Astana Pengerindu [astana of love]: Gawai Dayak Menoa Betong

Pengerami Gawai Dayak menoa Betong 2009

YB Datuk Douglas nyua ka hadiah ka
Philip Jabu- Keling Gawai Dayak Menua Betong 2009

Datin Doreen Mayang meri ka hadiah ka
Lampai Ringgit- Kumang Gawak Dayak Menua Betong 2009

moa ceria samoa

Dinihari tadi BA ka upload gambar-gambar maia Pengerami Gawai Dayak Menoa Betong 2009 tang line Celcom Broadband ditu enda manah.

Nya alai nyau lemai tu baru meh BA ulih upload baru. Itok ka pengerami malam tadi...rami amat. BA ka meri jako komen ditu.

Rega mija ti dibeli kami sebuat RM280.00, 8 iko aja ulih duduk dia. Pemakai agi kurang...pemakai disedia ka sida JKKK ari rumah panjai.

Tahun tu sida Komiti Gawai udah besetuju meri peluang ke bala sida JKKK ari rumah panjai nyedia ka pemakai ka pengawa besai baka ka malam tadi.

asi pulut

kola spon AO Roni

Komen BA ba senentang pemakai...asi pulut ia manah...asai ka begawai amat-amat. Dagin babe gureng mega bisi dibantai...asai ka di rumah panjai...kami duai Rin meda aja...hee...hee. Komen sida cigu bio, erica luing enggau Prince madah ka masin...

Lauk manok pansoh-masin amat!!, lauk ikan jelawat lempis...nadai diberi chabi dikena makai ia..ikan nya bebau lang...enda nyamai...kami samoa enda entu makai ia...

Ngarap ka Komiti Gawai tahun baru ila ulih merati ka pemakai tu...amat manah meri peluang ka JKKK ari rumah panjai nyedia ka pemakai tang bisi siti dua lauk nya kitai bansa iban ukai expert dalam mandok ia.

Taja pia program malam tadi bejalai nitih ka ator especially ba senentang pengawa Pekit Keling & Kumang...taja PA System bisi penanggol maia emcee nanya bala participants maia IQ Test...tang nya ulih diadu ka sida ari opis penerang.

Lagu-lagu ka dipilih malam tadi samoa lagu sinu ati...nama kabuah neh...hari Gawai tang nadai belagu rami hari Gawai. Stella Philip penyanyi tebilang mega ti belagu ngena minus one tang enda ga belagu hari Gawai.

Sida ka begendang amat manah...endang patut sida tu menang dalam Pekit Begendang minggu nyin kemari. Palu ia betol serta rindu amat ninga ia ditambah agi enggau sound system ti manah amat.

Speech ari YB Datuk Douglas enggau ari chairman Komiti Gawai, Mr Richard Tajan mega pandak sereta padat..jam enda tebasau dia. Manah amat..(tentu Mr Paul ti nyadi Stage Coordiantor tusah ati enti speech kelalu panjai)

Stage enggau Deco ia taja simple tang rindu amat meda ia...lighting ti maioh macham nya ti ngasoh ia grand amat.

BA macha bup program

food presentation

Maia lampu dipadam atas stage lalu pansut bala sida ti ngena ngepan indu lelaki maia pinggai nanda ka food presentation mega amat unique sereta lain ari ka ngelama tu. Manah amat.

Ia ka bukai nadai problem...manah amat. Anang ringat ka komen BA auk...kitai sama-sama belajar. Congratulations ka Komiti Gawai tahun tu!

Tu sekeda gambar-gambar malam nya tadi: