Pengingat 10 tahun suba...

Enda berasai...pagila genap 10 tahun udah kitai ba dalam tahun 2000an tu. Agi BA ingat utai ka nyadi maia tu 10 tahun ti udah. Maia nya BA baru 22 tahun.

31hb Dec 1999...maia tu BA benong kiruh begiga ka rumah ti ka disewa laban ka enda diau dalam kampus maia nya. BA dalam semester ke enam. BA enggau petunggal BA begiga ka rumah sewa sebelah manoa Samarahan dia.

Maia nya mega kitai samoa takut ka Y2K...kala ninga Y2K? Maia nya runding serta penemu senentang Y2K enda maioh. Laban maia nya internet bedau entu dikena baka ka diatu di manoa kitai ditu. Ba runding kami...nadai hari bulan 1 Jan 2000...dunya tu abis...kiamat meh nya.

Agi Ba ingat ka pengawa kami enggau bala petunggal di kampus lemai 31hb Dec 1999....kami begumpuru ba dalam bilik...betungkun ka dian...besembiang ka petara awak ka nyelamat ka kami. Cermin jendela semoa ditutup rapat. Kami bekurung dalam bilik sampai jam manggai ka 12 tengahmalam lemai tahun baru nya. Tang nadai ga nama-nama nyadi...agi ga kami idup...enseput...enda ga dunya abis...padam maia nya...heee..hee

Tahun 2000 diintu disambut urang enggau ati ti gaga. Pagi 1hb Jan 2000, bala kami sepetunggal pindah ke rumah sewa kami di siti kampung Iban, di Samarahan maia nya. Rumah sewa nya chukup besai, disedia ka tuan rumah nya...kerusi meja ba ruang tamu, meja makan enggau kerusi, dapur gas tang tong meli kadiri...enggau sewa RM300.00 sebulan...nya pen ditawar kami tiga...hee..hee

Berengkah meh pengidup kami nyadi student ti berdikari kadiri...maia nya mega BA mai motosikal yamaha 110ss enggi aki BA dikena nurun ke kampus. Kami berapi kadiri...mai beras ari menua...bebeli ka lauk sebelah market di Kuching.

Bisi sekali kami duai Boy (petunggal BA) ka nanam sayur kacang panjai maia nya...beguna ka kayu dikena ia bebelit. Kami duai ngena motosikal ke menua kilah ka jalai Batu 15 1/2 Kuching by pass...apuu...jalai nya baru ga tembu tahun nya,maioh mega trak-trak besai nengah jalai leboh ti bepansa...nyau guyat-guyat motosikal...irau ati bepansa enggau sida laban kelalu besai.

Diau kadiri sigi rindu amat...laban kitai empu ulih nentu ka nama pengawa ka digaga,nama lauk ka diempa,ka mindah kin kia pen nyamai mega. Tang taja pia, enda ga tau kelalu enggai ka lagi enda ingat ka pelajar. Laban kami tiga sigi rindu ka ngena komputer, dia tadi kami lalu nyewa seunit komputer ari cyber cafe di kampus...murah sewa ia tang BA enda ingat ka berapa. Maia nya enda teulih ka meli komputer.

Bakani kami duai Boy mai ari kampus...ngena motosikal. BA dribo ka motosikal, Boy merap monitor ia, cpu diengkah antara bakul....apuu...berat amat. Enda ulih kuing kiba kanan handle motosikal...asai ka rebah bisi meh maia mai nengah jalai besai. Dia meh BA belajar sereta begaga ka assignment.

Taja ekonomi kitai maia nya bedau entu stabil...tang bala kami selalu makai ke luar...ngelusu ga ka berapi. BA enggau sida Boy selalu makai di Tabuan Jaya, bisi siti kedai nya nyual utai diempa buffet....lima iti lauk (ngauk kadiri sampai betimbun), kurang ari RM10.00. Tiap minggu kami makai dia...ni enda majak gemu. Diatu udah nadai agi kedai nya.

Siti pekara ti enda ulih padam ari pengingat BA...ulah tuan rumah kami...ia mangah amat enggau bala anak ia. Bisi sekali anak ia ngaga penyalah...tang BA enda nemu naka ni pemesai penyalah nya...tang ia nganu anak ia baka nganu ukoi...asai BA ia bisi datai jari. Laban ulih peda bekau ia ba tuboh nembiak nya.

