Pengawa BA sari tu...di Bazaar Ramadhan, Stutong

Sari tu kami duai Rin bisi di Kuching, datai malam kemari. Laban 31hb tu nadai gawa, nya kami duai nurun ke Kuching.

Pagi tadi kami duai ka ke Wisma Saberkas...sekali meda kereta ti Q ka tama katas...nyau enda jadi ga...enggai lama nganti. Pagila aja meh kia...tumu pagi...nadai maioh kereta.

Kami duai nganjong diri ke Riverside laban ka ke Guardian kia. Laban breakfast pagi tadi udah makai mee kolo, kami duai Rin ngirup sereta makai fries aja ba McD...

Udah puas bejalai...kami duai ke Bazaar Ramadhan di Stutong...besai sereta luas. Taja angat, kami duai tetap mega kia demi hasrat murni di hati...

Maioh amat lauk-lauk dijual dia. Manok panggang, sate, pari panggang, asi,mee enggau maioh agi lah. Tang dia nadai pulut panggang. Nama kabuah neh. Urang di Bandaraya Kuching enda nemu ngadu pulut panggang kah?

Atau sida ditu nadai daun pisang ti chukup kena ngaga pulut panggang. Alit ati BA...semina kelupis aja bisi dipeda BA dijual ditu. Kami duai Rin meli lauk pari panggang enggau sate manok...nyammsss...

Reward Yourself
Astana Pengerindu Astana Kitai