Sunday, August 2, 2009

H1N1, Jerebu & Chikungunya

H1N1

Takut...nya meh asai ati diatu ngenang virus influenza AH1N1 ti benong nyerang kitai mensia kemaia tu hari. Tiap hari kitai ninga dalam berita tauka macha ba suratkhabar pasal urang ti kena laban virus nya.

Nama utai patut digaga kitai enti virus tu nyerang tuboh kitai? Ia ka diatu kitai semina diasoh kuarantin tauka ngurung diri di rumah aja.

kelalu takut...nya alai ngena dua iti mask

Penanggol ia sapa ti ulih ngemata ka kitai leboh ti benong tabin garing-garing. Bakani urang ti ngibun nya deka nemu progress penyakit nya. Tusah tu...


Peda BA maioh kitai enda besedia tauka enda nemu nama patut digaga enti penusah bakatu nyadi. Kemari BA betemu enggau aki saduai ini leboh kami empat cigu bio ngirup ba Que Garden.

Saduai ia nemu pasal virus tu ari radio. Tang sangka BA maioh kitai ti diau di rumah panjai enda nemu virus tu mega tau nyerang babi, manok enggau burong. Nya BA madah ka saduai ia virus tu tau mega ngasoh babi rengga (flu).


Perintah kitai tauka opis penggerai patut meri jako lalau enggau jako ajar ngena radio...asoh bala pakar tauka lutor mansut ka jako penerang nya awak ka sida ti diau di rumah panjai talok agi ka jako sida ia.

Jerebu (besebun)

Kemari leboh kami duai Rin nurun ke Kuching meda urang balat amat betunu ka babas ti deka alai bumai. Musim rangkai baka tu enti babas ditunu tau ngasoh balat besebun.

Maia nyau ka datai kilah Lubok Antu, kami duai meda asap tebal serta tinggi katas...dahnya ba tisi jalai bisi bala sida ari Bomba & Penyelamat udah besedia dia..entah-entah bisi rumah panjai angus.

Pengawa nunu babas tu enda entu ulih ditagang kitai laban sida tu ngena chara nunu sebedau nyedia ka alai betanama padi. Chara tu udah dikena bansa kitai kenyau ari aki ini kelia.

Ba penemu BA, diatu kitai patut ngena teknologi baru awak ka masalah besebun tiap tahun tu tau kurang.

Chikungunya

Musim angat diatu jarang udah ninga urang besebut ka penyakit denggi chikungunya. Tu siti agi penyakit ti tau mai nyawa.

Nya alai kitai mesti meresi area rumah kitai awak ka nyamuk aedes enda ulih betelu. Diatu sida Opis Penggerai bisi ngeluar ka surat ti madah ka sida deka meresa rumah tiap iko kitai enti penyakit tu majak balat.

Enti kitai bisi ditemu sida enda meresi rumah, nyimpan utai ti tau nakong ai...sedia aja kena saman. Anang main-main.

Reward Yourself Astana Pengerindu Astana Kitai

2 comments:

  1. Oh.salah sepil nya Wyn..

    Chikungunya ke betul.

    ReplyDelete
  2. Oopss..tahnk you Coki...hee..heee..penyakit nya jarang disebut kitai...

    ReplyDelete

Nuan Temuai Ti Ka:

Free Website Counter
Free Website Counter Blogarama - The Blog Directory Blogarama - The Blog Directory

Aram bejalai enggau BA

Snap Shots

Get Free Shots from Snap.com

Ruai Artis / Selebriti/Informasi/Berita

LinkWithin

Blog Widget by LinkWithin