Nemuai baru...

Cigu Bio sempat posing ba Cristmas Tree

Sekali agi, Bujang Astana [BA] enggau Cigu Bio bisi nurun nemuai ke Kuching laban ti bisi pengawa ti ka digaga din.

Kami duai angkat laun, jam 6.30 lemai ari Betong. Moa hari lemainya nyau petang ka ujan. Sepemanjai dribo kin endang kena ujan lah krita BA. Udahlah maioh lori besai-besai..sida ia dribo malam laban lari ari Ops Tutup ti digaga JPJ maia hari siang.

Kami duai ngetu makai di Simpang Sri Aman...makai ditu chukup mar. Rega pemakai Cigu Bio RM7.00 lalu enggi BA RM5.00 enda temasuk ai irup. Apoo..rega minyak dah nurun urang ditu nadai asai besalah ngecaj pemakai rega nya...

Kami duai Cigu Bio datai di Kuching jam 11.20 malam lalu betemu enggau Uncle Stephen ba Batu 7...saduai ia Cigu Bio sempat ngodar pemakai. BA enggai makai..ngirup ai aja...agi kenyang lah.

Kisah kami duai Cigu Bio berurusan enggau bank di Kuching chukup merinsa..red tape teruk ba P%^#ic Bank. Kenyau ari minggu nyin kemari berurus enggau sida alu bedau tembu cek BA. Tepaksa nurun baru minggu ti ka datai hari satu 1hb Dis ngambi cek nya.

Nyau ka sepuluh iko urang ba bank nya berurusan enggau BA baru ulih selesai..nya pan part of it.

Cherita Cigu Bio di C#$B Bank pan lucu...tang bisi penganjaran ga...anang sekali-kali nginjau tunang urang nyadi ka tunang diri..ha..ha..ha..(dini alai passbook aku neh)..giga-giga...apa kata nuan pindah ke branch bukai...he..he

Tapi yang best hari nya bala kami, Aunty Mary, Uncle Stephen enggau Cigu Bio, kami makai di Secret Recipe ba tHe Spring...sekali tu Cigu Bio belanja kami makai dia. Uncle Stephen teruja enggau pemakai ti dioda ia...he..he...haruzlah..memang best...tanya Coki.

Laban ti kelalu sibok makai-makai..lagipun agenda utama maia nya memang makai..ok.., alu meh enda sempat becherita hal biznes kami duai Cigu Bio ti baru ka bekembang..ila meh next trip..kitai cherita di Mango Tree lah pulak...

nyam nyam..

Lemai nya kami duai Cigu Bio ninggal ka Kuching dalam jam 9.30 malam udah badu besoping di ..dini agi ba tHe Spring lah..Kami duai datai di Betong semak jam 2 pagi. Mata BA chukup ngantok..Kopi O ari Tenom, Sabah digaga Uncle Stephen enda ulih ngubat mata BA ti ngantok...he..datai aja BA terus bekemas barang ti dibeli...

Dahnya baru ulih tindok..pagila jam 5.30 pagi ka dani baru...kereja lah!

Astana Pengerindu Astana Kitai

Ke Seafood...emmm Secret Recipe

19hb Nov

Bujang Astana bisi kemisi pandak kena 19hb - 20hb Nov lalu nemuai ke Kuching. Kebuah ka kemisi tu laban ti nganjong Rin intibiu ba SPA Malaysia, Bangunan Sultan Iskandar (BSI), Kuching.

nyamai sup tu..emmm

Cikgu Bio enggau kami duai. Tengahari 19hb angkat ke Kuching. Lemai datai din. Malam nya kami tiga nganjung diri makai di Pending..ba seafood. Lama amat udah nadai makai dia. Bisi setaun lebih tu udah.

Nyamai makai dia..rega pan enda mar..RM50.++ aja...taja ia seafood kami tiga nadai ngoda undang tauka ambal..allergic deh..bakani lah..

tinggal tulang aja..

