Niki bukit...

Kompleks Pejabat Kerajaan Negeri Bahagian Betong, kuarters semi d & apartment,
enggau Dewan Tan Sri Datuk Amar Stephen Kalong Ningkan dipeda ari tuchung bukit

Gereja Anglican St Augustine mega ulih dipeda, renjan amat jalai nurun,
sida tiga benong meda view Bandar Betong, benong nurun

Lemai kemari kami empat AO Roni, AO Yati, AAO Eze enggau BA udah ngaga program niki bukit enda jauh ari kuarters alai kami diau.

Pama ga peninggi bukit nya. Kami nengah jalai alai ai larat ti digaga maia ari ujan. Nyau seput-seput bala kami niki bukit nya.

Jalai ai nya mega mengat renjan amat...irau BA bakani ka nurun lagi.

Datas bukit kami ulih meda sunset, meda samoa area kuarters enggau Bandar Betong. Tekenyit kami maia datai di tuchung bukit laban bisi tiga iko anembiak benong duduk atas bukit. Maia kami pulai, udah nadai ga sida tadi.

sunset lemai nya

Udah ka puas meda view ari atas nya kami empat mulai ka diri ke baroh. Nurun begadai-gadai...enggai ka gelincir laboh ke baroh.

Maia BA udah datai di rumah AO Roni telepon agai BA madah ka handphone AO Yati teberayan atas bukit.

Nya meh kami empat nikal katas baru. Sekali tu mai lampu picit laban hari udah petang.

Datas din meh AO Roni tetemu ka ia enda jauh alai kami betemu enggau tiga iko anembiak tadi.

Lelak amat lelak..nyau seput-seput...heee..heee...rindu ga ati.. ulai selalu...

Reward Yourself
Astana Pengerindu Astana Kitai