Kereta Peminat Hafiz...self accident!!!

Tengahari tu tadi BA tekenyit ati ninga AO Roni madah ka AO Yati self accident ba jalai enda jauh ari Simpang Engkilili. Kami tiga LO Emmy enggau AO Roni terus kin laban ka irau ati ka ia.

Maia kami ka datai dia mechanic benong narit kereta ia niki ke atas jalai raya. Ari cherita ia, ia madah ka diri ngantok maia udah limpas Simpang Batu Lintang.

Enda mukai-mukai ko ia, kereta ia tama ka lorong sapiak jalai ti mansang ke Sri Aman. Laban ti tekenyit, ia lalu mulas ka stereng kereta ia tama baru ke lorong ti betul. Meda enda ulih dibrake ia, ia lalu narit hand brake...nyau mai kereta ia bepusin-pusin sebedau laboh ke baroh tisi jalai. Penyauh ke baroh kin bisi lebih 30 kaki. Nasib ga maia utai nya ti nyadi nadai kereta bukai benong nengah jalai.

Nya kabuah ka telepon ngagai sida mechanic ngasoh narit kereta niki ke jalai raya. Nasib ia nadai pedis laban nya. Kereta ia mega semina pechah bumper belakang.

Taja pia, peminat setia Hafiz AF7 tu enda jerak...mulai ka diri ke Betong, ia agi ulih dribo ka kereta nya. Ninga lagu hindustan agi nya....Nya meh nama ia untong nasib kitai ba jari petara...samoa utai ka nyadi ditentu ka Ia.

Terima kasih ka Petara laban nadai apa nama.

Reward Yourself Astana Pengerindu Astana Kitai