20hb Nov

Kami angkat ari rumah ba Jalan Ong Tiang Swee jam 7.30 pagi..krita benong maioh ba jalai..ujan pagi nya. Nasib ga rumah semak enggau alai Rin intibiu. Udah ti nganjong ia, kami duai Cikgu Bio betemu enggau Madir..kaban Bujang Astana ti gawa di Biro Bantuan Guaman..ka minta nasihat..he..he

Kami tiga ngirup di Cilipadi...makai roti canai...laban Madir ka enda ulih lama, udah ngirup kami alu angkat pansut ari kedai. Kami duai Cikgu Bio nganti Rin ba tingkat satu, BSI..ehm nadai akon kah..panas mat dia..nyau bepeluh peluh. Udahlah parking jauh...

Enda lama aja Rin intibiu. Ia lalu nadai udah breakfast pagi tu tadi..kami tiga ke McD seberai Holiday Inn..ngulu ka ia mam dia.

Tembu dia kami tiga bekejang ngiga Public Bank ba area Padungan..nyau tesat..balat ga Bank nyau betapok belakang teluk-teluk alai ia nyau pedis digiga. Udah lah urusan Bujang Astana dia lama amat amat..duit pan enda ulih keluar ga..macham-macham sida bank tu..lelak mat enggau red tape ba bank..bisi ga..

Nyau dipandak ka cherita..udah tembu samoa pengawa di CIMB, Pasar Satok (tetemu ka AAO Rohani - ia meli ikan terubok masin), Hong Leong Bank, Taman Sukma..kami tiga soping ba tHe Spring. Cikgu Bio maioh mat barang dibeli ia neh..

Laban nyau lelak bejalai, kami tiga ka makai di Secret Recipe...sarinya ka kia..penuh gasak urang. Lemai tu puang nadai entu urang. Cikgu Bio baru ia makai dia. Haruzlah...memang sedaaappp! Rega pan..emmm RM110.00....telebih suda...


Kami tiga mupok pulai baru ke Betong urung jam 9.20 malam. Dribo sekali tu aku chukup ngantok..laban Bujang Astana enggai ngirup ai kopi ais...ingat kan dah ngirup mocha ..Bujang Astana ngantok..tang datai ga di Betong jam 1.30 pagi..begadai-gadai nengah jalai..he..

Astana Pengerindu Astana Kitai

Beraya & makai-makai...

Ehmm...bolih tahan Ritos saduai Amoi betanda lemai nya..

Wahhh..Abg Piee

Mija Tuan Residen

benong lapar magang sida tu

Rin... agi kosong pinggai nuan pia

aram bepoco-poco

buah rambutan pan bisi

kuey ka lauk tu?..

buah rian..

Lemai hari empat, 23hb Okt bala kami bisi dikangau olih Pejabat Daerah Betong ngulu pengerami Hari Raya sida ia diator di Rest House, Betong.

Nyau ka sampal bala kami ari Opis Residen datai kia. Pemakai ti disedia olih sida ia chukup maioh. Bisi buah rian lah... bendar bala makai buah rian.

Ukai semina makai aja bala kami mega di rami ka olih bala sida ka nemu belagu enggau nemu bepoco-poco. Amat rami sida ia...

Tuan Residen, Romie Sigan Daniel serta Madam Grace mega ngulu pengerami lemai nya.

[photos courtesy of Yati]
Astana Pengerindu Astana Kitai

Ngintu Hari Pengada Indai

Indai benong melah kueh kek hari pengada ia

Cikgu Bio @ Chip, indai, apai, Rin & Bujang Astana

ba moa Cikgu St Mark & Juveena

Mimit nadai meh aku teingat ka pengawa kami lemai nya. Gambar tu diambi leboh bala kami ti ngintu hari pengada indai bulan April 08 tu kemari. Maia nya baru seminggu udah pindah ke kuarters baru ba Jalan Spine.

Semadi aku tepeda ka gambar-gambar nya ba dalam laptop Chip aku lalu minta gambar nya. Tcil pan bisi di rumah maia nya, enti enda salah ku the next day nya ia pulai ke Kuching.

