Solar di Ulu Spak, Betong...Make it happend...

Rumah Panjai Ringkai, Kerapa di Ulu Spak chukup betuah laban udah dipilih perintah menua Sarawak nyadi menua ti katerubah ia di Malaysia ngena kuasa Solar berteknologi paling maju kemaia hari tu.

Teknologi solar mansa baru tu dibai ari menua Germany. Kena ka 11hb July tu tadi bala kami bisi nemuai ke menua Kerapa laban Kepala Menteri Menua Sarawak ti deka besaksi ka pengawa nyerah ka Solar Farm ari kompeni ti nyedia ka solar tu ke perintah menua Sarawak.

bala kami nyedia ka ruai alai bala temuai VVIP

bala sida ka nganti temuai VVIP begari ngepan

Pengawa nya digaga 13hb July tang kami nurun tumu laban deka besedia din. Erica Luing, Alves Tay, Coryna enggau AO Roni bala kami nurun kin. Kami ngena perau laju ari Nanga Spak. Duduk dalam perau 3 jam mudik ke ulu. Udahnya, bejalai kaki ari menua Mujau nyau ka dua jam turun niki bukit. Burit serta betis chukup pedis.

nyau gali AO Roni laban pedis burit 3 jam duduk dalam perau

deras ai ...

Alves Tay benong facebook

Amat untung sida ti empu menua dia...taja nadai coverage line telefon tang sida bisi wifi free of charge ba sepemanjai ruai 41 pintu nya....ulih meh ber facebook naka ulih. Mula datai asai enda betah tang laban ulih muka facebook for free...wahh asai enggai pulai lah pulak...haa...haa

Malam katerubah dia, BA nulong sida JASA nyadi judge ka pekit karaoke...nemu kita berapa pemaioh urang ka enggau bepekit....23 iko. Udahlah berengkah laun, jam 10 malam...1.30 pagi baru abis. Nyau tetindok mata BA nyadi judge...muka mata meda bala anembiak berambi ka gambar BA benung tindok...haaa...haaa..haaa..

"ia meh nya"...luchu urang tu

peda kita...mai uchu enggau pekit karaoke

Maia mandi ba karangan paling rindu...ulih nyemerai taja ai karangan enda dalam...BA sigi ngambi ulih berendam lama-lama maia mandi...taja aik ia chelap. Makai...anang irau laban sida ari Opis Betanam Betupi udah diberi tanggungjawab nyedia ka pemakai enggau chukup. Best ulih makai pemakai di rumah panjai.

manok pandok enggau uki stail rumah panjai...emmm

upa...emmm nyammmss

asi pulut lulun

Enda ingat nyebut...bala kami ari Opis Residen tindok di bilik tuai rumah. Manah amat bala sida tuai rumah tu sabilik. Bisi disedia ka penindok ka bala kami. Agi belala diau dia taja menua nya chukup jauh. Ngarap ka ila bisi peluang kia baru meh.

Bala VVIP ngelepas ka anak ikan empurau ba Sg Nyelutong, Ulu Spak

Tuai Rumah Ringkai enggau Pengerusi JKKK nyua ka
pemeri agai Kepala Menteri Sarawak

Reward Yourself
Astana Pengerindu Astana Kitai