Astana Pengerindu [astana of love]: BA & QRE to Kundasang, Sabah

Mount Kinabalu dipeda ari Pine Resort alai BA & Rin bemalam

tuchong Mount kinabalu ulih dipeda enggau terang

Urang ka muslim beraya...BA ngambi peluang beraya mega ngambi permisi panjai....hee..hee..sekali tu BA berengkah permisi 9hb nyentok ke 21hb September 2010. 8hb September 2010 BA udah bemalam di rumah sida Rin di Kuching.

Rindu ati BA laban BA bisi nurun ke KK baru enggau Rin pulai kena ka 15hb September. Kami duai nepan bilon Air Asia laban tiket bilon MAS maia raya tu marr amat.

Di KK BA sempat enggau pengerami Hari Malaysia kena ka 16hb september 2010. Tu meh katerubah ia Hari Malaysia tu diintu kitai 1Malaysia kenyau hari menua kitai tu begulai sama enggau Tanah Melayu, Singapore ngaga Malaysia. Rami amat di Padang Merdeka kota Kinabalu, Sabah. Maioh macham pendiau mensia.

Auk ehhh...ia ka ditusi BA ditu ngenang pejalai kami duai Rin ke menua Kundasang mai kereta viva QRE ia...kami duai bekejang kin jam 11 pagi 18hb September 2010..hari enam. Ujan lebat amat di menua KK. Tang BA pajak ka ke menua nya.

Datai di menua Tuaran enda balat ujan...semina mesi-mesi. Udah ka ngelimpas menua Tamparuli..diak hari berubah mua...ujan. Pejalai majak niki katas-katas...niki bebukit bukit. Remang tauka kabus ko kitai tebal amat. Kereta enggau lori serta bas nurun niki jalai nya chukup maioh. Jalai tu highway ditengah ke menua Ranau, kota Belud enggau ke Sandakan.

Nangi asai ati nengah jalai leboh maia ujan nya...tang jalai enda licin semina enda ulih dipeda jauh laban remang kelalu tebal...bisi ga kereta ti sut enggai masang lampu...nama enda takut ditempoh lori kini sida nya...

gambar tu diambi jam 0610 pagi

Kami duai Rin datai di Kinabalu Pine Resort jam 2.30 lemai. Kami duai tu walk-in aja...nadai ngaga booking laban ngira tu ukai peak season tang dipeda BA maioh ga kereta ditu. Nasib agi bisi chalet. RM160.00 aja, inclusive dinner (5 dishes) enggau buffet breakfast...murah amat!!

Ukai nama ia murah, bilik nadai ngena aircond...laban menua sigi ti udah chelap, ai ari gunong, pemakai ditanam sebelah resort...ni enda murah kos ia...

Udah tembu check-in kami duai bejalai nurun ke menua Ranau. Pejalai ngena kereta semina 13km kin. kami duai makai 'tengahari' di Ranau. Udah tembu makai kami duai pulai ke resort baru.

BA ka ngambi gambar lemai nya enda ulih laban remang ti ngelindung Mt kinabalu...enda ulih dipeda. nadai meh pengawa lemai nya, udah tembu dinner kami duai meda tv. Pagi nya(19hb) chelap amat...

BA jam 0530am udah dani laban kelalu chelap...tambah mega ka ngambi gambar Mt kinabalu. Nilik keluar, meda gunung nya ulih dipeda..nadai agi remang serta wooowww...best amat.

BA terus berangkut ke kamera enggau tripod dikena ngambi gambar gunong...rindu amat nehh. Jam 10.00am kami duai mulai ka diri agai KK. Tumu angkat laban ka ngetu sebelah pasar Kundasang enggau di Pekan Nabalu.

Sekali agi pending BA pedis laban pressure niki serta nurun nengah jalai baka maia ka mansang menari nya...BA asai ka bengal...enda ulih ningga munyi...

Nyau lemai baru kami duai datai di KK...lelak amat.