Astana Pengerindu Astana Kitai

Raya Opis Residen Betong

Kelab Sukan & Rekreasi Pejabat Residen Bahagian Betong udah mujur ngator pengawa Ramah Tamah Aidilfitri kena ka lemai 9hb Oktober 2008 di Rest House Betong.

Pengawa makai lemai nya diator ngena chara gotong royong bala maioh. Ungkos nyedia ka pemakai enggau kuih disponsor bala staf empu.

Tuan Residen, Romie Sigan Daniel sponsor mata duit dikena meli sayap manok ti ka dipanggang, Timbalan Residen, Haji Pathi mega sponsor mata duit dikena meli dagin chapi. Staf ti bukai mega sponsor ai soda, garam, biching, minyak masak enggau sekeda utai ti bukai.


Chef kami Timbalan Residen Haji Pathi, AO Hayati enggau AO Crispin mandok lauk ayam herma enggau daging masak hitam. AO Hayati mega mandok kuah sate. Kak Lat mandok asam pedas enggau asi himpit. Sida ti manggang manok nya Wan Ibrahim, Jenner, Pengerusi Kelab Ritos, Sanda & Luat.


Bendar bala sida ngasak ka jebom ba belakang dia ti disponsor AO Crispin. Luat mega sponsor lengkuas, seray enggau daun pandan. Khairol saduai Raduan sponsor meehon gureng. Pejabat Daerah Betong ti mega bisi dikangau lemai nya sponsor laksa Sarawak.


Lemang lemai nya didatai ka khas ari Roban. Lemang nya disponsor olih Said. Rengka pinggai mangkok sereta hiasan disedia enggau digaga Isma, Nai enggau Lia @ Erica Luing. Nasib ga bisi Ina saduai Deng, nembiak praktikal ti bisi nulong nyedia ka bala sida bawang enggau liak.

ina & deng

dua chef benong memasak

MC lemai nya AO Raca lalu technican ia Ajan. Pengawa tu dipejadi ka dulu bacaan doa olih Tuan Haji Pathi. Udahnya Ritos lalu berucap. Ia madah ka umur kelab tu baru sebulan, nya alai chara gotong royong meh dulu laban bedau chukup fund duit.

tiga chef...

Tuan Residen ba jako pesan ia mega madah ka bala staf enda tau ninggal ka opis kosong nadai urang. Taja siko pan mesti bisi urang nguan opis. Opis perintah ukai baka kedai, ia mesti dibuka enti hari nya hari urang gawa. Laban service ti dibri ke rayat enda ulih putus ia seruran bisi berari. Nya meh kabuah opis perintah tu dibuka.

Lemai nya mega cek disua ka Isma ti udah ngada ka anak ia dua bulan tu kemari. Cek mega bisi dibri ka Nai ti udah bulih surat approval bepindah ke opis Land & Survey Sarikei. Kedua-dua cek tu disua ka Tuan Residen, Romie Sigan Daniel.

Lemai nya kitai diperindang ka olih Kak Lat saduai Khairol enggau lagu-lagu karaoke, Malidi mega bisi belagu, AO Raca, Ao Crispin, Tuan DO Friday, Tuan Haji Pathi enggau Tuan Residen sama bela bisi merindang bala maioh.

Nyau jauh malam bala maioh bepoco-poco ba Dewan Santapan dia. Amat rami Raya tu! Taun baru ila kitai betemu baru...auk aa..nadai ngambi gambar laban aku ti ngena digital video cam..enti sema bisi ari bala kaban aku engkah ia ditu.



Astana Pengerindu Astana Kitai

YAB KM Sarawak beraya di Betong

YB Jelaing Mersat betabi enggau YAB Pehin Sri (courtesy of Mr Romie Sigan Daniel)

Ramah Tamah Aidifitri di Betong kena ka sari tu tadi chukup rami enggau penatai YAB Kepala Menteri Sarawak, Pehin Sri Haji Abdul Taib Mahmud sereta enggau YABhg Datuk Amar Puan Sri Dr. Hajjah Laila Taib.

