Astana Pengerindu [astana of love]: BA di Pusa...

AO Crispin benong brief bala driver program sari nya tadi,
sapiak ia Mizi benong belajar ga

Bala VVIP...ari kiba YB Datuk Peter Nyarok, YB Datuk Hajah Rohani Karim, YB Datuk Amar Haji Awang Tengah, YB Datuk Seri Noh Omar, YAB Ketua Menteri Sarawak, YB Datuk Patinggi Jabu, YB Senator Dato Sri Empiang Jabu enggau YB Datin Hajah Fatimah Abdullah (enda peda duduk ari kanan)

alai duduk penuh...maioh urang bediri nadai bulih penuduk

Pagi tu tadi tumu bala kami empat AO Crispin, PKS Mizi, BA enggai Malidi mupok ke Pusa. Datai din kami empat ngirup dulu di kedai kopi enda jauh ari opis mit kami di Pusa.

Ukai semina kami aja nurun...Ms Rachel,Wedy,Cris, Jess enggau Fifi sama bela bisi nurun besaup magang. Sambil nya ulih sida ia bulih penemu.

Cris, Wedy& Fifi

wedy, ms rachel & Jess

Bala mensia chukup maioh pagi nya...palan alai bejadi ka pengawa sari tu tadi udah penoh enggau mensia ti datai ari menua Pusa,Meludam, Beladin enggau ari serata menua Betong.

BA enda irau ati senentang kereta dikena VVIP laban Malidi madah ka tiga buah kereta VVIP bisi nurun ari Protokol Kuching deka besaup enggau kami. Dua buah Jaguar enggau sebuah Merc 600s.

Ia ka diinjau kami ari Opis Residen Sibu Merc 600s, ari Sri Aman Merc 320s enggau ari Sarikei Merc 200s enggau sebuah xtrail ari Jabatan Kebajikan Betong. Lebih ari chukup ditambah enggau Lexus ari opis BA empu.

Mizi saduai Malidi begambar semak kereta Jaguar Daimler ari Kuching

Kereta Merc ari Opis Residen Sri Aman

Kereta Merc ari Opis Residen Sibu dikena mai YAB CM

Kaban kami duai AO Crispin Bahrain ari Hornbill Skyway pen bisi datai deka ngator pejalai bilon engkabang ti datai. Dalam entry BA ka dulu agi ari tu, Ba madah ka ari Malaysia Airport Berhad tang saru BA.

Bisi lima buah bilon engkabang deka datai sarinya lagi. Padang sekula SMK Pusa udah nyadi airport alai bilon terengkah. Bala nembiak sekula teruja ga meda tujuh buah kereta VVIP lalu bisi ga meda bilon engkabang.

Udah tembu kami duai AO Crispin mri taklimat ka bala driver...dahnya sida ia lalu nusun kereta nitih ka ripih awak ka maia leboh pansut nuju palan bejadi lagi enda kelam kabut.

Udah tembu bala sida VVIP nepan kereta ka udah nganti, bala kami lalu nitih ari belakang nepan Perdana Eksekutif. Datai di palan bejadi, dipeda BA sida VVIP benong disambut ngena cara bekompang,udahnya bisi ngajat enggau tandak singa.

BA terus bejalai ke mua stage...mansa mensia maioh nengah red carpet tang BA enda peduli ka urang...hee..hee...ukai nama enggai ka enda bulih spot ti manah alai ngambi gambar VVIP.

Sekali nya...BA bediri ba mua stage lebih dua jam ari berengkah Lagu Negaraku nyentok ka penyerahan cenderamata...apuuu...penat amat asai kaki...tang enda ngawa...BA bulih ga gambar-gambar...enti enda...nadai bulih gambar.

YAB CM Pehin Sri Haji Abdul Taib Mahmud, Datuk Sri Noh omar enggau Menteri bukai
benong megai ball nanda ka bejadi pengawa sari tu

YAB CM nyua ka cheque ka siko usahawan ikan kering

buah tangan ka YAB CM

produk kuih sepit Kalaka Saribas Delight

suman undang

sesar unjur...RM20.00 sepeket

produk pusu...enti enda salah BA

Gerai buah-buahan Fama

kordial mango & roselle

Maia bala VVIP bejalai ke samoa gerai-gerai...baru BA bisi awak bejalai ga...BA meli sos enggau kichap agromas...meli kerupok,meli kuey-kuey tradisi laban Rin minat amat makai.

Bisi ga BA betemu enggau bala kaban sama belajar suba dia...Adeyong...diatu ia gawa enggau Fama Negeri...agi maintain tudah...heee...heee

Pengawa tembu lebih kurang jam semak 2 lemai...bala kami beranjung ka VVIP ka airport SMK Pusa. Sempat ga BA ngambi gambar dia tadi.

YAB CM bejalai nuju bilon deka mulai ka diri ke Kuching

Overall event sekali tu amat manah...enggau kanopi, stage samoanya endang bisi beda enti dibanding enggau state ngadu ia. Asai ka ukai ba menua Pusa...tentu besai belanja dikena program tu.

Tuboh BA pen nyau lelak...pedis kaki...moa BA pen mirah laban sunburn kena panas maia beranti di SMK Pusa tadi...enda ngawa lah.