Ms Rachel, Wedy & Boji to Land Below the Wind...Sabah

sampal bergambar melakang ka Mt Kinabalu di Pine Resort, Kundasang Sabah

Sekali agi pun bulan December tu tadi kena ka 10hb BA sekali agi nurun ke KK. Sekali tu sampal bala kami sebilik. Lama udah di plan tang tarikh selalu aja berubah-ubah.

Pulai BA ari KK bulan nyin kemari baru bala kami booking semua utai di KK...flight,kereta sewa, hotel...kira ka last minit.

Sekali tu bala kami nepan Air Asia laban sida apai,indai enggau Boji ngena complimentary tiket disedia ka Uncle ka sida tiga. Nyadi kami empat Cigu Bio, Ms Rachel, Wedy enggau BA meli tiket kadiri. RM406.00 rega tiket pegi enggau pulai.

melakang ka Mt Kinabalu ti dipeda ari Pekan Nabalu

di menua Ranau

Kami tiga Cigu Bio enggau Ms Rachel bekejang ari Betong lemai 9hb laban ka agi gawa maia nya. Jam 0730 malam kami tiga angkat ke Kuching. 1130 malam kami tiga datai di Kuching. Semina 2 jam setengah tindok malam nya.

Kami semua dani jam 02.00 pagi. Ukai nama tumu laban flight kami jam 06.00 pagi. Laban ka berangkut ngena kereta nya alai mesti tumu ari Batu 10. Agi tindok urang bukai...heehheee...

Taja bilon Air Asia sepatut ia angkat jam 06.00pagi tang kami mupok jam 06.20 pagi...laun. Last minit krew ka sepatut ia datai...ngambi cuti sakit. Laun laban nganti krew ganti datai. Uncle BA madah.

Flight kami terengkah di Terminal 2, KK jam 07.40 pagi. Rin uddah nganti kami di airport. Masri mega ka alai kami nyua kereta proton wira mega udah datai. Kereta Wira nya deka di drive apai. Naseb ga ia udah kala ke KK sari nya...nemu ia bejalai mai kereta di menua KK. Nitih aja ka kereta dibai BA.

Taman Awam Likas

shopping di 1Borneo

Pagi nya laban bedau ulih check in di Marina Court Condo...apartment 3 bilik, bala kami ke menua Donggongon...breakfast din taja udah makai dalam bilon tang agi asai lapar.

Maioh cherita kami leboh ka ngodar kolo mien sida di KK...nemu-nemu aja meh...barang sapa ka kala makai mee nya tentu lelenggau ka mi kolo ari Sarawak. Enggi BA enda abis empa tauka endang enda diempa...heeheee.

ba kedai nyual vanilla

Tengahari nya bala kami bejalai ke 1Borneo. Kami makai di Secret Recipe dibai ulih Cigu Bio. Lama udah enda makai dia. Udahnya bala sida ia shopping di 1Borneo.

Jam 04.00 lemai baru bala kami ke Marina Court ka check in. Lemai nya bala sida ia berehat di apartment. BA ngambi Rin pulai gawa lalu ke Cyber City ngambi barang enggau gare ia. Lemai nya ujan lebat amat. Plan ka bejalai sebelah waterfront enggau ke Pasar Malam...semua di kensel. Kami ka pegi makai malam aja.

Rin mai bala kami makai enda jauh ari Taman Awam Likas...tisi laut. Apuu endang best makai dia. Enti sekali agi BA bisi nemuai ke KK...mai Rin makai dia....endang best amat...

Pagi hari siti udah tembu breakfast di cafe Marina Court, bala kami check out laban ka mupok ke Kundasang. Malam nya kami ka bemalam di Kinabalu Pine Resort. BA udah book dua bilik din...siti bilik 4 iti katil single enggau siti bilik dua katil single, siti katil besai.

Indai tekenyit sereta 'nganu' laban ti mai ia ke menua ti bebukit-bukit...udahlah hari ujan. Tang meh rindu amat leboh ti ngetu di Pekan Nabalu laban bala sida ia 'teruja' meda maioh amat craft dijual dia....bebeli meh sida.

di Tamu Donggongon

di pasar sayur Kundasang

Maia ka agi dia...cun amat Gunung Kinabalu ulih dipeda ayan udah bekau ujan tedoh. Menua di Nabalu nya pen chelap amat. Udah tembu shopping dia...bala kami nerus ka pejalai ke Kinabalu Pine Resort ka check in dulu sebedau nurun ke Ranau...makai tengahari din.

Malam nya di Pine Resort...appuuuu...amat chelap kelalu chelap. Sida apai enggau indai laban ti kelalu lelak enda enggau kami empat Cigu Bio, Ms Rachel, Rin enggau BA makai di cafe. Kami napau pemakai ka sida empat ti di bilik.

Hari minggu, 12hb Dis bala kami pulai ke KK. Lemai nya sida ia check in di Seapark Hotel ba famili room ti udah dibook BA. Enda jauh ari Pasaraya Sunny enggau semina 3 minit ari Terminal 2, KK. Bilik nya semina RM95.00 semalam alu bisi 5 iti katil.

Makai malam nya sekali agi di Secret Recipe, Centre Point KK. Oh ya...laban pengawa makai-makai sigi bisi diambi gambar magang...nya alai entry ti siti agi ngeso ka gambar makai-makai aja.

Tembu makai di SR...udahnya ngulu ka bala sida bejalai di Pasar Malam. Malam nya hari ujan ga enda nyamai alai bejalai. BA enggau Rin bemalam di Cyber City.

13hb Dis, kami pulai ke Kuching. Lemai nya terus pulai ke Betong...rindu amat....

Reward Yourself
Astana Pengerindu Astana Kitai