Astana Pengerindu [astana of love]: The Road Not Taken

Di dalam facebook BA ngena title The Road Not Taken ba album gambar ka diambi leboh nganjung kereta ke menua Sabah apin lama ka udah. Nya meh ditu BA ngena title ari bup literature tu mega.

BA, apai BA enggau cigu bio udah mujor bejalai nengah darat ke menua Sabah nganjung kereta Rin ti deka dikena ia gawa di Kota Kinabalu. Tang sebedau ka beranjung ka kereta nya, dia kami tiga udah bisi ngaga passport dulu dikena tama ke menua Brunei.

Kami tiga mupok ari Betong jam 540am, 11hb Ogos 2010 hari tiga. Sari sebedau nya kami duai apai ke menua Kuching pulai hari laban ti ngambi passport kami duai udah tembu enda sempat diambi suba.

BA nyadi driver ari Betong nyentok ke menua Selangau. Manah amat jalai ari Durin nyentok ke Sibu Jaya...highway...nyamai amat nengah ia.

Kami merarau di menua Selangau udahnya apai dribo ari Selangau nyentok agai menua sebelah coastal highway Bintulu-Miri. Ari nya BA dribo nyentok ke rumah aunty BA di Miri. Pedis asai burit dibai duduk kelalu lama.

Nama pengawa cigu bio...tindok...hee..heee...ia duduk aja meh dalam kereta nya nambah ka berat....hee..hee. Di Miri bala kami dibai uncle bejalai dulu lalu nukar sekeda duit ringgit ka duit dollar Brunei.

Hari siti, 12hb kami mupok ari Miri kurang lebih jam 6.00 pagi. Kami nengah jambatan ka baru udahnya lalu ngetu di tol mayar 'cukai' nengah jambatan, $3.00 tauka RM6.00 dibayar diak. Sida ia enda nerima duit kitai ringgit...nya alai mesti ditukar dulu.

Nengah jalai menua Brunei...irau ga asai ati udah ka ninggal ka Kastam di Sg Tujoh nya...laban tama ke menua urang. Dribo pen enda mengat laju apai mai, laban Datu Residen ka bisi nyedia ka map draw ia ti dikena kami madah anang ngelanggar atur jalai alun menua Brunei. Nya meh kami bejalai nitih ka ator.

jalai menua Brunei

Jalai menua din amat manah...highway. Taja bisi map...tesat ga bala kami laban enda nemu tunga jalai ke Kuala Lurah..kami bilok ke kanan...sepatut ia bilok ke kiba. Tang enda jauh laban lalu sedar ka diri tak pulai baru ke jalai menua Tutong.

Bedau tengahari kami tiga datai di Limbang lalu merarau dia. Apai saduai cigu bio baru ia meh ke menua Limbang. BA suah udah travelling ke menua Limbang suba. Ari Limbang BA dribo terus agai Kota Kinabalu.

Ari Limbang bala kami nerus ka pejalai ke menua Lawas. Dia kitai deka nepan ferry antara menua kitai enggau Brunei...enda besai sungai nya tang bayar nepan ferry mar amat...bedau angat burit...RM8.00 duit kitai tauka $4.00 duit Brunei. BA mayar ngena duit kitai aja.

Udahnya bisi nepan ferry ga sekali agi ba Sg Trusan laban jambatan ia bedau tembu. Semak sejam bala kami beranti diak...udah lah hari chukup panas maia nya. Nepan ferry tuk bebayar baru RM10.00.

Lepas ari ferry tu lalu terus mansa menua Lawas udahnya kami terus ka pejalai ke menua Beaufort. Kami ngetu ngirup diak. Kami mega betemu enggau petunggal Rin laban ka nganjung beras ka ia.

di Beaufort

lemai hari di Kota Kinabalu

entrance di Magellan Sutera, KK

Nyau ka apus mata panas, kami tiga datai meh di menua Kota Kinabalu. Apai BA baru ia datai ditu lalu cigu bio udah bisi kala nemuai kitu suba.

Laban saduai ia 'agi' baru...nya BA mai saduai ia bejalai sehari-hari ari lima, 13hb nya..kami ke menua Donggongon laban ka agai tamu diak. Hari enam pen bala kami bejalai enda ngetu.

honey chicken wing diempa kami...nyamm amat

downtown KK

bekenan ker cigu...

ia ka kuning nya jeruk embawang,ia ka mirah jeruk tepus

besai amat undang tuk

Pusu di Tamu Penampang (Donggongon)

ABC Durian di Suria Sabah Food Court

di Suria Sabah Food Court

di 1Borneo

di Kota Kinabalu International Airport

Tu maia bilon kami transit di Miri

di dalam MasWing...bisi skrin tv

Kami mulai ka diri ke menua Kuching ngena bilon MASWing...nyadi bisi transit dua kali, sekali di Miri enggau sekali agi di Mulu sebedau nerus ka pejalai agai Kuching.

BA sigi sengaja milih penerebai sekali tu bisi transit...awak apai saduai cigu bio ulih meda airport Miri lalu sama meda menua Mulu ari atas langit. Ari Kuching, kami tiga pulai ngena bas terus ke Betong. Apuu...abis menua ditengah....the road not taken.