Ke Sarikei terus ke Sibu

makai di Pizza Hut, Wisma Sanyan...

Sari tu kami duai Rin sama ngambi pemisi sehari laban ti ka ke Sarikei servis kereta. Lama amat udah nadai ke Pusat Servis Perodua...6 bulan udah.

Enggau kami duai pagi nya Ms Tcil & Ms Wedy. Ko jako ka nurun jam 6.00 pagi awak ka jampat tembu servis tang maia BA ka ngambi saduai indu dara nya ke rumah jam 6.30 pagi...baru dani tindok.

Sebedau mupok ke Sarikei kami empat ngirup dulu ba gerai di Bandar Betong dia. Sekali betemu enggau ini saduai aki benong ngirup serta makai mee dia. Kami empat lalu semija enggau saduai ia.

Dalam jam 8.30 pagi baru kami empat mupok ke Sarikei. Datai din dalam lebih kurang jam 10.00 pagi. Datai di Pusat Servis din ..eh nadai urang ba dia. Wah sekejap meh tu lagi...enda bulih setengah jam tembu meh kereta nya tadi.

Laban ti agi tumu kami empat udah setuju ka ke Sibu. Datai di Sibu jam 12.00 tengahari. Jalai di sibu jam amat...sungguh tidak bersopan pemandu di Sibu...samua ia sama...urang ti nyemerai jalai alun pan nadai malik kiba kanan...kesal ati dribo di Sibu.

amat pama jam ditu...

Puas ka bejalai soping ba Wisma Sanyan, bala kami mupok pulai jam 4.00 lemai. Lelak amat. Kereta pan maioh ga nengah jalai.

sunset lemai nya diambi BA enda jauh ari simpang Spaoh

Reward Yourself
Astana Pengerindu Astana Kitai