Bisi sekali bala kami diau di rumah aja laban ti nadai kelas, dia kami ninga ia benong nganu sereta nyipat anak ia...laban ti enda nakal ninga anak ia nyau rauh-rauh pedis...kami betaban keluar bejegau sebelah Kuching. Pulai lemai nya...meda abi ba anak ia...kasih amat.

Enti bala anak ia (dua laki) bejalai ke rumah kami rindu amat ninga saduai ia becherita laban jako sida enda sebaka enggau jako kami. Tang saduai enda ngachau rengka kami. Tang enti ari jauh munyi motosikal apai saduai bisi didinga...nya saduai ia belanda lari tama ke rumah...takut.

Ukai nama apai sida ia mangah, laban nya udah chara ia ngajar anak ia awak ka mereti. Ngarap ka saduai nya tadi meruan besekula. Bala kami pen bulih pengajaran ari nama utai ka nyadi.

Tahun 2000 maioh ngajar BA reti pengidup...reti samaya...enggau semaya balang, dikesayau sereta ditinggal tauka ninggal ka urang...penusah pengidup...angan-angan.

BA mega ngiga jalai sereta bejalai bakani ka pansut ari comfort zone maia nya...2000...terima kasih.

Reward Yourself
Astana Pengerindu Astana Kitai

Selamat Jalai 2009...

Dalam dua hari tu tahun 2009 deka ninggal ka kitai, udahnya kita bejalai baru ba tahun 2010. Aram ngelansa sekeda pengawa serta program ka bisi nyadi dalam kandang tahun 2009 tu. Diambi ari samoa entry ka udah digaga BA. Enti sema kita ka macha entry nya enggau silik...klik ba link ka bisi dia.

Januari 2009

Bulan satu tu sigi patut diingat ka kitai maioh,ukai semina ia ngubah ulah sereta pengawa kitai tang meh chara kitai bepikir ka ia. Kitai sama nemu, maia nya ai ampuh bah nuntung menua Sarawak. Tu utai ka nyadi agai kami tiga Rin enggau cigu bio maia nya:

Rin nanya BA nyadi ke enda mupok ke Kuching...BA madah nyadi. Kami tiga Cigu Bio angkat ari Betong jam 7.30 lemai. Datai di Simpang Sri Aman jam 8.20 lemai..kami tiga bebela makai dia...ujan agi lebat.

Jam 8.45 lemai kami mupok ari Simpang Sri Aman. Ujan majak lebat. Moto ari jalai nuju ke Kuching maioh amat tang ia ka ari Kuching nadai entu. Alit ga ati BA.

Bisi ga maia moto kami tiga ngelantak lupak ai ka besai..nyau baka anak sungai jalai raya. Nyau enda jauh ari Simpang Gedong...enda mukai-mukai dua buah moto ba moa kami nempuh ai..besai ga nyau baka sungai.

Udahnya kami terus mupok ke Kuching...Jam 4 pagi kami datai di rumah...mata udah ngantok...lelak. BA nadai berambi ka gambar malam nya laban ti kelalu takut sereta irau.

Nesal ga asai ati tang bakani lah..udah ga datai di Kuching.

Hari kami mulai ke diri ke Betong:


Jam 6.20 lemai...betukar dribo..bas kami mansut ka diri ari Bandar Serian nuju tempat ti banjir nya. BA meda ai udah tinggi agi ari pagi tadi.

Bas kami begadai-gadai mansa kereta bukai ka bisi parking ba tisi jalai sepemanjai jambatan nya. Udahnya..ripih bas kami terjun ke dalam ai banjir nya....begadai-gadai bas nengah ia...beguyat-guyat asai ka rebah meh bas nya..tesekat-sekat....ahhh lega lepas.

Udahnya bisi ga siti agi alai banjir enda jauh ari nya..belubah-lubah bas nya...bepansa enggau lori, bas bukai nuju ke Serian...sekut jalai nya....belubah-lubah..ahh lepas ga.

Februari 2009

BA bisi nemuai ke menua Seduku...first time, enti kitai minat ka ukir burung kenyalang,tauk nemuai kia:

Kami nengah jalai ke manoa Lingga ari Bandar Sri Aman. Jalai kia chukup jai...pedis punggung taja duduk aja dalam kereta. Datai bala kami di Seduku Ili, kami disambut olih Tua Rumah Tuntun enggau anak ia. Rumah panjai nya enda entu jauh ari jalai besai.

Rumah mega enda entu panjai endar. Tu meh baru ia BA niki ke rumah panjai Seduku. Kami empat alu duduk ba ruai, dahnya Tuai Rumah pan mantai ka burong kenyalang ukir ka udah tembu.Enam iko burong nya endang sigi udah dibooking tuan Residen.

