Juju 7 Tahun

Happy Birthday agai Juju...7 tahun umur nuan kena 26hb Oktober 2008. Bala kami sebilik ngintu hari pengada ia tumu nya kena ka 25hb sari nya. Kebuah ia laban aku ka bisi seminar dua hari di Kuching, mupok 26hb. Tu pan baru sejam udah datai.

Aku agi ingat ka si Boji (Juju) tu selalu madah ka aku bakatu..."nuan anak angkat"..aku tuchum kadiri aja..nemu enda ia reti utai ti disebut ia nya. Aku apa agi lalu beduan ia mega..nuan nya anak pungut..ko aku. Enggai ia ninga aku madah bakanya...mesti ia ringat lalu madah.."pulai nuan alai". Pedis ati lah nya.

Ba aku enda penting samada kitai tu anak angkat kah...anak pungut kah...ia ka penting amat kitai bisi apai indai ti sayau sereta nupi kitai sampai kitai besai...mri penemu ka kitai ba sekula.

Nya alai nuan Boji...enda tauk nyebut seneka ati nuan...mali. Ukai samoa urang benasib ba dunya tu...besyukur meh kitai laban bisi apai indai ti sanggup nupi lalu ngibun kitai ngelama tu. Anang manchal agi..kurang ka meda program TV...maioh ka agi belajar auk.

Happy Birthday to Boji.

Astana Pengerindu Astana Kitai

Bekampung di Bukit Saban Tropical Resort

Bujang Astana benong sorting dokumen

sate ari Saratok

nama enda utai diketawa ka Crispin enggau Jenner

Kena ka 24hb-25hb Okt 2008, bala kami lapan iko ngaga tauka ngalus ka dokumen-dokumen MS ISO 9001:2000 ba Bukit Saban Tropical Resort, Betong (BSTR).

Bala kami baka ka pindah opis nyau berangkut samoa rengka ka diguna baka laptop, desktop, laser jet printer, binding machine enggau samoa dokumen ka ka diadu serta dialus ka.

Lemai 24hb nya, bala kami sempat ga BBQ ba dia. Pemakai samoa udah disedia ka BSTR. Semina kami manggang sayap manok enggau sosej. Maioh amat pemakai lemai nya. Suffian mega bisi meli sate di Saratok. Nya ka dipanggang kami baru..amat nyamai sate ari Saratok nya.


[Photos courtesy of Yati]
Astana Pengerindu Astana Kitai

Beraya & makai-makai...

Ehmm...bolih tahan Ritos saduai Amoi betanda lemai nya..

Wahhh..Abg Piee

Mija Tuan Residen

benong lapar magang sida tu

Rin... agi kosong pinggai nuan pia

aram bepoco-poco

buah rambutan pan bisi

kuey ka lauk tu?..

buah rian..

Lemai hari empat, 23hb Okt bala kami bisi dikangau olih Pejabat Daerah Betong ngulu pengerami Hari Raya sida ia diator di Rest House, Betong.

Nyau ka sampal bala kami ari Opis Residen datai kia. Pemakai ti disedia olih sida ia chukup maioh. Bisi buah rian lah... bendar bala makai buah rian.

Ukai semina makai aja bala kami mega di rami ka olih bala sida ka nemu belagu enggau nemu bepoco-poco. Amat rami sida ia...

Tuan Residen, Romie Sigan Daniel serta Madam Grace mega ngulu pengerami lemai nya.

[photos courtesy of Yati]
Astana Pengerindu Astana Kitai

Bekongsi penemu

Kena 21hb Okt 2008 ba opis Residen begulai enggau Daerah Betong & Saratok, kami udah mujur ngator siti program ti dikumbai Bengkel Rancangan strategik Bahagian Betong. Bala kami dibagi agai dua group. Group Saratok enggau Group Betong.

Bujang Astana ba dalam Group Saratok laban sida enda chukup kaban. Nyadi, setengah hari nya bala kami bekongsi penemu sereta berunding ka chara ti ulih mansang manoa di bagi Betong. Nyangka bisi siti agi program ka bakatu deka diator ila begulai enggau bala ari opis perintah ti bukai.

