Tuesday, January 13, 2009

Banjir Besai di Serian...kami enda ulih pulai!!!


Pagi tu tumu kami duai Rin dani...jam 3.00 pagi. Laban BA udah bejanji enggau AO Yati deka mupok sereta ari Serian ke Betong. Bala kami ka disadang sama mupok kin Ac Rabiah, AAO Ronie enggau Nor ari Jabatan Kebajikan Betong, AO Yati enggau kami tiga Cigu Bio.

Datai di stesen minyak Petronas Serian dalam jam 5.00 pagi laban angkat ari Batu 10 jam 4.20 pagi ngambi Cigu Bio. AAO Ronie saduai Nor udah datai dia. Kami nganti AO yati enggau Ac Rabiah.

Jam 5.20 pagi, AO Yati datai...ia madah Ac Rabiah enda jadi pulai laban rumah ia empu ditinggang penusah banjir.

Bala kami ngena tiga buah moto...wira, viva enggau menyadi ia kancil mupok ke Jambatan Ai Sadong..ka pulai meh ko jako...datai dia, maioh amat moto urang kampung ditu atas jambatan nya. Padu hal jalai udah putus...ai pan deras amat. Moto ka ari moa nikal alu dribo ia madah jalai enda ulih tengah. Kami pan nikal ke stesen minyak Petronas Serian.

Jam udah 8.00 pagi..perut pan lapar. Bala kami bepakat ngirup ngisi perut ba dini?..ba Masala Cafe..enti BA enda salah, makanan india muslim. Kami empat aja laban AAO Ronie agi tindok dalam moto ia..ngantok ko ia.

canai susu

asi lemak

Kami empat makai asi lemak ia...nyamai nye laban ti lapar...Tembu makai ngirup dia, kami semua bepakat manah agi nganti ba Pejabat Daerah Serian awak ka nemu berita terkini pasal keadaan ai banjir.

Nyadi kami tiga buah moto tadi pan angkat ke Pejabat Daerah Serian...moto udah maioh dia. Bisi Polis Trafik ga jaga jalai enggai ka orang majak ke pansut ari Serian nengah jalai ti putus nya..enda ka tusah lagi.

Moto ti besai baka bas, 4 wheel drive aja dikemendar ka nengah jalai banjir nya. Moto sebaka enggau kami tiga nya tadi..enda lepas.

Maia ka beranti dia bala kami betemu enggau Indai Mau ti baru pulai ng
abas manoa ti kena ampuh bah. Suba maia Indai Mau agi di Pejabat Residen Sibu...Disember 2007...Tuan Residen kami bisi nganjong bala kami BA, AO Crispin enggau AO Yati ke Bilik Gerakan Bencana Alam Banjir Bahagian Sibu laban ti ka belajar ka chara sida ia ngator penusah baka tu. Terima kasih Indai Mau!!!

Indai Mau berandau enggau AO Yati

AAO Ronie & Nor

Tiga mangsa Rin, Cigu Bio & AO Yati

Nya AO Yati sempat nundi Indai Mau.."nuan maia beluku banjir ari manoa Sibu kitu"...he..he...Indai Mau madah ka kami kereta mit-mit baka kami tiga enda ulih nengah ai nya laban deras sereta agi tinggi.

BA mega betemu enggau Tuan Sapit Residen Sri Aman Desmon Jerukan. Ia mega enda ulih pulai ke Sri Aman. BA berandau enggau ia pasal penusah banjir tu...

Cigu Bio, AO Yati enggau BA bepakat ka meda gaia penusah ti nyadi tu nuju Jambatan Sadong kin. Moto ditinggal ka parking ba moa Pejabat Daerah Serian. Rin pan tinggal nganti dia.

Ai dipeda kami chukup deras. Tu meh gambar-gambar maia nya:


SK St Teresa tenggelam ga

Masjid tu udah setengah tenggelam

Jalai nuju Kompleks Bomba & Penyelamat putus

baka pesta ba ujong nyin...

Ba moa Gereja Katolik pan tiki ai

Cigu Bio melakang ka jalai ti udah putus

BA & AO Yati melakang ka orang ka benung mindah ka rengka sida ia

ai bah sereta deras

Serian Seafood

Maia kami ba dia semina bas, lori enggau 4 wheel drive aja berani nengah ai deras nya. Jam nyau udah pukul 12.30 tengahari...kami tiga cigu Bio enggau rin deka ngena bas aja pulai ke Betong. Moto tinggal ba rumah Mamy aja.

