Happy Chinese New Year

Sekali agi taun tu kami duai Rin ulih pulai ke Kuching maia pemisi Taun Baru Cina. Kami duai mupok ke Kuching pagi tu tadi jam 11 pagi. Nadai ngetu kami duai terus ke Kuching...datai ditu jam 3.00 lemai.

Lelak ga dribo nadai ngetu...pedis kaki. Datai di rumah terus ngali ka diri. Malam tu plan ka keluar meda wayang tang irau enggai ka tejanggal sebelah jalai ba Kuching lagi maia ka pulai...enda jadi.

Nemu aja lah urang ngintu taun baru...nebah merchun. Jalai penoh laban asap. BA agi ingat Taun Baru Cina taun 2003. Aram mulai ka pengingat...Maia nya BA baru aja meli kereta. Parking ba luar laban ba dalam rumah di Batu 10 nya kereta Uncle Unong parking ba dalam.

Maia nya Wedy agi belajar ba Kolej Abdillah...lemai nya ia bemalam ba dia. Malam nya amat bendar bala kaban cina kitai ngintu taun baru...nebah merchun tambah mega maioh bala sida ia baru pindah kia...rumah baru.

Pagi hari siti nya kami duai Wedy ka mupok ke Batu 7 meh ka makai ba luar...makai ba KFC. Sekali Wedy madah ka chermin kereta BA pechah. Tekenyit ga BA meda chermin saiz L kereta iswara nya nyau pechah tang agi lekat. Semina enti di tekan pechah bederai meh ia.

Tusah amat ati BA maia nya...udahlah workshop tutup...dini ka ngadu ia. Nasib ga sida apai maia nya bisi nurun ke Kuching...Tcil, Boji enggau Indai. Sida ka ngabas Wedy. Hari sida ti ka mulai ka diri, apai meli chermin nya ba sebelah Padungan din...dah nya ia masang chermin nya baru.

Kasih sida ka pulai ke Betong alu laun laban tejanggal gasak ka ngadu chermin nya tadi.

Tembu nya sida mupok ke Serian...dia meh sida alu lekat ba banjir besai Serian Taun 2003 maia nya...kasih sida ia.

Enti BA nanya Tcil cherita sida sari nya...tusah ati ia laban sigi merinsa tasah laban banjir maia nya. Sida tepaksa bemalam ba sekula dia enggau famili cina...cigu dia kali...manah ati ngasoh sida bemalam dia.

Nasib sida nadai apa nama...selamat. BA empu udah ngasai ka bakani asai sida ia maia banjir Serian 10hb-12hb Jan 09 tu tadi.

Nya meh pengingat maia Taun Baru Cina taun 2003... BA ka mri tabi Selamat Tahun Baru Cina ka samoa kaban ti ngintu pengerami nya. Anang udu nebah merchun...pedis pending...he..he

Astana Pengerindu Astana Kitai