Bedau dicat...tang ukir ia chukup manah. Rega ia pan ulih dibeli. Ia mega mantai ka nyabor enggau sarang ia ka udah diukir.

Mac 2009

Bulan Mac tu best...laban BA bisi nemuai baru ke Miri...bisi kursus din, mansang kin BA nambang kadiri ngena bilun MAS...pulai nya nepan kereta opis nengah darat:

Moa hari maia ka angkat ari Kuching manah amat. BA duduk ba seat 19A...seat 19B enggau 19C puang...nyamai amat meh BA kadiri aja. Berasai lama ga dalam bilon taja sejam aja...laban kadiri...ehhmmm...

Di Miri hari ujan sepagi tu...udah BA ngambi beg, BA terus ke kaunter taxi...tambang ia RM22.00 ke Park City Everly Hotel.

BA diau dia. Datai di hotel ko jako ka minta check in tumu tang enda ulih...laban urang maioh bedau check out, lepas tengahari baru ulih...memang pun..BA ti ngegeh...


April 2009



Utai ka nyadi dalam bulan empat tu kelebih agi meda kereta accident ba moa diri empu chukup ngasoh ati BA nangi sereta takut leboh ka dribo nengah jalai tu:

Enda mukai-mukai, kereta bansa Toyota Innova datai ari kilah Sri Aman enda ulih dicontrol dribo nya laban kelalu laju...jalai lichin...lalu nempuh kereta bansa Kancil tbiru tadi...ngerindas balat...

Innova nya lalu bepusin-pusin enda ulih control lalu tama ka jalai kami lalu nempuh kereta bansa Proton Gen2 ba moa kereta kami duai Rin..

BA sempat nekan brake lalu tama ke tisi jalai. Rin rauh-rauh ngasoh ngentu.

BA takut amat maia nya...nyau getar-getar kaki. BA pansut ari kereta lalu mansang ka kereta sida nya. Dua-dua dribo kereta nya lalu bedau pansut ari kereta.

Ba Gen2 semina siko aja urang dalam nya. Kereta Innova, penoh. Beg sida nyau tegaring atas jalai raya...surat menyurat ba atas jalai. BA enda nemu utai ka digaga. Bediri aja megai kamera...

May 2009

Katerubah ia tahun tu BA enda enggau nyadi member komiti Gawai laban ti meri awak ka urang ti bukai ngereja pengawa dia. Ngelama tu pen bala kami ga ngereja ia,meri peluang ka orang ti bukai ga:

Sida ka begendang amat manah...endang patut sida tu menang dalam Pekit Begendang minggu nyin kemari. Palu ia betol serta rindu amat ninga ia ditambah agi enggau sound system ti manah amat.

Speech ari YB Datuk Douglas enggau ari chairman Komiti Gawai, Mr Richard Tajan mega pandak sereta padat..jam enda tebasau dia. Manah amat..(tentu Mr Paul ti nyadi Stage Coordiantor tusah ati enti speech kelalu panjai)

Stage enggau Deco ia taja simple tang rindu amat meda ia...lighting ti maioh macham nya ti ngasoh ia grand amat.

Jun 2009

Seluruh dunya tu tekenyit enggau berita pemati Michael Jackson...BA sinu amat ati...maia BA nulis entry tu pen BA benong ninga lagu Wanna Be Startin' Somethin':

Hari lima, 26hb Jun 2009, tumu pagi nya BA dipadah ka olih Rin nya Michael Jackson udah nadai...ia ninga ari Hitz FM.

BA terus muka tv channel CNN laban ka nemu enggau silik pasal berita nya. CNN ngayan ka samoa utai ka nyadi agai Michael Jackson.

Ia sigi amat udah mati jam 2.26pm hari empat, 25hb Jun 2009 (jam Los Angeles).

Julai 2009



Laban ti udah bendar praktis belagu dikena koir...kami mujor belagu koir maia Penyampaian Pingat Setia Kerajaan Negeri Sarawak:

Nyadi bala kaami ka belagu koir bisi 30 iko ngari ka MAKSAK Menua Betong. Bala kami belagu koir ka lagu Negaraku, Ibu Pertiwiku, dua iti lagu Perkhidmatan Awam enggau siti lagu rasmi menua tu...Timang Pemansang.

AO Crispin Francis udah mujor nyadi conductor ka koir kami tu.

