Pengawa BA...

Sari tu BA enda ga entu busy endar tang ga meh ngator ka VVIP Transportation ti deka dikena maia program Peningkatan Pendapatan Rakyat Peringkat Kebangsaan di menua Pusa 4hb Feb tu.

Nyelai amat sekali tu, enda kala kami ditu asai bakatu....asai enda nemu utai,enda besedia...lack of info laban pengawa tu diator sida bala kaban ari federal. Bala kami nadai enggau meeting.

BA laban sigi udah nemu nama patut digaga dia BA nesau semua kaban ari menua baka Sibu (Abdillah), Sarikei (Bruce),Sri Aman (Langgong) enggau Bintulu (Guyang) minta saup sida ia nyedia ka kereta ka ulih dikena VVIP maia nya ila ti datai nepan bilon engkabang (Helikopter).

Tang tengahari tu tadi gaga asai ati BA laban maioh bala VVIP enda ulih datai...chukup meh kereta dikena bala VVIP maia nya ila enti sida ia maioh enda ulih datai.

Maia nya ila, BA enggau AO Crispin deka beranti di SMK Pusa ti udah dipilih nyadi 'airport' alai bilon sida VVIP tu terengkah. Enti nyema bilon ka dikena maia nya lebih ari tiga buah, diak kaban ari Malaysia Airport Berhad (MAB) deka ngator pejalai bilon nya. Nyamai mimit enti sida bisi datai.

krew MAB benong gawa maia heli ka landing

Kami duai AO Crispin mesti ngaga jadual bala driver enggau list kereta ti dikena bala sida VVIP tu. Awak ka maia hari nya ila, sida ia enda kelam kabut enda nemu kereta ni siti...tusah kitai.

Laban pengawa tu suah udah diatur serta diperati BA...enti bala sida VVIP tu udah pansut ari bilon...engka nya ka sebening asai pala kini...lalu baka ti ka rebah bejalai nuju kereta sida ia...dia kitai tu tadi madah ka sida kereta ni ka patut ditiki sida. Laban kekadang nya, maia ka berebut sereta beguai tama...abis salah kereta.

driver benong muka pintu kereta ka VVIP

Maia YAB PM nemuai ke Pusa tahun 2008 (maia nya ia TPM)

Kitai mega mesti ka nemu sereta ngelala bala driver ka gawa maia nya awak ka ator sereta program ulih dipadah enggau terang sereta silik. Laban enti enda dipadah, sida pen kelam kabut...dianu VVIP ga tudah bala driver.

Kereta sida VVIP tu ukai tau sebarang...kitai ka gawa maia nya mesti ka nemu kereta Merc nya siri berapa...600s,320s tauka 200s. Laban kereta ka dikena mega nitih ka rangking pemesai kuasa VVIP nya. Anang sengapa...anang main-main.

siti merc ka bisi dikena

BMW (gambar diambi olih Prince Metroxylon)

tiga buah 4 wheel drive benong standby

Maia nya mega kaban kitai ari Polis mega gawa ngecheck kereta ti deka maia bala VVIP nya...ni nemu bisi utai enda manah dipasang sebelah kereta...tusah ga kitai.

Merc tu benung di peresa Polis

kereta VVIP benong betitih di Jalai Spine,BetongMaia pengawa official benong nyadi, bala driver makai dulu

Naka ka sari tu, nadai kala BA bisi penanggol tauka masalah dalam nyedia ka kereta dikena VVIP tu..kena anu bala pemesai ti biasa-biasa nya...sigi ka asi sereta lauk.

Taja pengawa tu pedis diator ka lebih agi maia nginjau kereta ke menua bukai...laban kadang-kadang sida ia mega bisi pogram bukai...tang udah bala VVIP tu pulai niki bilon...ati kitai puas...bala driver pen tuchum rindu ati.

Enda sabar asai nganti hari empat tu awak ka program tu ulih jampat tembu.

Reward Yourself
Astana Pengerindu Astana Kitai