana Kitai

Pengingat leboh ke Langkawi & Kuala Lumpur taun 2005

Rin nampak lelak leboh baru nurun ari

bilon ba Langkawi International Airport

Begambar leboh nganti pemakai diidang ba siti restoran bansa Turki
enda jauh ari Coronade Hotel alai kami duai diau

Burung Helang ba Dataran Lang, Langkawi

Kuala Lumpur dipeda ari Menara KL

KLCC digambar ari Menara KL

Ba atas Menara KL

Ba Underwater World Langkawi

Rin posing ba villa enda jauh ari stesen cable car

Ba atas gunung...datai dia nepan cable car..

Aku takut leboh nepan cable car..rawan..

Kami duai Rin ba Dataran Lang

Rin leboh nganti bilon ke Langkawi

Gambar-gambar tu diupload ari kamera video...baru diatu aku bisi ari kiroh ka ia.

Astana Pengerindu Astana Kitai