Pengawa BA di Kuching...

persembahan poco-poco sebedau pengawa resmi

Pagi kemari jam 4.00 pagi bala kami, AO Roni,AO Hayati enggau BA udah mupok berangkat ke Kuching. Said mai kereta Perdana ti ditepan kami.

Taja mata agi belala ka tindok tang BA enggai mejam ka mata laban takut enggai ka Said tak laju. Tang enda ga ia kelalu laju.

Datai di Kuching bala kami ngambi AO Crispin di rumah ia. Dahnya bala kami berumban mupik ke Stadium Perpaduan, Kuching laban Datu ti ka betemu enggau bala kami jam 08.00 pagi. Enda sempat ngirup kami laban ti beguai-guai.

Kabuah kami ti ke Kuching tumu pagi laban ti ngulu pengawa Hari Perhimpunan Perkhidmatan Awam Negeri Sarawak. Tambah mega opis kami nerima sijil Amalan 5S ti deka diambi ulih Datu sari nya.

YAB Ketua Menteri Sarawak bejadi ka
Perhimpunan Hari Perkhidmatan Awam Negeri Sarawak

Datu Romie Sigan Daniel nerima sijil Amalan 5S Pejabat Residen Betong
ari YAB Ketua Menteri Sarawak

Dalam Stadium urang udah maioh mega. Pengawa resmi berengkah jam 10.00 pagi. YAB Ketua Menteri Sarawak bejadi ka pengawa nya. Pengawa tu tembu dalam jam 1.30 tengahari bakanya. Perut bala kami pen nyau lapar mega.

Tengahari nya bala kami makai di SCR xpress (nganti chicken chop lebih 20 minit) di tHe Spring. Udah tembu makai, bala kami meda wayang film A Christmas Carol....kita nemu, BA tindok sekejap maia pun cherita...laban kelalu ngantok sereta lelak....heee...heee

Kumpulan Koir ti besemangat belagu maia nya

DO Saratok enggau Act. DO Betong mega sama bisi datai

Reward Yourself
Astana Pengerindu Astana Kitai