Lebih seminggu udah bala kami sebuat praktis belagu...nyau degup-degup asai jantung belagu ba mua YAB Kepala Menteri, Datuk Douglas, Datuk Amar Wilson Baya enggau lebih lapan ratus urang ka bisi datai.

August 2009

Baru aja ka idup tudah koir kami...bulan lapan tu ia udah dibubar laban maioh amat penanggol serta bantah ari urang ka enggai meda pengawa koir tu majak maju. Sinu ga asai ati laban udah bebendar amat bala kami praktis.

Ia merupakan persembahan terbaik dan juga yang terakhir daripada Kumpulan Koir MAKSAK di Betong.

September 2009

Bulan tu, BA meda dua kes mati mayau ti dipeda BA besari-sari...kaseh amat mayau tu neh:

Kasih amat Ming...sapa meh kempang ati ngerachun mayau...nama meh salah sida ia. Ming nya enda nemu miauu...ia enda pansut suara...enda bemunyi tudah.

Kasih amat mayau tuan ka selalu diberi BA makai maia ia pemisi lebih dua minggu. Sinu ati BA maia sms agai ia madah ka mayau ia udah mati...sayau amat ia ka mayau nya.

Kaseh mat meda bangkai saduai ia...sinu ati. Ia ka mati nya anak-anak ia ti manchal. Ia ka siko ka diau-diau engka agi idup.

Kaseh amat...Suba Boji enggau Rin kala madah...anang ngambar mayau..enggai ka enda panjai umur...Ia kah??

October 2009

Bulan tu bala kami nemuai ke Kuala Lumpur laban Ms Rachel ngenatai ka diri ke konvo degree ia:

Sekali tu bala kami nemuai ke Kuala Lumpur laban ti ka ngulu ka Ms Rachel konvokesyen di UiTM Shah Alam kena 24hb Oct 09 tu.

Udah datai di menua KL, sida ia lalu ke Shah Alam laban ti ka ngambi jubah. Kami duai Rin nurun ke Mid Valley laban betemu enggau Allysia serta shopping dia.

Lama udah kami duai Rin enda nemuai ke KL...ia ka penudi endar tahun 2005 maia kami duai honeymoon ke Langkawi enggau KL. Maioh amat utai udah berubah dalam masa lima tahun tu.


November 2009



Bulan sebelas sigi best, laban bulan tu apai boji enggau Rin sama ngintu birthday saduai ia:

Kena ka 15hb Nov tu tadi apai BA ngintu pengada ia ti ka 55 taun. Bala kami sabilik sama ngintu pengerami nya di rumah sida ia.

Maioh amat pemakai disedia ka sida Ms Rachel. Manok panggang...nyam. Kami duai Rin mandok meehon guring enggau ikan talipia stim....best.

Lemai tu tadi bala kami ngintu hari pengada Rin ti ka 32. Bala kami sabilik serumpu makai di rumah kuarters kami duai Rin ditu.

Taja laun berengkah, samoa pemakai diempa manah magang. Rin mandok kari manok, BA mandok ikan tilapia kukus...best.


December 2009



Bulan tu meh paling mimit entry digaga BA...enda nemu kabuah ia. Sekali agi mega, krismas tahun tu kami duai Rin ba Kuching enggau famili ia. Bala kami mega bisi nemuai ke Matang Wildlife Centre:

Maia kami bekejang ke manoa Matang, hari udah ujan. Laban ti lama amat udah nadai ke Matang Wildlife...nyau enda entu ingat ka jalai kin...nyau berubah laban ka bisi highway din.

Kami tama ke Wildlife nya bebayar...ukai free...kami ngena pakej group of five...laban Allicia student, kami seminar mayar RM30.00 aja. Enti nitih ka, RM10.00 siko.

Maia kami berengkah bejalai dalam wildlife dia endang sigi benong ujan...bepayung meh bala kami. Ia katerubah dipeda kami...jugam (bear). Spesis jugam manoa kitai sigi mit...cute ga pendiau ia tang tentu ia ganas.

Selamat Datai Tahun 2010

BA arap ati endar awak ka tahun 2010 tu meri pemujor ka samoa kitai. BA mega ngarap ka tahun baru tu meri rezeki ka maioh agi agai BA.

Nya alai, enggau tu, BA meri tabi Selamat Tahun Baru 2010 ka samoa kita.

Mupok BA.

Reward Yourself
Astana Pengerindu Astana Kitai

BA nemuai ke menua Urang Utan...

