Ke Sibu...

Bala kami nyau ka sampal ke Sibu hari minggu tu tadi, 27hb laban ti nganjung Wedy ke Terminal Bas Sibu...ia pulai ke Mukah.

Maioh amat urang di terminal...lebih dua jam bala kami nganti dia laban ia ti ngena bas jam 2.30pm. Bisi ga tetemu ka mensia ti dikelala dia.

Ka sekali tu mega ini saduai aki bisi enggau bala kami, saduai ia numpang kami duai Rin. Puas ka berandau-randau enda berasai ga datai di Sibu.

Lemai leboh kami mulai ke diri ke Betong, kereta kami nyau ka nempuh urang ngena motosikal. Nasib BA sempat nyeliah ka ia. Enti enda tentu ia udah nyadi statistik dalam Ops Sikap 20.

Datai di Betong pan nyau laun...jam 730pm...lelak sereta ngantok mata.

Reward Yourself
Astana Pengerindu Astana Kitai

Ming mati...dirachun?

Ming posing maia BA ngasoh ia tama ke dalam rumah
gambar tu diambi lemai 24hb Sept 2009. Lemai penudi ia BA meda ia agi idup

Sinu ati BA...pagi tu tadi BA tetemu ka Ming (nama ia dikangau BA)...mati tetingkap di dalam parit rumah kami duai Rin. Enda pechaya BA meda ia dalam nya....sangka BA ia laboh lalu lemas dalam nya.

Hari ti penudi ia BA meda mayau tuan BA nya agi idup kena malam hari empat 24hb Sept. Lemai nya BA bisi meri ia makai pala ikan. Lemai hari lima enggau sehari-hari enam...BA nadai meda ia agi.

Lemai hari empat nya, bisi dua iko mayau bukai benong belaya ba baroh kereta Rin. Siko anak mayau mega bisi tekaung-kaung ngiga indai ia...anak mayau siam...sinu meda ia. Besai nyawa ia ditebah. Engka bisi meh urang isin ninga sida ia inggar abis belaya meh nya.

Tang BA enda nyangka ming tau mati...dah lah ia ngandung laban perut ia besai.

Pagi tu tadi kami duai Rin ka ke Sibu...maia BA ka start kereta...tekenyit BA meda ming tetingkap dalam parit...lalu enggau ati ti asai ka nyabak BA ngambar ia. Dahnya baru BA ngangkat ka ia ari parit nya...dah tengkering bangkai ia. Engka bisi dua hari ia udah mati.

BA enda nemu chara enggau ia, BA talipon agai Britin (Jaga di opis BA)...nasib ia bisi semak. BA ngasoh ia mendam ka ming.

BA nanya bakani ia tau mati...(CSI) Britin madah ari gaia ia ka ngiga ai lalu mati dalam parit...ia madah mayau tu tentu tepakai ka rachun king kong (rachun tikus). Mulut ia mega bisi bedarah sereta bepupu. Pagi nya mega ia bisi tetemu ka bangkai tikus di atas jalai raya enda jauh ari rumah kami duai.

Kasih Ming...dalam parit bangkai ia

Kasih amat Ming...sapa meh kempang ati ngerachun mayau...nama meh salah sida ia. Ming nya enda nemu miauu...ia enda pansut suara...enda bemunyi tudah.

Kasih amat mayau tuan ka selalu diberi BA makai maia ia pemisi lebih dua minggu. Sinu ati BA maia sms agai ia madah ka mayau ia udah mati...sayau amat ia ka mayau nya.

Maia BA nulis tu...siko mayau pan nadai bemunyi ba luar rumah...engka udah mati magang tepakai ka rachun king kong nya...kempang ati sida ka ngaga pengawa jai nya.

Tentu pengidup sida ia enda berkat laban udah munoh jelu mayau ti enda bedosa. Dah lah Ming nya ngandung...tentu dua tauka tiga anak dalam kandung ia nya...

Kasih nuan Ming...

Ming makai diberi Rin

Reward Yourself
Astana Pengerindu Astana Kitai

Begulai makai lemai di rumah Anta

erica luing ngenong meda utai pakai...kenyang kah?
jom makai kitai...lapar

Lemai hari empat tu tadi kami serumpu baru ...sekali tu di rumah Anta. Enda entu rami bala kami lemai nya.