Tu sekeda gambar maia pengawa nya.

Roni nyadi tuai ka group ia mantai ka buah runding sida ia sebuat

apaiumbart mri penerang tentang PESTELO

Raaz mri penerang pasal best guess scenario

Tuan Residen Betong, Romie Sigan Daniel enggau bala bukai benong mending ka presentation

Bujang Astana benong bekongsi penemu enggau bala kaban ia...he..he

Yati...iron lady opis kami benong nerang ka runding ia

Crispin, Isma, Bujang Astana merati ka utai ti ditulis Yati..

[photos courtesy of Yati]
Astana Pengerindu Astana Kitai

Bukit Saban Tropical Resort, Betong

Bukit Saban Tropical Resort enda entu jauh ari Bandar Betong. Enti ngena krita kira-kira 20 minit meh dribo kia. Penyauh Resort tu ari Kuching kira-kira 290 KM tauka 4 jam setengah dribo ari Kuching.

Resort tu digaga belatarbelakang ka stail rumah panjai. Resort tu manah serta ngena amat ka orang ti rindu ka pengalaman diau ba hutan tauka alam kampung. Ditu kitai ulih ninga munyi ai sungai sereta munyi bala sida burong enggau unggas.

Enti nyema bisi ke manoa Betong tau nguji diau ba dia.


[photos courtesy of Yati]
Astana Pengerindu Astana Kitai

Ngintu Hari Pengada Indai

Indai benong melah kueh kek hari pengada ia

Cikgu Bio @ Chip, indai, apai, Rin & Bujang Astana

ba moa Cikgu St Mark & Juveena

Mimit nadai meh aku teingat ka pengawa kami lemai nya. Gambar tu diambi leboh bala kami ti ngintu hari pengada indai bulan April 08 tu kemari. Maia nya baru seminggu udah pindah ke kuarters baru ba Jalan Spine.

Semadi aku tepeda ka gambar-gambar nya ba dalam laptop Chip aku lalu minta gambar nya. Tcil pan bisi di rumah maia nya, enti enda salah ku the next day nya ia pulai ke Kuching.

Astana Pengerindu Astana Kitai

Kebun Terung

Lemai kemari aku bejalai ba kebun terung ba moa enggau belakang kuarters alai kami diau. Enda berasai nyau mansut ka hasil ga ia..udah bisi bebuah terung cina. Terung Iban @ Terung Mas bedau agi bebuah.

Ia ka ba moa kuarters aku nya manah endar..ukai entu dijaga aku nya, dibaja sekali suba udahnya diberi tanah masak. Pulai ari gawa meda hasil nya rindu ga asai ati..

Hari minggu kemari indai bisi meri aku tambak seray lima tompok lalu ditanam kami ba moa jalai tama ke rumah. Awak ka rumput dia enggai nyadi ko jako..

Kacang Lendir ti ditanam di belakang kuarters ku mega nyau bebuah ga....wah..enda iboh bebeli ka sayur agi meh tu ila. Tiga tumpok pun entekai bisi ga ditanam tang daun ia kuning-kuning..udah ga diberi baja. Nganti dulu ga dua tiga minggu tu, meda ka gaia ia.

Astana Pengerindu Astana Kitai

Raya Opis Residen Betong

Kelab Sukan & Rekreasi Pejabat Residen Bahagian Betong udah mujur ngator pengawa Ramah Tamah Aidilfitri kena ka lemai 9hb Oktober 2008 di Rest House Betong.

Pengawa makai lemai nya diator ngena chara gotong royong bala maioh. Ungkos nyedia ka pemakai enggau kuih disponsor bala staf empu.

Tuan Residen, Romie Sigan Daniel sponsor mata duit dikena meli sayap manok ti ka dipanggang, Timbalan Residen, Haji Pathi mega sponsor mata duit dikena meli dagin chapi. Staf ti bukai mega sponsor ai soda, garam, biching, minyak masak enggau sekeda utai ti bukai.


