Sunday, April 5, 2009

Accident!!...Maia pulai ke Betong..

Tembu kami tiga Rin enggau Ms Rachel bejalai di tHe Spring, kami pan mulai ka diri ke rumah. Kami duai Rin nganjong Ms Rachel pulai ke Batu 10 laban enggai laun pulai ke Betong.

Kami duai Rin angkat ari rumah Uncle Unong dalam jam 2.30 pm. Ari rumah nya Rin dribo laban BA ka belelak dulu.

Maia Rin dribo BA ambi gambar

Kurang lebih sejam nengah jalai kami duai pan datai di Serian. Kereta amat maioh ga ba Bandar Serian, laban urang maioh mulai ka diri ke Kuching.

Kami duai mupok ari Bandar Serian dalam jam 4.00pm. Diatu BA dribo laban ti udah ngirup ai kopi dalam tin nadai berasai ka ngantok.

Ari Bandar Serian ending sigi ujan tang enda lebat. Kereta pan maioh ba jalai...tusah ka motong kereta bukai. BA maintain dribo 60-80 km/jam.

Maia kami duai niki Bukit Begunan, hari udah tedoh tang agi bisi basah-basah. jalai Irau BA maia nengah jalai Bukit Begunan laban selalu amat urang tergelinchir dia.

Kereta kami duai dipotong kancil color biru ba area Gua Ming...BA mri jalai ka ia lalu BA ngelubah ka diri udah ti ngelimpas Gereja Katolik atas bukit nya. Enda jauh ari nya bisi siti selekoh ti amat tajam..kereta BA belubah nengah nya.

Enda mukai-mukai, kereta bansa Toyota Innova datai ari kilah Sri Aman enda ulih dicontrol dribo nya laban kelalu laju...jalai lichin...lalu nempuh kereta bansa Kancil tbiru tadi...ngerindas balat...

Innova nya lalu bepusin-pusin enda ulih control lalu tama ka jalai kami lalu nempuh kereta bansa Proton Gen2 ba moa kereta kami duai Rin..

BA sempat nekan brake lalu tama ke tisi jalai. Rin rauh-rauh ngasoh ngentu.

BA takut amat maia nya...nyau getar-getar kaki. BA pansut ari kereta lalu mansang ka kereta sida nya. Dua-dua dribo kereta nya lalu bedau pansut ari kereta.

Ba Gen2 semina siko aja urang dalam nya. Kereta Innova, penoh. Beg sida nyau tegaring atas jalai raya...surat menyurat ba atas jalai. BA enda nemu utai ka digaga. Bediri aja megai kamera...

Nasib siko lelaki ti mai kereta bansa Proton Saga ti baru ngentu ka kereta ia ba moa kereta kami duai. Peda BA ia nya bansa Pakistan kini...belanda ke kereta Gen2 lalu muka pintu kereta nya.

Dribo ia telih ba jari...bedarah. Ia madah dada ia pedis. Dribo Kancil tadi enggau anak ia mansang kia..besai nyawa ia...engka kesal..nasib nadai bebadi nyawa...

Kaki BA agi begetar-getar...maia ka ngambi gambar nya tadi BA tepikir, bakani enti kereta kami duai 2-3 second ba moa...entah-entah kami duai ti kena tempuh tadi...

Urang majak maioh datai...dia BA betemu enggau Cath pulai ke Debak, Aunty Aya pulai ke Sri Aman...

Udah lebih lima tahun BA nengah jalai tu ari Kuching-Betong-Kuching nyau ka tiap minggu...tu meh incident ti amat-amat nakut ka ati...

Sangka BA nya meh asai dalam ati Nicholas Cage dalam filim Know1ng leboh ia meda bilon laboh terempas ba moa ia...

Nasib utai ti enda manah enda nyadi agai kami duai Rin.

Thanks God.

Baru apin lama dah nyadi...Gen2 nya berasap ba injin ia

Tu meh gaia Innova nya

balat kan..Gen2 tu

Tu meh ia ka dribo ka Gen2 nya..jari ia dibalut enggau kain

majak maioh urang ba dia

laki nyin benong ngumpul utai ti agi diguna

kancil tu meh dulu ditempuh ia...amat balat..bumper belakang tingkil, rim taya belakang pan rosak

peda selekoh tu amat tajam serta lichin


Reward Yourself

Astana Pengerindu Astana Kitai

2 comments:

  1. Puji Tuhan seduai nn Rin nadai apa nama

    ReplyDelete
  2. Nya meh...nasib nadai apa nama...sampai hari tu agi tebayang gaia innova nya baka ka terebai nempoh Gen2....

    ReplyDelete

Nuan Temuai Ti Ka:

Free Website Counter
Free Website Counter Blogarama - The Blog Directory Blogarama - The Blog Directory

Aram bejalai enggau BA

Snap Shots

Get Free Shots from Snap.com

Ruai Artis / Selebriti/Informasi/Berita

LinkWithin

Blog Widget by LinkWithin