Sari tu bala kami plan ka bejalai ke Matang Wildlife Centre...ka meda Urang utan. Tumu meh bala kami dani sari tu...tapi moa hari enda manah.

Maia kami bekejang ke manoa Matang, hari udah ujan. Laban ti lama amat udah nadai ke Matang Wildlife...nyau enda entu ingat ka jalai kin...nyau berubah laban ka bisi highway din.

Kami tama ke Wildlife nya bebayar...ukai free...kami ngena pakej group of five...laban Allicia student, kami seminar mayar RM30.00 aja. Enti nitih ka, RM10.00 siko.

Maia kami berengkah bejalai dalam wildlife dia endang sigi benong ujan...bepayung meh bala kami. Ia katerubah dipeda kami...jugam (bear). Spesis jugam manoa kitai sigi mit...cute ga pendiau ia tang tentu ia ganas.

jugam

Sapiak sangkar jugam, sangkar besai bala sida urang utan...sida menyanak. Taja ujan sida ngayan ka diri ka mensia maioh. Enda takut sida...macham-macham ulah sereta pendiau digaga sida ia.

Bisi siko nya ngenong meda mensia...Urang ka nyaga Wildlife tu madah ka, sida urang utan tu bisi 96% DNA sama baka kitai mensia...wooww...naka meh nya...endang baka mensia meh semina ia ka bebulu mirah sereta tebal.

urang utan tu meh ti ngenung meda kitai mensia...
kekadang ia tetuchum kadiri ga maia kami berambi ka gambar tudahdua iko tu bendar amat ngaga aksi akrobatik ngayan ka pengelandik saduai ia

Ia tu suba buta mata ia tang udah operation...udah gerai

siko tu ganas nya alai ia diengkah dalam sangkar kadiri, dipadah ba notis dia pengering ia sama sebaka enggau pengering 10 mensia..woooww..anang ngulur ka lengan..ditarit ia lagi...tentu putus.

benong nyinok meda urang utan

bisi kurang lebih empat iko jelu kijang ditu...jinak amat sida ia..meda kitai lalu mansang

Ipar BA benong ngambar kijang

Urang ka nyaga wildlife ditu madah ka kami, enti ka meda urang utan ka maioh sereta diau bebas tau ke Semenggok Wildlife enda jauh ari Batu 12,Kuching. Ila meh kami kia enti bisi nurun ke Kuching baru.

Oh ya...alai picnic udah ditutup ditu...lebih dua tahun...nemu kabuah? Siko tauka dua iko baya dipelaba ka udah lepas ba anak sungai alai picnic dia maia kayu besai tumbang ninggang sangkar sida ia. Nya alai, alai picnic bedau dibuka ka tahun tu. Enti udah dibuka ila...berani ka enda kitai mandi dia?

Reward Yourself
Astana Pengerindu Astana Kitai

Merry Christmas 2009

BA meri tabi Selamat Hari Krismas ka tahun tu ka samoa raban kristian ka ngintu Hari Krismas. May God Bless us all.

Reward Yourself
Astana Pengerindu Astana Kitai

BA di Kuching...

view ari Kampung Gersik,Kuching

Ms Rachel sempat pose

Hujong minggu tu tadi BA, cigu bio enggau Ms Rachel bisi nemuai ke Kuching. Lama amat kami tiga nadai nemuai sama ke Kuching. Sekali tu Rin enda enggau kami tiga.

Hari lima, 18hb...public holiday...pagi nya meh kami tiga mupok ke Kuching. Sereta datai dinterus nuju Indai Street laban saduai ka bebeli ka rengka ngaga kraf di Fahh...kedai kain nya. Semak 4 jam bala kami dia.

Laun lemai bala kami mulai ke diri ke rumah uncle unong di Batu 10. Malam nya kami tiga nabak ka diri ke tHe Spring laban ka meda wayang di MBO. Saduai ia mai BA meda the new moon...tang nadai agi tayangan ia. Nyadi kami tiga pen meda Avatar..3D

Maia ka meli tiket baru nemu panggung nya penuh. Seat dua baris ke mua nadai dibeli urang...nadai choice bukai nya meh kami tiga bebeli ka seat ba moa nya baris ti kedua. Amat maioh urang meda wayang Avatar nya.

Sigi best meda wayang 3D...laban ka baru ia...asai ka kitai belakon enggau sida dalam cherita nya. Puas ati meda cherita nya. Next, bala kami ka meda Alice in the Wonderland...3D.

