Pulai ari Nanga Tapeh, Spak BETONG

Video tu diambi leboh bala kami pulai ari manoa Nanga Tapeh, Spak, Betong ngena perau laju leboh Pilihanraya Umum ke 12. Amat rindu ke manoa ulu kin. Agi belala ka kia baru.

astana pengerindu astana kitai

Ngelantang ka ati ba tebing sungai..

Bala kami sebuat ngelantang ka ati mandi ba Ai Layar..best amat..ai ia umbas ia penyelap . Bejam-jam bala kami berendam dia.

Astana Pengerindu Astana Kitai

Ke Sibu

Kemari hari enam kami tiga Rin enggau Cigu Cip pegi ke Sibu baru. Laun kami tiga angkat ari Betong..jam 11 pagi. Cigu Cip bisi mai kamera tang nadai begambar. Kami tiga bejalai ke Wisma Sanyan. Makai tengahari jam "3 lemai" ba Oriental Chicken Rice seberai Wisma Sanyan. Maioh ga orang dikelala ditemu dia.

Udahnya kami tiga ke Farley. Baru ia ga kia..amat besai mall nya..baka Everise ba Batu 7 Kuching. Barang dijual pan bepatut rega ia.

Hari nyau lemai endar kami tiga bejalai ke Pasar Malam Sibu. Cigu Cip meli barang dia. Puas kami tiga begiga alai parking alu bulih ga ba SMC parking lot betingkat. Sebedau pulai kami tiga makai ba KFC enda jauh ari Tanahmas Hotel. Cigu Cip belanja kami.

Jam pukul 9.30 malam kami bekejang ninggal ka Sibu. Jalai pan petang amat. Semak jam 12 malam kami datai. Sebedau datai ba Simpang Sarikei..kami ditan Polis laban sida ia ka meresa lesen dribo aku. Lelak amat..aku nemu aku chukup ngantok maia dribo..laban kami ngetu sekejap ba Simpang Pusa laban kelalu ngantok. Nasib udah selamat pulai ke rumah.

Astana Pengerindu Astana Kitai

Meda filim World Trade Centre ba Star Cineplex

Cigu Cip begambar ba banner filim Eragon

Cute amat penguin enggau Tcil begambar ari filim Happy Feet

Kami tiga begambar benong makai pop corn ba baldi rega RM7.80

Eeee..Cigu Cip & Tcil begambar enggau katon ari filim Open Season ney..

Cigu Cip pun ka ga begambar enggau Penguin ba cherita Happy Feet

Apooo..takut ka nuan Tcil..

Lemai Hari Raya ti pertama, Cigu Cip & Tcil dikangau Indai Rin makai di rumah sida ia. Emm..sedap amat masakan ia lemai nya. Udah nya bala kami empat lalu ke Star Cineplex laban ti ka meda cherita World Trade Centre. Amat manah cherita nya. Sebedau wayang nya start jam 11.15 malam, bala kami sempat pose begambar.

Astana Pengerindu Astana Kitai

Rindu ati bejalai ke Damai Lagoon

Astana Pengerindu Astana Kitai

Selamat Datai Ke Sibu

Kemari, 7hb Okt 2006, aku, Rin, Cigu Cip & Aty ngaga sejarah baru..kami empat ke Sibu. Baru ia meh aku dribo kin.Ngelama tu ngena moto opis aja aku ti kin. Sari nya aku merani ka diri dribo kin udah Rin ka bisi utai ti ka dibeli din.

Irau-irau ga asai ati leboh ti udah nengah Jambatan Lanang nya..enggai ka enda nemu jalai ke pasar Sibu. Moto endang sigi maioh...utai ka ditakut kami leboh dribo di Sibu nya...perangai siko-siko orang ka dribo din. Maioh amat udah cerita didinga kami pasal perangai serta cara orang din dribo.

Tang nadai ngawa..kami dah datai din. Kami park moto ba luar Wisma Sanyan. Leboh datai dia kami meda maioh amat Pak Polisi. Sida ia ngetan ka moto ti bekena ka cermin ti kelalu chelum tauka tinted ka jako ribai.Maioh gambar ditu diambi sebelah Wisma Sanyan aja laban bala kami nadai agai pasar Sibu laban ti udah laun.

Astana Pengerindu Astana Kitai

Manoa ti nadai ba alai bukai

Enti nyema bala kitai bisi pegi ke manoa Kuching ari Sri Aman tauka ari Kuching ke manoa Sri Aman, kitai deka bepansa enggau tempat siti tauka alai ngetu belelak dikumbai Pasar Lachau (Keranggas Gayau). Nyadi replika tu ulih dipeda kita ba manoa tu aja. Leboh aku ti ngambi gambar tu, aku ka alit ati ka bala sida 'sebilik' ka nganti penatai orang ti deka singgah ba manoa sida. Bisi berasai sinu ga ati.

Astana Pengerindu Astana Kitai