Cigu bio enda ulih enggau kami laban ia kena virus measles tauka chicken pox. Seminggu tu ia udah kena. Nasib sakit tu bisi chara ngubat enti dibanding enggau H1N1...pasti bahaya.

Nya meh lemai nya ia ka bisi datai BA, Rin erica luing, Anta enggau Denny. Prince enggau Mike pemisi di Kuching enda ulih datai. Gedut engka bisi pengawa bukai nya nadai meda ia. BA udah ga email invitation ka samoa sida...dua kali agi nya.

manok guring ala kfc
sayur buah entekai & daun sabong

ikan duai sweet & sour
sontong masak merah

Maioh ga cherita kami lima lemai nya. Bala kami pulai enda ga laun endar. Denny enda ulih laun laban pagila nya ia ke Sri Aman...dani tumu.

Minggu baru bala kami ngarap ka bala bukai ulih datai rami agi ari ka tu.

Reward Yourself
Astana Pengerindu Astana Kitai

Aram makai-makai...

Rin & Ally maia kami makai ba Nyonya tHe Spring

Kemari kami duai Rin baru pulai pemisi di Kuching. Maia raya tu kami duai nadai ngabang, BA ba rumah aja meda tv...dahnya bejegau di tHe Spring. Maioh amat mensia dia....penoh alai parkir kereta.

BA sekali tu nadai berambi ka gambar...nadai utai ti ngerindu ka ati.

Sekali tu mega BA ka engkah ka gambar-gambar makai tauka lebih agi ngagai pemakai maia bisi pengawa makai-makai minggu nyin kemari.

BA empu nyau lapar maia upload gambar-gambar pemakai tu. Ia katerubah, program makai lemai di rumah kuarters kami duai Rin 13hb Sept tu tadi. Kami sebilik aja makai lemai nya. Lama udah nadai makai ba kami duai. Laban ti kelalu lapar, BA semina sempat ngambar pemakai aja.

Ikan Sultan dipandok ba periuk Velva Wedy..kari manok nya dipandok apai BA.
Meehun dipandok Rin

17hb Sept, bala kami sekali agi serumpu makai di rumah Prince. Sepatut ia minggu sebedau tu program nya diatur ba rumah ia, laban ka bisi penanggol bukai enda jadi.

Prince, erica luing, anta, Gedot, Coryna & adi ia

Lemai nya bala kami bisi geng baru, Coryna saduai adi ia. Gedot ulih enggau kami ia ka sekali tu. Minta ampun agai geng Mike...BA enda ingat sms mai ia makai serumpu. "Sorry Geng, line sik berapa bagus..ia mek lupak mauk sms ko balit..."

Pemakai ka dibai mega maioh endar...nyamss

nyamss amat...lapar lah..asai ka makai

Anta mai sayur rambai...emmm..best amat

baka biasa, spaghetti tu digaga Rin...sos ia emmmm...

telu manok masak sos dibai erica luing tu emmm...emmm..

Lemai 19hb, kami duai Rin makai di rumah sida Boji laban wedy bisi datai ari Mukah. Rin ngaga laksa sarawak...emmm..nyamsss lah.. Ms Rachel mandok kachang ma..woowww..superb..ia empu rasa...best amat...

BA mandok ikan tilapia kukus...apai BA mandok lauk dagin landak...emmm, lama nadai makai dagin landak...best amat...hee..heee...diberi urang.

kachang ma, buah nangka enggau ikan buntal masin

ikan tilapia, dagin landak enggau chabi gureng pusu

Lemai nya cigu bio enda entu penggerai laban ia kena sakit champak...tauka chicken pok...pedis amat dipeda BA...merah merah...eee...mesti pedis kan. Ngarap ulih gerai jampat..Oh ya...Boji dulu kena champak...tang diatu ia udah gerai.

Reward Yourself
Astana Pengerindu Astana Kitai

Salam Aidilfitri 2009

Selamat Berhari Raya Bersama Keluarga dan Orang Yang Dicintai. Semoga Raya Disambut Meriah, Penuh Tradisi dan Bergembiralah sambil Bersyukur.