Cherita Avatar nya start jam 09.15pm abis 10 minit ka jam 12am. Laban kami tiga ka bedau makai malam nya lalu nganjung diri makai di Jalan Song...for the first time BA makai Laksa Sarawak tengah malam...tang best amat!!!

rumah Dayang Salhah

Pagi hari enam nya tumu bala kami tiga dani laban udah bejanji enggau Uncle Unong ka ngambi ia di Kuching International Airport...ia off datai ari KK.

Udahnya kami tiga sama serumpu breakfast enggau ia saduai Lee di Batu 7. Lama nadai betemu enggau saduai ia.

Program kami tiga sarinya ke Animal Kingdom laban BA ka meli rengka dikena Ming kami duai Rin. Kami duai bisi Ming siam...agi baby. Ila show off gambar ia ditu.

Kami tiga mega ke Kampung Gersik laban ti ka meli Kek Lapis Dayang Salhah dia. Saduai ia cigu bio enggau Ms Rachel baru ia kia...teruja meda waterfront kampung nya manah amat. Kami duai cigu bio sama meli kek lapis.

Maioh kan...Kek Lapis Dayang Salhah

maioh dibeli saduai tu

Lemai nya bala kami tiga makai di SCR Xpress di tHe Spring ti enda xpress. Udahlah semak sejam bepusin ba basement ngiga alai parking...perut pen nyau lapar mega. Datai di rumah uncle unong di Batu 10 kami tiga makai baru sebedau mupok pulai ke Betong.

Kami tiga angkat ari Kuching ngelaban ujan jam 9.00pm...nyau ngantok dribo kereta. Ngetu dulu di Lachau ...tindok. Jam 2.30 pagi kami tiga datai di Betong. Hari minggu nya BA flat...tindok.

Reward Yourself
Astana Pengerindu Astana Kitai

Pengawa BA...

Apuu..amat lama BA menyepi diri...lama ari ka udah. Tambah mega tu udah bulan December 2009...enda berasai amat.

Taja pia, maioh amat program enggau pengawa BA sekumbang ka nadai ayan dipeda kita ba blog tu. Oh ya...BA mega ngambi exam PTK...baru ia. Sepatut ia, dua tahun nyin kemari BA udah tauk ngambi PTK...tang laban ka ngarap ka ia dimasuhkan...enda ga..

Pengawa serumpu makai bala maioh mega tetap diator taja samoa bala gagau enggau pengawa opis. Kena ka 1hb Dec 09, bala kami sebuat serumpu makai di rumah Denny. Maioh amat lauk dibai bala lemai nya.

bala ka serumpu lemai 1hb

Bala kami di opis mega bisi dikangau ka Datu Romie serumpu makai tengahari di rumah kuarters ia di Jalan Spine apin lama ti udah. Maioh ga bala dikangau ia, tambah mega kami bisi meeting sari nya.

Rin pen bisi dipadah datai mega...rindu ga bala maioh serumpu makai tengahari.

Datu Romie benong bejako

Datin Grace & Madam Peggie berandauari kiba; Wilson Entebang, Daniel Supit,Haji Pathi,Richard Tajan & Friday BelikAri Kanan; Raaz,Corina,Tay & Dolhan

Rin sempat pose

Bulan December kitai sama nemu...bulan ngintu Christmas. Nyadi ba bulan tu mega pengawa carolling bisi diator raban Grija kitai. kami ditu rami amat carolling. Lemai 13hb Dec, bala carollers ari Grija St Augustine bisi ngator pengawa carolling di rumah sida indai. Maioh amat bala sida bisi datai.

carolling di rumah sida indai boji

Kena ka lemai 14hb tu tadi, bala sida carollers belagu di rumah kuarters kami duai Rin. Dah lah lemai nya ujan...kasih meda sida ia kena ujan. Pia mega lemai nya sida ia ngulu rumah AO Roni enggau AO Crispin. BA semina sempat ke rumah kuarters AO Roni aja.

Carolling di kuarters BA & Rin

carolling di rumah kuarters AO Roni

Lemai 16hb, bala kami sebuat serumpu di rumah apartment erica luing laban carolling diator ba apartment sida ia. BA,Rin, AAO Eze enggau AO Roni bisi ngeruh ka ai...dikangau ia sama ngulu pengawa nya. Seminggu nya perut sigi penuh makai meehun guring...hee...hee

carolling di rumah apartment erica luing

bala anak buah erica luing bisi enggau mega

ari kiba; erica,Rin & AAO Ezi (sempat)

Reward Yourself
Astana Pengerindu Astana Kitai