Penatai ia ba helipad Komplek Pejabat Kerajaan Negeri kurang lebih pukul 10.00 pagi tu tadi disambut olih YB Datuk Patinggi Tan Sri (Dr) Alfred Jabu sereta YB Senator Dato Sri Empiang Jabu, YB Dato Sri Haji Awang Tengah Ali Hassan enggau bala VIP ti bukai.

VVIP benong melah kek raya (courtesy of Mr Romie Sigan Daniel)

Pengerami tu diator olih Jawatankuasa Tetap Perayaan Agama Islam Bahagian Betong begulai enggau Pejabat Residen & Daerah Betong beserimbai enggau Hari Raya taun 2008.

Lebih kurang 2,000 mensia bisi datai begempuru ba Dewan Tan Sri Datuk Amar Stephen Kalong Ningkan di Betong.

Terima kasih ke Pejabat Residen Sibu (En. Abdillah & En. Teo) laban ti udah nginjau ka kami sebuah kereta merc enggau sebuah Perdana Eksekutif dikena maia pengerami nya. Pia mega terima kasih ke Pejabat Residen Sarikei (En. Joseph Indi) ti udah nyali kami siti kereta merc dikena VVIP pagi tu tadi.

Rami amat bala pengabang (courtesy of Mr Romie Sigan Daniel)

Bala orang ti merindang bala pengabang (courtesy of Mr Romie Sigan Daniel)

Astana Pengerindu Astana Kitai

Beraya di 11 rumah... siti Minangkabau

Sehari tu tadi kami bekejang ari Kompleks Perumahan Kerajaan Negeri jam 10 pagi. Kami deka ngabang ke Spaoh enggau Debak. Datai di Spaoh terus ke rumah ex Timbalan Residen Betong Haji Saudi Narani, diatu ia Pensyarah Kanan di UiTM Samarahan.

Family ia nyambut penatai bala kami enggau ati ti gaga. Maioh amat pemakai dibantai ka sida ia sebilik. Tembu beraya dia, kami ke rumah menyadi ia, sepiak aja...tu meh rumah pemadu lain ari ti bukai di manoa Spaoh. Ala-ala Minangkabau.

Rumah menyadi Haji Saudi, rumah Ali (courtesy of Mr Romie Sigan Daniel)

ari kiba- Haji Saudi, Luat Muling, AO Roni Ah Hin, Ali, Bujang Astana, Rin & AO Crispin
(courtesy of Romie Sigan Daniel)

Rumah dua ringkat setengah tu mega chukup unik sereta bisi setail ia empu. Manah chukup manah enggau ukir ia ti ngundan gaia ukir Iban enggau Melayu di manoa ditu. Tambah mega family sida Haji Saudi tu champur Iban enggau Melayu.

Rin, Madam Grace enggau Tuan Romie Sigan Daniel

Di Spaoh kami sempat mega ngabang ke rumah dua iko staf kami nya Wan Sakeran enggau Wan Ibrahim..dahnya ke rumah tuai kampung ditu...kenyang amat makai rendang sereta kuih maioh macham.


Ari Spaoh bala kami angkat ke Debak. Din kami begulai enggau Dr. James Luing enggau Mrs ia, Jeffery Adang sereta tiga iko ti bukai.

Bala kami ke rumah kaunselor, penghulu enggau ke rumah ex ASP Polis di Betong suba. Jam lima lemai kami datai di rumah Ketua Polis Daerah Betong ba Kompleks PDRM ti baru ba Betong.


Kesemua rumah ti alai kami ngabang..11 buah semua ia. Amat bendar bala kami..kelalu kenyang perut.

Astana Pengerindu Astana Kitai

Selamat Hari Raya 2008

Gambar leboh Majlis Ramah Tamah Aidilfitri 2007 Bahagian Betong
(ari kiba AO Hayati, Bujang Astana, AO Crispin, AAO Baijury & AAO Hairol Nizam)

Bujang Astana deka meri tabi Selamat Hari Raya Aidilfitri ka samoa muslim ba Sarawak, Sabah, Brunei enggau ba serata manoa ti bukai.