Chef kami Timbalan Residen Haji Pathi, AO Hayati enggau AO Crispin mandok lauk ayam herma enggau daging masak hitam. AO Hayati mega mandok kuah sate. Kak Lat mandok asam pedas enggau asi himpit. Sida ti manggang manok nya Wan Ibrahim, Jenner, Pengerusi Kelab Ritos, Sanda & Luat.


Bendar bala sida ngasak ka jebom ba belakang dia ti disponsor AO Crispin. Luat mega sponsor lengkuas, seray enggau daun pandan. Khairol saduai Raduan sponsor meehon gureng. Pejabat Daerah Betong ti mega bisi dikangau lemai nya sponsor laksa Sarawak.


Lemang lemai nya didatai ka khas ari Roban. Lemang nya disponsor olih Said. Rengka pinggai mangkok sereta hiasan disedia enggau digaga Isma, Nai enggau Lia @ Erica Luing. Nasib ga bisi Ina saduai Deng, nembiak praktikal ti bisi nulong nyedia ka bala sida bawang enggau liak.

ina & deng

dua chef benong memasak

MC lemai nya AO Raca lalu technican ia Ajan. Pengawa tu dipejadi ka dulu bacaan doa olih Tuan Haji Pathi. Udahnya Ritos lalu berucap. Ia madah ka umur kelab tu baru sebulan, nya alai chara gotong royong meh dulu laban bedau chukup fund duit.

tiga chef...

Tuan Residen ba jako pesan ia mega madah ka bala staf enda tau ninggal ka opis kosong nadai urang. Taja siko pan mesti bisi urang nguan opis. Opis perintah ukai baka kedai, ia mesti dibuka enti hari nya hari urang gawa. Laban service ti dibri ke rayat enda ulih putus ia seruran bisi berari. Nya meh kabuah opis perintah tu dibuka.

Lemai nya mega cek disua ka Isma ti udah ngada ka anak ia dua bulan tu kemari. Cek mega bisi dibri ka Nai ti udah bulih surat approval bepindah ke opis Land & Survey Sarikei. Kedua-dua cek tu disua ka Tuan Residen, Romie Sigan Daniel.

Lemai nya kitai diperindang ka olih Kak Lat saduai Khairol enggau lagu-lagu karaoke, Malidi mega bisi belagu, AO Raca, Ao Crispin, Tuan DO Friday, Tuan Haji Pathi enggau Tuan Residen sama bela bisi merindang bala maioh.

Nyau jauh malam bala maioh bepoco-poco ba Dewan Santapan dia. Amat rami Raya tu! Taun baru ila kitai betemu baru...auk aa..nadai ngambi gambar laban aku ti ngena digital video cam..enti sema bisi ari bala kaban aku engkah ia ditu.



Astana Pengerindu Astana Kitai

YAB KM Sarawak beraya di Betong

YB Jelaing Mersat betabi enggau YAB Pehin Sri (courtesy of Mr Romie Sigan Daniel)

Ramah Tamah Aidifitri di Betong kena ka sari tu tadi chukup rami enggau penatai YAB Kepala Menteri Sarawak, Pehin Sri Haji Abdul Taib Mahmud sereta enggau YABhg Datuk Amar Puan Sri Dr. Hajjah Laila Taib.

Penatai ia ba helipad Komplek Pejabat Kerajaan Negeri kurang lebih pukul 10.00 pagi tu tadi disambut olih YB Datuk Patinggi Tan Sri (Dr) Alfred Jabu sereta YB Senator Dato Sri Empiang Jabu, YB Dato Sri Haji Awang Tengah Ali Hassan enggau bala VIP ti bukai.

VVIP benong melah kek raya (courtesy of Mr Romie Sigan Daniel)

Pengerami tu diator olih Jawatankuasa Tetap Perayaan Agama Islam Bahagian Betong begulai enggau Pejabat Residen & Daerah Betong beserimbai enggau Hari Raya taun 2008.

