Monday, March 8, 2010

BA mai Ini & Aki ke Kuching

Kena ka 6hb kami duai Rin bisi nurun ke menua Kuching begulai enggau ini saduai aki. Saduai ia nemuai ke Kuching laban ini bisi appointment enggau lutor pakar mata dia.

Kami angkat ari Betong sigi laun lemainya laban ti nganti kunci rumah Uncle Unong dibai apai. Ia pulai ari Kuching lemai nya.

Hari minggu nya kami duai Rin sigi nadai plan ka mindah kini-kini...ko jako ka berehat aja tang laban aki ka bisi ati deka minta ulu kami duai Rin bejalai sebelah menua Kuching...kaseh ga ka saduai ia.

Pagi nya bala kami nemuai ke India Street...sigi enda tau enda kitu laban tu meh tempat wajib ini enti leboh nemuai ke Kuching. Ia deka meli kain dia. Kami mega makai di open air market ba moa Electra House. Lama udah BA nadai makai dia.

Tembu makai tengahari kami bejalai ke begunan DUN ti baru ba Jalai Istana...udahnya lalu singgah ba Taman Orchid ka baru aja dibuka olih YAB CM kitai.

BA begambar enggau ini saduai aki

Rin begambar enggau saduai ia

aki saduai ini begambar enda jauh ari begunan DUN baru

saduai begambar di Taman Orkid

Amat besai taman tu...luas amat. Kami empat begambar-gambar sebelah nya. Udah nya kami bejalai ke Kampong Gersik laban ti ka meda menua Kuching ari seberai tu...nyau teruja ini saduai aki meda menua ditu.

Nyau lemai hari kami empat bejalai ke menua Matang...sempat bebeli gula dia...murah enti dibanding enggau rega gula di Betong...ditu RM1.75 sekilo...di Betong RM2.80 sekilo...sapa berani meli.

Sebedau pulai, kami makai baru di MJC...udahnya niki ke Teck Kong MJC laban ini ka bebeli rengka dapor dia. Apu...nyau penat kaki bejalai sehari-hari tu.

Jam 4.oopm, kami duai Rin nganjong saduai ia pulai laban udahnya kami duai terus pulai ke Betong...kaseh Benjy tinggal kadiri di rumah...

Tu sekeda gambar-gambar orkid ka bisi diambi BA gambar ia...manah kan orkid-orkid nya.





















Reward Yourself
Astana Pengerindu Astana Kitai

2 comments:

  1. manah amai gambar diambi nuan tu kaban. nama bansa kamera ka dikena nuan ngambi snapshot tu magang. Ulih share2 mimit kati nuan adjust ya empu colours and utai bukai? Aku deka meli DSLR gak sema udah cukup2 budget ila.

    Dom.

    ReplyDelete
  2. Mr Injiniuer_Iban,

    Thank you ka nuan laban bisi ngusung ruai aku tuk. Minta ampun laban laun reply...nadai entu awak ngabas ruai laban maioh pengawa ti bukai.

    Nyadi gambar ka diambi aku baka ka dipeda nuan nya ukai ngena SLR..aku ngena camera compact Olympus aja...seminggu udah pulai ari Kch nya baru aku berengkah ngena camera SLR Nikon D5000.

    Manah amat meh enti nuan bisi ati deka meli kamera DSLR tu...sigi enda rugi. Udah nuan meli ila,rajin2 meh belajar ari youtube bakani ngena camera SLR tauka macha ari bup.

    Dikena nuan edit gambar nya maioh pilihan baka adobe photoshop tauka Photoscape serta maioh agi software bukai. Aku pen baru belajar ngena bala software tu...

    Pesan aku, sebedau meli camera DSLR, gaga research dulu senentang brand enggau rengka DSLR tu.

    Mupok aku...

    ReplyDelete

Nuan Temuai Ti Ka:

Free Website Counter
Free Website Counter Blogarama - The Blog Directory Blogarama - The Blog Directory

Aram bejalai enggau BA

Snap Shots

Get Free Shots from Snap.com

Ruai Artis / Selebriti/Informasi/Berita

LinkWithin

Blog Widget by LinkWithin