Kami tiga pan bekejang nikal ke Kuching baru. AO Yati enggau AAO Ronie nitih dudi. Saduai pan deka ngena bas. Di terminal bas, Cigu Bio nepan bas PB Ekspress jam 1.30 tengahari. Kami duai Rin ka nganti AO Yati ngena bas jam 4.30 lemai. Kasih ka AO Yati nganjong moto jauh ke Santubong kin.


Datai di rumah Mamy, kami duai Rin makai dulu..mandi laban ari pagi tadi enda mandi...he..he..gare pan nadai mai extra...

Jam 3.30 lemai, kami duai Rin dianjong Mamy ke terminal bas Batu 3. AO Yati udah nganti dia. Kami duai ka ngena bas MTC..maia nanya ka tiket..indu ti ba kaunter madah ka tiket udah abis dijual...apooo...beguai-guai ga ngagai kaunter tiket PB Ekspress. Nasib tiket agi bisi. Ka
mi pan nepan bas nya.

BA & Rin ba dalam bas

Tu meh baru ia kami duai Rin nepan bas begulai pulai ke Betong..he..he..Bas kami angkat jam 4.45 lemai nuju Serian. Moa hari pan nyau chelum-chelum ka ujan. Datai di Serian jam 5.40 lemai. Bisi dua buah bas bukai udah nganti dia..baru udah nengah ai banjir. Sida ia meresi ka cleaner ba baroh bas...

Driver bas nya madah bisi sebuah bas sida udah lekat ba ai banjir..nyau takut ga driver bas kami nya. Bedau temu bas ulih mupok ke enda. AO Yati udah irau ati...Rin madah kejadian nganti baka pagi tadi berulang baru.


Jam 6.20 lemai...betukar dribo..bas kami mansut ka diri ari Bandar Serian nu
ju tempat ti banjir nya. BA meda ai udah tinggi agi ari pagi tadi. Bas kami begadai-gadai mansa kereta bukai ka bisi parking ba tisi jalai sepemanjai jambatan nya. Udahnya..ripih bas kami terjun ke dalam ai banjir nya....begadai-gadai bas nengah ia...beguyat-guyat asai ka rebah meh bas nya..tesekat-sekat....ahhh lega lepas.

takut meda ai besai

Udahnya bisi ga siti agi alai banjir enda jauh ari nya..belubah-lubah bas nya...bepansa enggau lori, bas bukai nuju ke Serian...sekut jalai nya....belubah-lubah..ahh lepas ga.

asai ka dalam perau

Anang guai gaga...bisi agi siti ba moa nya..panjai agi sereta dalam...tusah ati BA..bas beguyat-guyat asai ka rebah...udahnya injin ia munyi ka tesekat-sekat nengah ai....jantung asai ka laboh...ko driver bas kami nya...

rumah pink tenggelam

Akhirnya...lepas...bas kami mujor nengah tiga iti alai banjir deras nya. Diatu bas kami laju nuju ke Betong ninggal ka manoa Serian ti udu amat banjir..pagila pan bedau tentu ulih surut.

Jam 9.30 malam bas kami datai di Simpang Betong. Kami tiga nurun dia. AO Roni enggau AO Crsipin datai ngambi kami tiga. Selamat udah kami pulai ke rumah....he..he

Astana Pengerindu Astana Kitai

4 comments:

  1. Halo kawan.. ulih ka aku jadi kawan blog nuan. Hehehe.. Serian ya kampong kmk.. Glad ada juak org yg ambik gambar banjir di Serian. Kmk amat trhutang budi.. Pinjam utk di show dalam blog kmk.. .. - kawan Indai Mau..

    ReplyDelete
  2. Anonymous7:53 PM

    Apuu amat balat banjir menua kitai dia..takut meda ai..agi ujan??

    ReplyDelete
  3. Thanks for the great photos…. Nganti pansut ba news national TV lalu nadai.
    Something is wrong somewhere.....

    ReplyDelete
  4. Khairol Onggon..halo..kamek amat bebesar hati jadi kawan...kitai semanoa di Sarawak tu deh...pinjam lah gambar-gambar yang perlu ia.

    Entayang..the worse flood ever..kami di Betong nadai kala banjir ngelama tu...banjir besai ga...

    mama belian n cengal...nya meh..BA pan nadai meda perkembangan banjir di manoa kitai jadi highlite tv...nda penting kah manoa kitai tuk???..

    ReplyDelete

Nuan Temuai Ti Ka:

Free Website Counter
Free Website Counter Blogarama - The Blog Directory Blogarama - The Blog Directory

Aram bejalai enggau BA

Snap Shots

Get Free Shots from Snap.com

Ruai Artis / Selebriti/Informasi/Berita

LinkWithin

Blog Widget by LinkWithin