Berani berubah? Aram kitai...

Selalu kitai ka amat merungut ka pengidup kitai empu...kitai maioh pikir ka masalah tauka penusah ka bisi nyadi tauka ninggang kitai.

Siko-siko urang bisi lain-lain masalah tauka penusah nya. Tang nama meh kabuah kitai selalu nusah ka ati diri kelalu balat ngerunding ka samoa nya.

Ambi ka banding, maioh kitai nya tadi tusah ati ka duit belanja tauka duit gaji ti enda chukup dikena belanja hari-hari...kitai maioh berutang...samoa urang berutang..utang kad kredit..utang bayar bulan kereta, bayar bulan rumah, bayar bulan sekula anak-anak, duit minyak kereta, makai ngirup hari-hari enggau macham-macham agi ti tau ngasoh kitai tusah belama.

Chara pengidup kitai, ulah sereta peneka kemaia hari tu meh ti ngasoh duit ringgit kitai baka ka enda chukup belama. Enti udah datai ba tengah bulan dia kitai tadi lalu tekasak-kasak laban duit gaji udah abis...bakani ka chara.?

samoa kitai ka makai nyamai..kan..

Enti kitai diau di manoa besai baka Kuching, Sibu tauka Miri udah tentu kitai perlu ka anak belanja ti besai dikena nangkop belanja besari-sari dia. Kitai sama nemu ukai kitai ulih berumah besepiak enggau opis...ongkos minyak kereta udah sekian...kan. Udah lah rega utai pemakai enggau rengka hari-hari majak mar...bakani ka idup? Perintah ngasoh betanam betupi...tang ruang tanah semina chukup-chukup aja...ka pan enda agi meh kitai bebeli ka sayur ba pasar ti mar nya.

Diatu mega kitai sama nemu maioh kitai nya irau ati enggai ka kompeni ka alai kita gawa muai kitai ari pengawa...ukai sida kompeni tu ka sengaja muai urang gawa tang sida enda tetangkop ka ongkos dikena gawa besari-sari..siti chara..muai urang ka gawa dia...udahnya tutup kompeni.

Nya alai, BA ka mri jako ditu ngasoh bala kita ka bisi ati ka ngiga peluang..anang enda ngiga peluang nya...anang semina duduk nat ka diri tang nadai bedaya nadai engkebut nganti buah rian laboh ninggang pala.

Berubah meh awak ka pengidup mega ulih sama berubah...giga peluang bukai..bekempit enggau urang ka ulih ngemaju ka kitai sama-sama...enti barang sapa ti ka maju tauka ngiga peluang ba dunya baru penoh enggau penanggol tu..giga meh BA...engka BA ulih mantu nyukong...tinggal ka pesan ba ditu anang malu auk BA pan sama meh suba..tang diatu udah berubah....heee...heee

Mupok BA waiii...

Astana Pengerindu Astana Kitai