Sunday, July 12, 2009

Aram ke Market di Betong...

rian,rambai enggau tekuyong

Kemari kami duai AO Roni bisi nurun ke market di Betong ditu. Maioh amat urang. Utai ti dijual mega maioh macham.

BA mega bisi meda urang nyua buah durian, setompok Rm16.oo tang BA nadai ati. Ukai nama kala tabin taun 2003 suba di Kuching udah kelalu bendar makai buah rian. Musim nya suba rian maioh sereta dijual murah-murah. Kelalu bendar lalu lah tabin...diatu jerak.

nanas,chabi enggau bawang mirah

Bisi siti bansa kulat mega maioh amat dijual, nya kulat buah...enti di menua din suba, bala kami selalu dibai ini ke babas begiga ka kulat buah. Rindu amat laban ba sebelah tanah kitai meda color oren kulat nya tumbuh...nyau berebut ngambi ia.

nanas, upa pantu,serey enggau kulat buah

Di market mega bisi dijual urang ikan buntal. Taja Pejabat Kesihatan menua tu bisi ngeluar ka warning madah ka ikan buntal nya berachun..tang berebut ga urang meli ikan buntal. Ukai nama, baru-baru tu tadi bisi kes kerachunan udah makai ikan buntal.

Enti di menua Betong ditu, anang takut laban urang ditu sigi nemu chara ngintu ikan nya enggau betol sereta selamat. BA minat amat makai ikan buntal...

ikan kembong, ikan buntal enggau ikan sultan

Kala makai tekuyong? Kemari maioh amat tekuyong dijual...sebungkos RM5.00. Kelia, 10-15 tahun suba, seingat BA rega sebungkos semina RM2.00 aja. Nyamai amat tekuyong dipandok kichap enggau serey.

BA mega minat amat makai rambai tauka dikumbai urang midin. Kami di menua Betong ngagau sayur nya rambai. Rega ia diatu nyau mar, RM2.00 seikat. Kelia, RM0.50 aja...ukai sayur nya perlu dibaja.

Enti bisi nemuai kitu ke Betong, singgah meh di market ba Betong.

Reward Yourself
Astana Pengerindu Astana Kitai

No comments:

Post a Comment

Nuan Temuai Ti Ka:

Free Website Counter
Free Website Counter Blogarama - The Blog Directory Blogarama - The Blog Directory

Aram bejalai enggau BA

Snap Shots

Get Free Shots from Snap.com

Ruai Artis / Selebriti/Informasi/Berita

LinkWithin

Blog Widget by LinkWithin