BA di menua Sabah

BA begambar melakang ka gunong Kinbalu

kami begambar di Mesilau Highland, Kundasang

Hari tiga nyin kemari kena ka 28hb April 2010...kami duai Rin terebai ke Sabah ngena flight MH638. Kami angkat ari Kuching International Airport jam 3.45pm lalu datai di Terminal 1 Kota Kinabalu International Airport (KKIA) jam 5.15pm.

Sebedau kami duai angkat lemainya, bala sida ini, aki, uncle Stephen enggau famili Monte' udah mupok dulu ngena AirAsia jam 12.30 tengahari. Nya meh bala sida ia meh ti ngambi kami duai Rin di KKIA ngena MPV Mahendra.

BA enggau Rin begmbar melakang ka KKIA

Lemai nya bala kami bemalam di Marina Court laban enda sempat ka ke Kundasang. Kami duai Rin diau dalam siti bilik, famili Monte' ba master bedroom lalu ini enggau uncle stephen siti bilik...aki tindok di luar.

Apartment fully furnished di Marina Court

Aki sempat pose di Marina Court

29hb April 2010, bala kami bekejang mupok ke Kundasang..ba kaki Gunung Kinabalu. Uncle Stephen enda kala dribo ke menua nya taja ia udah dua tahun diau di KK. Tu meh baru ia ke Kundasang.

Lebih kurang tiga jam pejalai kami laban ti maioh ngetu sebelah jalai. Jalai katas kin bebukit-bukit enda badu sereta suah ngelimpas lori besai, bas, pick-up sereta kereta mit ti laju-laju.

Jam 1.00 pm kami datai di Kinabalu Pine Resort. Kami nyua dua iti bilik berimbai...M3 enggau M4. Murah aja sewa ia,RM180.00 siti bilik sereta bisi breakfast ka 8 iko bala kami.

Aki begambar ba rumah ti disewa kami ba Kinabalu Pine Resort

Udah tembu check-in bala kami lalu bejalai ngena mahendra ke Mesilau Highland...ka ke ladang Desa Cattle Sdn Bhd...alai nupi chapi ba tanah tinggi. Gaia hari lemai nya chukup manah...nadai enda entu ulih dipeda kena lindung remang.

MPV Mahendra menua Indai tu sigi lasak niki gunung alai Desa Cattle nya...jalai ia chukup tau ngasoh jantung asai ti ka laboh...naseb ga uncle Stephen sigi landik maik kereta...ia madah udah jera katas kia...next time enggai ia kia agi.

Bala chapi di Mesilau Highland,Kundasang

Bendar amat bala kami begambar datas dia. Udah tembu baru kami mulai kadiri ke Kinabalu Pine Resort. Maia ka datai dia...remang ka napok gunung Kinabalu nyau kurang lalu gunung nya pen ulih ga dipeda...ba dia, begambar baru ga bala kami.

Tiap bilik di Kinabalu Pine Resort tu sigi nadai disedia ka aircond...anang kiruh kita ngiga aircond...menua nya sigi ti chelap. Asai BA lebih kurang 24 celcius penyelap ia...

Maia ka mandi nyau getar-getar...nasib bisi ai angat. malam nya bala kami makai dibelanja BA. BA ngodar pemakai ari restoran ka bisi dia lalu pemakai nya dianjung ke alai kami ka diau.

Bala kami berambeh makai di luar. Malam nya laun BA tindok laban ka updating fb. meda jam nyau pukul 1.00 pagi...tuboh nya lelak meh. Pagi nya tumu BA dani...jam 0540 pagi laban ti ka meda gunong Kinabalu...tang nadai naseb...enda ulih dipeda laban remang kelalu tebal.

Gunong Kinabalu maia lemai nyau ka apus

Pagi nya bala kami breakfast dia....nyamai amat ngirup ai kopi pekat di menua chelap baka ba dia....aroh urang puteh rindu amat ngirup kopi di menua sida din leboh maia musim chelap.

Kami mupok pulai ke KK maia jam 09.30 pagi. Remang agi bisi di sekeda alai...bisi maia nya jalai enda ulih dipeda laban tebal enggau remang. Tengahari baru kami datai di Marina Court....lelak amat tang lemai nya kami duai Rin bejalai baru di KK.

Sari tu, 1hb Mei...bala sida ini pulai dulu enggau famili Monte' enggau Uncle Stephen. Jam 0930 pagi Uncle Stephen nganjung kami duai Rin ke Courtyard Hotel di 1 Borneo...tang jam 2.00pm baru ulih check in. kami duai Rin bejegau dulu di 1 Borneo Hypermall.

Rin sempat pose...

tu diempa maia breakfast di 1 Borneo
endang nyamsss tu....

Dutch Baked mussels tu nyamss amat diempa BA
di restoran New York New York di 1 Borneo

Spaghetti Mushroom Alfredo with cheese
diempa Rin di restoran New York New York...nyams tu

tu Spaghetti bolognese with meatball diempa BA
emmm...nyamssss

Amat besai 1 Borneo tu...nyau penat kaki bejalai. Ia mega besambung enggau hotel alai kami duai Rin diau...nya alai nyamai amat neh...nyamai shopping...heeee

Pagila flight kami duai MH637 angkat ari KK jam 10 pagi. Taja pia, jam 0730am kami duai deka bekejang ke airport...nyamai enti udah datai din tumu.

Lama kami duai udah ninggal ka Benjy kadiri...di Betong...kaseh ka ia.

Reward Yourself
Astana Pengerindu Astana Kitai