Aaron Terry & Roseline Manyi Keling & Kumang Menoa Betong 2010

Keling Aaron Terry (kiba), Laja John Budang (tengah) &
Bungai Nuing Abdul Kadir ak Sebie (kanan)

Kumang Roseline Manyi (duduk), Lulong Cheryl Violet (kiba) &
Selingkar Matahari Shirley Dolen (kanan)

BETONG: Aaron Terry Keling Menua Betong enggau Roseline Manyi Kumang Gawai Menua Betong ka taun 2010. Saduai ia udah tulih ka gelar Keling enggau Kumang leboh maia pekit nya bisi diator lemai kemari di Dewan Sukan Tan Sri Datuk Amar Stephen Kalong Ningkan. Saduai ia sama bela mai pulai mata duit RM 1000.00.

Pekit Keling enggau Kumang ka bisi diator berserimbai enggau Pengerami Makai Malam Gawai Dayak bagi Menua Betong ti udah mujur diator lemai 14th Mei 2010. Penyampau mija ti bisi udah dijual maia nya 124 iti.

Raban ari Dayak Cultural Foundation (DCF) betaboh

Patron makai malam nya, Yang Berhormat Datuk Patinggi Tan Sri (Dr) Alfred Jabu anak Numpang enggau Yang Berhormat Senator Dato Sri Empiang Jabu. Bala pemesai bukai ka bisi datai baka YB Dato Sri Douglas Uggah Embas, YB Datuk Peter Nyarok ak Enteri, YB En. Robert Lawson Chuat ak Vincent Entering enggau bini ia, YB Dr Johnnical Rayong, Residen Menua Betong Datu Romie Sigan Daniel enggau Datin Grace.

Rambai jako Segulai Sejalai sama ransing bekerja nyagu ka tikas pengidup ngangkat ka ekonomi dikena kitai begawai taun 2010 tu. Mr Richard Tajan, Chairman Pengerami Gawai Dayak bagi Menua Betong 2010 madah ka lima iti progrem bisi diator berserimbai enggau pengerami Gawai taun tu. kelimpah ari highlight lemai nya Pekit Keling & Kumang. Progrem nya baka Pekit Nyumpit, Pekit Ngajat, Pekit Lagu Iban serta bisi nemuai ka Sepital Betong.

Chairman Pengerami Gawai Dayak bagi Menua Betong 2010 Mr Richard Tajan nyua ka tanda hati ka Yang Berhormat Datuk Patinggi Tan Sri (Dr) Alfred Jabu anak Numpang

John Budang Laja Gawai Menua Betong mai pulai mata duit RM 800.00, Abdul Kadir ak Sebie bulih gelar Bungai Nuing mai pulai RM 600.00. Cheryl Violet bulih gelar Lulong mai pulai mata duit RM 800.00 enggau Shirley Dolen bulih gelar Selingkar Matahari mai pulai RM 600.00.

Donna ak Dawi ari SMK St Augustine Betong
bulih 11A dalam pemutus peresa SPM Taun 2009

Lemai nya mega komiti bisi nyua ka perais Pelajar Cemerlang dalam taun 2009 ka nembiak sekula. Dalam UPSR, 15 iko bulih 5A enggau 2 iko ti bulih 2A. Dalam PMR, 8 iko bulih 8A enggau 17 iko bulih 7A. Dalam SPM, siko bulih 11A, 4 iko bulih 9A, 2 iko bulih 8A enggau 2 iko agi bulih 7A. Dalam STPM, 7 iko sida ka skor 3.40 katas diberi perais tu.

Progrem makai malam nya tadi udah diator enggau chukup mujor sereta manah amat. Well Done ka Mr Richard Tajan enggau bala komiti ia. Ngarap ka Chairman baru ka taun 2011 ulih ngator progrem makai malam ti lebih manah sereta lebih maioh agi urang ulih sama berami enggau kitai.

Selamat Hari Gawai 2010.

Pemutus Pekit Keling & Kumang ba jari AO Roni

Reward Yourself
Astana Pengerindu Astana Kitai