Lebih kurang 2,000 mensia bisi datai begempuru ba Dewan Tan Sri Datuk Amar Stephen Kalong Ningkan di Betong.

Terima kasih ke Pejabat Residen Sibu (En. Abdillah & En. Teo) laban ti udah nginjau ka kami sebuah kereta merc enggau sebuah Perdana Eksekutif dikena maia pengerami nya. Pia mega terima kasih ke Pejabat Residen Sarikei (En. Joseph Indi) ti udah nyali kami siti kereta merc dikena VVIP pagi tu tadi.

Rami amat bala pengabang (courtesy of Mr Romie Sigan Daniel)

Bala orang ti merindang bala pengabang (courtesy of Mr Romie Sigan Daniel)

Astana Pengerindu Astana Kitai

90 an Mulai ka pengingat...

Gambar tu diambi dalam taun 1995. Maia nya Form 5 di SMB St. Augustine, Betong.

Ni bagi Bujang Astana?..ehmm. Bala classmate aku- Utau, Kirby Kayan, Jamaluddin Mahmod, Mardlen Dara, Suzie Bunsu, Jessica Stephen, Maydline Singgai, Steward Tuang, Neria Anthony, Fiona Bajik, Florida, Agnes, Sandy,Dunggok, Cristopher Senanun, Stanly, Roger Sigat enggau Mahathir. Cikgu kami nya Cikgu Aziz.

Bujang Astana, Mahathir, Thomas,(duduk) Kojek & Najib. Gambar diambi di Dewan Panglima Rentap Betong

Franco, Lister, Lincoln & Bujang Astana maia Raya di UiTM Samariang

Astana Pengerindu Astana Kitai

Beraya di 11 rumah... siti Minangkabau

Sehari tu tadi kami bekejang ari Kompleks Perumahan Kerajaan Negeri jam 10 pagi. Kami deka ngabang ke Spaoh enggau Debak. Datai di Spaoh terus ke rumah ex Timbalan Residen Betong Haji Saudi Narani, diatu ia Pensyarah Kanan di UiTM Samarahan.

Family ia nyambut penatai bala kami enggau ati ti gaga. Maioh amat pemakai dibantai ka sida ia sebilik. Tembu beraya dia, kami ke rumah menyadi ia, sepiak aja...tu meh rumah pemadu lain ari ti bukai di manoa Spaoh. Ala-ala Minangkabau.

Rumah menyadi Haji Saudi, rumah Ali (courtesy of Mr Romie Sigan Daniel)

ari kiba- Haji Saudi, Luat Muling, AO Roni Ah Hin, Ali, Bujang Astana, Rin & AO Crispin
(courtesy of Romie Sigan Daniel)

Rumah dua ringkat setengah tu mega chukup unik sereta bisi setail ia empu. Manah chukup manah enggau ukir ia ti ngundan gaia ukir Iban enggau Melayu di manoa ditu. Tambah mega family sida Haji Saudi tu champur Iban enggau Melayu.

Rin, Madam Grace enggau Tuan Romie Sigan Daniel

Di Spaoh kami sempat mega ngabang ke rumah dua iko staf kami nya Wan Sakeran enggau Wan Ibrahim..dahnya ke rumah tuai kampung ditu...kenyang amat makai rendang sereta kuih maioh macham.


Ari Spaoh bala kami angkat ke Debak. Din kami begulai enggau Dr. James Luing enggau Mrs ia, Jeffery Adang sereta tiga iko ti bukai.

Bala kami ke rumah kaunselor, penghulu enggau ke rumah ex ASP Polis di Betong suba. Jam lima lemai kami datai di rumah Ketua Polis Daerah Betong ba Kompleks PDRM ti baru ba Betong.


Kesemua rumah ti alai kami ngabang..11 buah semua ia. Amat bendar bala kami..kelalu kenyang perut.

Astana Pengerindu Astana Kitai