Ke pendam...udah tembu nyemin

Tumu pagi 24hb Mei tu tadi bala kami sebilik pulai ke Bebuling Atas laban ti ka ke pendam.

Pengawa kami pagi nya mai kami serumah ngabas lalu meda semin pendam ka udah digaga kami dua tiga minggu ti udah. Udah tembu masang atap ka penudi endar, bala maioh sama-sama merarau ba nalan berapi.



Bala menyadi apai mega bisi datai ari Salulap enggau sama ke pendam kia. Jalai ke pendam kami nya repa serta bebukit.

BA irau amat enggai ka Rin enda nemu nengah titi rawan. Nemu ia nengah nya. Baru ia meh Rin ke pendam manoa kami ditu. Maia ka pulai...Juju belunging laboh nengah titi nya...tentu ia pedis. Kasih.

Kami begempuru dulu ba moa chapel, sebedau niki katas bala kami besaup bebai rengka pemakai baka ai kotak, beras, ai mineral, roti enggau rengka periuk belanga dikena berapi ba nalan berapi.

BA ngesan dua lunsin ai kotak. Pama ga pemerat dibai niki katas. Nengah titi rawan Apai Jamin mai ia...BA enda nemu nengah ia mai beban berat. Maia BA ka mai batu bata blok a few weeks ago..dia meh BA tenggelam kaki.



Reward Yourself

Astana Pengerindu Astana Kitai