My Heart

Selamat Beposa agai samoa orang ka muslim beposa. Amat enda berasai udah masuk ke Bulan 10. Dalam sibuk-sibuk enggau pengawa, kami sebuat balat endar bepasang alu ninga ka lagu My Heart ari OST Filim Heart. Aku bedau meda filim nya..engka enti bisi masa ila aku meda enggau Rin. Bala sida ba opis aku ti udah meda madah ka filim tu manah.

Astana Pengerindu Astana Kitai

Ari Damai ke Betong

Kami duai Rin kemari check in ba Holiday Inn Damai Lagoon laban ia ka bisi konferens tiga hari ba dia. Aku tu tadi ngulu ka ia diau dia semalam aja, kasih ka ia kadiri-diri. Ia enda kala kadiri sebedau tu. Bisi ga ngambi sekeda gambar tang ukai camera..ambi ngena digi cam. Nya alai enda ulih diengkah ditu.

Pagi tu tadi jam pukul 3 pagi aku dah dani. Udah tembu begari semua aku lalu bekejang angkat ari Damai urung jam pukul 4 pagi. Agi petang ga hari. Enggai enda seinggah ba Batu 10 laban ti bisi nganjung utai ka sida ini dia.

Aku ngetu sekejap ba Sg. Tengang dia makai mee rangkai...lapar asai perut. Dahnya aku mupok ga baru alu datai ba opis pukul 8.10 pagi. Nasib enda kelalu laun. Amat laju ga dibai aku tadi.

Dahnya kami ba opis dia bisi bebai agai rumah panjai kilah ke Debak..laban bisi rabat. Nyadi ia ka nadai nya..penghulu, enggai nyadi ga bala kami enda ngabas niang kia.

Astana Pengerindu Astana Kitai

Karnival Sukan PBT 2006

{Samoa gambar diambi ngena kamera BenQ DC500. Ngena Scene Sport/cloudy/daylight}

Hari enam, 9 hb Sept 2006 tu tadi bisi program sukan dikumbai Karnival Sukan BPT 2006 diatur ba Betong. Dua iti main dipekit ka ia nya pekit nikau dart enggau pekit main bola jaring. Maia nya aku meda main bola jaring ari pagi sampai ke lemai. Lima PBT bisi bepekit ia nya MD Betong, MD Sri Aman, MD Saratok, MD Lubok Antu enggau MD Meradong Julau.

Astana Pengerindu Astana Kitai

Manoa ti nadai ba alai bukai

Enti nyema bala kitai bisi pegi ke manoa Kuching ari Sri Aman tauka ari Kuching ke manoa Sri Aman, kitai deka bepansa enggau tempat siti tauka alai ngetu belelak dikumbai Pasar Lachau (Keranggas Gayau). Nyadi replika tu ulih dipeda kita ba manoa tu aja. Leboh aku ti ngambi gambar tu, aku ka alit ati ka bala sida 'sebilik' ka nganti penatai orang ti deka singgah ba manoa sida. Bisi berasai sinu ga ati.

Astana Pengerindu Astana Kitai

St. Augustine Parish Sale 2006

Grija Besai St. Augustine, Betong

Jojot enggau kakak ia

tiga iti selabit

ia ka dalam plastik nya beras ari rumah panjai
ti dibri mensia maioh dikena nulong pengawa grija

Raga pan bisi dijual

Kena 2hb September 2006 tu tadi, Grija St. Augustine Betong bisi ngaga Parish Sale. Bala kami sabilik bisi nurun kia nyukong pengawa nya. Maioh ga urang meli utai maia nya. Tu meh gambar-gambar ka diambi dia.

Astana Pengerindu Astana Kitai

Musim ikan buntal

Aya tu bulih Ikan Buntal

Ikan Buntal ti baru diulih

Diatu musim buntal baru udah lepas. Bala kami bisi nurun ke Tanjong Lilin, Beladin laban ti ka meda urang nyala ikan buntal ba din.

Astana Pengerindu Astana Kitai

Enda berasai

Amat enda berasai diatu udah bulan sembilan. Taun 2006 tu enda lama agi deka datai ba pengujung. Tiga bulan agi dahnya kitai tama ke taun 2007.

Asai aku maioh amat pekara ti udah nyadi dalam kandang taun 2006 tu nyentok ka saritu. Bisi nya pekara ti ngasoh ati rindu alu sekeda nya enda entu ngerindu ka ati. Tang nadai ka enggau meh, samoa nya mesti ditempuh kitai. Nyamai..pedis samoa ditelan magang.

Pengawa ti dikereja mega chukup maioh. Samoa nya mesti digaga enggau betul. Kitai enda ulih tak ngereja pengawa nya suka ati kitai tang nitih ka ator awak ka nadai penanggol ti tau ngenusah ka kitai dudi hari.

Nya meh, nuan enggau aku..kitai samoa bisi tanggongjawab dipegai. Baik ka nuan nya tukang kebun, amah, tukang sapu, boss, tauke,kerja perintah tauka kerja kompeni..tang julok ati kitai siti aja...kitai gawa ngemansang ka diri empu sereta manoa kitai Sarawak. Enda laun enti aku ditu madah ka kitai..Selamat Hari Merdeka.

Astana Pengerindu Astana Kitai

Selamat Melah Pinang agai Adriana & Spencer

Adriana di iring apai ia tama ke dalam grija

Father merekat ka saduai

Adriana & Spencer udah abis pengawa merekat saduai jadi melaki bini di St. Joseph Cathederal Kuching

Selamat Melah pinang agai Adriana & Spencer kena 25 August 2006 tu tadi. Saduai ia udah mujor jadi melaki bini di Grija St. Joseph Cathederal, Kuching. Lemai nya bisi makai lemai di Penview Inn Kuching. Kami chukup gaga ati ka saduai ia alu ngajih ka saduai jadi segulai sejalai sampai ka jemah ila.

Astana Pengerindu Astana Kitai

Betemu baru

Betemu baru meh kitai. Lama amat aku nadai dah ngabas ruai tu..sebulan udah ditinggal ka. Ukai nya nama, laban komputer aku ti bisi penanggol udah ka kena serang virus rontox ti chukup jai nya. Abis semua maklumat keja aku diempa virus nya.

Nyau ngelu pala aku gawa mungkal baru semoa utai. Nadai ngawa diatu ia udah manah baru. Maioh amat gambar ditu nganti di upload ka agai ruai aku tu. Enti chukup masa ila ulih kitai sama-sama meda ia.

Astana Pengerindu Astana Kitai