Aram meh kitai ngabang ke rumah kaban kitai. Pagila, bala kami begulai enggau Tuan Residen Betong, En. Romie Sigan Daniel deka ngabang ke rumah bala Tuai-tuai masyarakat di Kabong, Roban enggau Saratok.

Hari Raya ti kedua bala kami deka ngabang ke Spaoh enggau Debak. Betemu meh kitai din.

Astana Pengerindu Astana Kitai

Ke Kuching makai-makai..

Lemai hari lima, 26hb kami tiga Rin enggau Cikgu Bio bekejang mupok ke Kuching pukul 6.30 lemai. Taja laun laban ti gawa dulu lemainya. Cikgu Bio sigi ti ka enggau kami duai. Kami lalu ngambi Tcil di Desa Ilmu, sida ia kemisi raya seminggu.

Kami tiga sempat ngetu makai malam ba Simpang Sri Aman. Makai asi champur..nyau ndai entu utai pakai laban mensia ti chukup maioh. Anang tekenyit enti kita ngena tandas awam ba dia...bayar masuk diatu RM0.30 siko, ukai gi RM0.20. Engka laban minyak petrol niki suba lalu sida pan niki ka rega ngena tandas awam nya.

Maioh amat moto nengah jalai..aku ka minta ampun ngagai kita ka bepansa enggau moto kami tiga viva chelum QXX 96X..lampu ia kelalu tinggi taja aku ukai ngena hi-lite..minta ampun auk..

Kami tiga datai di Desa Ilmu dalam pukul 11.30 malam..penat asai kaki dribo...udahnya nganjung Tcil saduai Cikgu Bio bemalam ba Taman Cin Muk Batu 10...ehmm dahlah jauh...lelak aku!

Datai aja di rumah mentua aku..terus masuk tindok.

Pagi hari enam nya kami duai Rin breakfast ba rumah aja..makai coklat dibai Ally..best amat..Aku mupok ke Batu 10 laban ti ka ngambi duo iko nya tadi mai ke Wisma Saberkas laban Cikgu Bio bisi pengawa dia.

Sebedau nya kami tiga breakfast ba kedai makai semak Hong Leong Bank batu 7..tempat alai aku selalu breakfast suba maia agi bujang di Kuching.

Cikgu Bio makai asi belauk..tumu amat ko aku..ia madah ia sigi biasa makai tumu di sekula alai ia ngajar. Tcil makai wantan. Aku ngodar mee kolo ayam..best amat lah.

mee kolo ayam

Mupok ke Wisma Saberkas munyi ko Cikgu St Mark..satu penye..saan..moto ti niki katas kin chukup maioh..kami paking ba datas sekali. Nyau lelak nekan pedal brek aja-aja. Bepansa enggau Raaz maia mansang dahnya bepansa enggau Crsipin & Mrs maia pulai.

Nama urang maioh rindu amat ke Wisma Saberkas..paking ia free..tugong nyual handphone..bisi kedai DVD/VCD..bisi Ngiu Kee, bisi Guardian, bisi maioh utai bukai mega. Aku agi ingat maia aku ngindik ka kaki suba first time di manoa Kuching..1992..apai saduai indai mai ke Wisma Saberkas tu meh..Wooow besai amat tempat tu..amat sakai..he..he..

Nya meh tadi..pengingat maia ka ngusong Wisma Saberkas tu nyau tepulai baru...sinu asai ati...aku.

Jam pukul 1 ngalih hari...kami tiga pulai ke rumah mentua aku lalu ngambi Rin. Kami empat bejalai ke Parkson..Crowne Plaza..ditu pan maioh mensia...nama hal urang maioh..ehmm nemu nya lemai tu bisi Dayak Music Award (DAMA) diator ba hotel nya. Kami besebut ka bala artis kitai Iban ti tebilang baka Andrewson Ngalai, Swaylin ti dikerindu ka Tcil enggau Maxwell pujaan Cikgu Bio selalu..