Salam Aidifitri Buat Semua bloggers yang Beragama Islam dan 1Malaysia...Selamat Hari Raya 2009.

Salam Aidifitri buat Haji Pathi Haji Kerni,Hayati Sahari, Zakaria, Dohan, Khairul Anwar, Sabarinah Hj Debot, Raduan Mos, Wan Ramzie, Mohd Aderus, Said Saidi, Malidi Iri, Wan Ibrahim, Sulaiaman, Raz.

Reward Yourself
Astana Pengerindu Astana Kitai

Anak-anak mayau...cute...udah mati

RIP mayau

Sinu BA...anak-anak mayau ti cute udah parai. Lemai tu tadi maia pulai gawa BA meda bangkai dua iko anak mayau nya...agi baru. Kena lantak kereta ti mansa...Langgar lari...sampai ati rang nya ngelantak mayau.

Kaseh mat meda bangkai saduai ia...sinu ati. Ia ka mati nya anak-anak ia ti manchal. Ia ka siko ka diau-diau engka agi idup.

Kaseh amat...Suba Boji enggau Rin kala madah...anang ngambar mayau..enggai ka enda panjai umur...Ia kah??

kaseh sida ia

Reward Yourself
Astana Pengerindu Astana Kitai

Pengawa sari tu...di Sibu

Sempat begambar ga bala kami ditu

Pagi tu tadi bala kami bisi bejalai tauka nemuai ke Sibu. Laban sari tu Rin pemisi public holiday Birthday TYT.

Bala kami ti kin nya Boji, Cigu Bio & Ms Rachel. Ngena kereta Rin kin sapa agi dribo enti ukai BA. Laun ga kami angkat ari Betong tadi...jam 10.00 pagi. Nasib kereta mansang kin enda maioh.

Ba menua Sibu din maioh amat kereta. Mensia pen maioh mega. Urang ka soping Hari Raya. Kami datai di Wisma Sanyan jam 1.00 tengahari. perut pen nyau lapar.

Spagheti nya enda mansau endar, pizza ya memang best..
laparlah pulak maia engkah ka gambar tu...emmm..

Kami ka makai di Pizza Hut dia. Apoo...servis Pizza Hut di Wisma Sanyan...terukk amat. Slow..layanan tidak mesra enggau krew ia nadai bebasa ka customer. Enti dibanding enggau Pizza Hut Sing Kwong...din baru manah.

sempat ga bala kami posing begambar dia

Udahlah pemakai ti dioda laun datai...creme soup kami tapau bai pulai...laban sida enda ingat nganjong ka kami.

BA endang ka ringat ga ka sida ia...tang laban ngenang agi ulih sabar...urang sepiak meja kami pen...kasih meda..pemakai dioda saduai ia pen laun datai.

Nyesal asai makai dia...ila, kami deka makai di Pizza Hut Sing Kwong aja...dia baru best.

Reward Yourself
Astana Pengerindu Astana Kitai

Pengawa BA ke Lingga

tu meh jalai ditengah urang ke Lingga...ulih ga ngena darat

Pengawa BA tu digaga minggu nyin kemari. Kami empat AO Crispin, AO Roni enggau AO Yati nemuai ke Lingga, Sri Aman. Bala kami ka bendar ia ka ke Seduku Ili.

Laban ti saduai ia AO YAti & AO Roni enda kala nemuai ke Lingga, nya kami lalu lanjur kin. Saduai ia tekenyit ati meda pendiau pengidup urang dia. Asai ba tahun 60an ko saduai ia taja kami empat peda ada agi tahun 60an nya.

tu meh pendiau Pasar Lingga...sunyi amat

Jalai ke menua nya chukup jai. 2 jam pejalai kami ari Betong ke Lingga. Lelak amat kia...udahlah jauh. Enti ukai kategal bisi pengawa berat enda asai ati tu ka kia.

siti rumah panjai ba jalai ke menua Lingga

Reward Yourself
Astana Pengerindu Astana Kitai

Accident!!...Maia ke Sri Aman..

tu meh gaia lori enggau motosikal ti bebadi nya tadi

Tengahari tu tadi kami tiga AO Crispin enggau AO Roni bisi pengawa di Bandar Sri Aman. Nyadi kami tiga angkat tengahari.

