Hangus..di Betong?

Ujong minggu tu tadi angat amat hari...enda kala asai nya. Lemai hari minggu enda jauh ari RPR Bebanggai bisi nyadi rumput lalang angus, balat amat. Bomba datai madam ka api. Aku enggau adi aku bekejang kia meda ari rumah balat amat terang peda ba langit. Aku endang sigi nyangka utai tu balat endar.

Datai dia, meda urang maioh, api amat balat manjut...nyau tinggi ari rumah urang. Nasib ga rumah urang nadai semak endar. Api jampat amat peda aku...laban tanah dia rangkai serta angin balat bepuput lemai nya. Irau asai ati meda utai ka nyadi. Nasib bisi Bomba madam ka api nya.

Apin lama udah nya, hari di Betong pan lalu ujan...pama ga. Basah tanah ti rangkai nya. Nya alai, ba maia tanah rangkai baka ka diatu, anang kelalu berani bemain enggau api. Taja dipeda kitai udah padam tang ia malam ari dalam.

Anang bemain enggau api!

Astana Pengerindu Astana Kitai