Nadai entu utai dibeli ba dia..dahnya kami empat bekejang mupok ke tHe Spring..ditu ga raya agi..nadai alai paking. Kami empat paking ba moa RHB Bank ba seberai jalai. Kami empat nyemerai jalai enda nengah jejantas..apooo..enti enda sempat nyemerai..pEEnGG..kena langgar moto.

Kami empat ke MPH..ka meda bup ti ka dibeli. Kami duai Rin meli dua iti bup ka dibaca. Cikgu Bio pan bisi meli bup. Aku meri Tcil duit kena ia soping dia. Datai ke lemai endar, nyau lapar ga perut lalu kami makai di Food Bazaar dia.

Tcil saduai Cikgu Bio ngodar sup ala-ala lok-lok..aku meda nya baka ka nyamai ngodar ga. Tang sup ia enda entu nyamai. Kami duai Rin ngodar Char Kuey Tiaw dia..emmm..rugi lah enda nyamai...anang kita makai mee nya dia..nadai asai..enda chukup angus..

Laun bala kami pulai..semak jam 6.30 lemai. Kami nganjong Rin pulai ke rumah dulu..ia nyau lelak ga.

Kuey Tiaw enda nyamai

Anang nyanka kami tiga terus pulai..kami ke Kenyalang Park..ehmm empat taun udah aku enda bejalai ba dia begiga ka VCD/DVD pirated...he..he..anang nganu..murah deh..

Aku nadai bebeli ka VCD/DVD baru dia..Cikgu Bio baru bisi meli. Aku udah meli ia ka Ori ba Speedy Video tadi.

sup enda nyamai

Nyau lelak kami tiga bejalai alu ka mulai ka diri..mansa Kuching International Airport (KIA)..lalu ka singgah makai baru..ehmmm bedau kenyang ke...Ba dia kami makai ba MCd..nadai entu urang laban mensia maioh benong nungga arrival hall..engka nganti bala kaban datai ari Kuala Lumpur..

Udah tembu makai baru meh kami tiga pulai ke Batu 10..enda nyangka-nyangka bisi road block digaga sida JPJ..udah..jam jalai ke Batu 10...peda-peda sida JPJ ngetan ka motosikal. Nasib kami ke Kuching enda ngena moto ti siti agi..enti enda kena tan ga..tinted wai..

Udah datai di Batu 10 lalu ninggal ka saduai dia..aku pulai kediri ke rumah mentua aku ti semak Jalai Ong Tiang Swee. Aku enggai ka lekat ba jam ngena jalai Pasar Batu 10..lagu 4 mins dibai Justin saduai Madonna aku pasang inggar-inggar..volume 28...he..he

Jam 11 malam aku datai di rumah..lelak amat.

Pagi hari minggu aku enggau Rin breakfast asi gureng..ehmmm best amat bau ia. Udahnya aku mupok baru ke Batu 10 ngambi duo iko nya baru..kami tiga breakfast baru..sekali agi aku makai..he..he..makai di Eastmoore Cafe..aku makai mee kolo ayam, Cikgu Bio ngodar mee kolo & Tcil makai wantan ...baru.

Sari tu hari ti lelak amat, kami tiga lama bebayar utang di Courts...bulan baru utang aku abis RM141.00 ti dibayar aku kenyau ari taun 2004...enda berasai...dia aku meli hi fi baru..ukai utang sekali tu..he..he..penuh krita..danu Cikgu Bio saduai Rin aku ..he..he..

Udahnya kami bejalai ke Boulevard..Ally saduai Rin enggau kami tiga. Datai dia kami makai tengahari ba Ipoh Kopitiam. nyamai makai dia nya kami duai Rin mai sida makai dia..murah ba dia...kami empat makai ongkos ia RM47.++ aja.

Tembu bebeli utai dia kami lalu ka pulai...datai di rumah Rin jam 4.40 lemai. dah bekemas barang semua, kami empat mupok..OOppss singgah ba McD..ba Central Park. Kami makai baru....awak ka gamabr tu nusi nama utai dipakai kami..

aaaa..nyamai

Kami ankat ninggal ka manoa Kuching jam 6.30 lemai. Datai di Betong jam 10.00 malam.

Astana Pengerindu Astana Kitai