Sekali maia kami datai ba enda jauh ari Simpang ke Betong, kira-kira 59KM ari Sri Aman, kami tepeda ka sebuah motosikal enggau sebuah lori mai batu belakin (tar) benong tegaring atas jalai raya.

BA pan mai saduai ia ngetu dulu laban BA ka ngambi gambar nya. Maia nya bisi siko officer ari JPJ benong ngemata ka lalu lintas. BA lalu mansang ngagai ia. Ia madah ka BA urang ka maia motosikal nya agi idup.

Ia madah ka ari cherita dribo lori nya...rang ka mai motosikal nya mai motosikal tengah jalai lalu enda iboh ka lori nya ti hon ia. Lori nya enda ulih controll ia agi lalu nempuh motosikal nya.

Lori nya tadi singit ka tisi jalai lalu tebalit. Laban belakin ti dibai ia berat nyau siuh sebelah jalai, tangki minyak ia pechah lalu minyak pansut masah ka jalai.

Urang ti mai motosikal nya tadi meruan idup lalu naban ka motosikal urang bukai ti bisi ba tisi jalai, ia nganjung diri ke simpang Betong...terus ke Hospital Betong. Nya meh cherita ari Officer JPJ nya tadi.

Nasib ga bela nadai nama-nama. Maia kami pulai ari Sri Aman mansa nya dalam jam 3.30pm tadi, lori nya agi meruan tebalit ba tisi jalai. Dipeda BA lichin amat jalai nya enti enda diberesi enggau manah.

Reward Yourself
Astana Pengerindu Astana Kitai

Anak-anak mayau...cute

"ulih ku diau dalam tu?...pleaseee..miauuu...

Pagi tu tadi BA... ka nuchi kereta kami duai Rin...lama udah enda nuchi kereta. Udah BA tembu nuchi kereta Rin, dahnya BA ka nuchi kereta BA empu.

Sekali maia BA muka bonet kereta...meda anak-anak mayau ti kemari agi bisi dia. Tiga iko samoa ia. Sinu meda sida ia nadai alai diau...diau dalam injin kereta.

"nyamai dalam tu...angat..miauuuu"

BA ka muru sida tiga majak ga sida tiga betapok sebelah chelah-chelah injin nya. Dipeda BA siti tali belting nyau digigit sida tiga. Apu...kati enti putus...sut ga anak-anak mayau cute tu.

Udahnya BA start ka injin kereta...nya sida lalu nurun ari kereta nya dibai indai sida ia...nyau teritih sida empat menyanak ...so cute. Udahn ya baru meh BA ulih nuchi kereta nya.

mummy mayau ka besai nya

Reward Yourself
Astana Pengerindu Astana Kitai

Nemuai ke Bebuling Atas

gambar atas; rumah baru dipeda ari jalai besai
gambar baroh; rumah baru dipeda ari ujong bilik

indai nurun ke baroh...apai niki katas...hee..hee

Nadai plan nadai diator, sida indai ka ke rumah panjai Bebuling Atas, Kereta cigu bio dianjong ke Lai Motor ka di servis. Nya meh kabuah BA meh nganjong sida ia.

Mula ia ka ngena satria BA tang laban bisi tiga iko anak mayau ba dalam bonet kereta nya...besarang dalam nya...enggai BA mai kereta nya ke menua kin. Ngena kereta Rin.

gambar atas; nya gambar dipeda ari ruai.
gambar baroh; indai saduai ini benong berandau di ringkat atas rumah baru

gambar atas; dua iti toilet
gambar baroh; ringkat atas bilik cigu bio

Di rumah panjai urang benong nyemin enggi sida Apai Jamin, sida apai mega benong plaster dinding tingkat atas. Bala kami makai tengahari di rumah panjai.

Kami duai cigu bio bendar ga merati ka penyakit tv sida ini...astro ka, nadai problem tang tv nya nemu nukar volume ia kadiri...ali ati lah...

urang benong ngaga plaster dinding.
gambar ti besai getah dianchau nya gambar bilik dapor

Reward Yourself
Astana Pengerindu Astana Kitai

Michael Jackson's Funeral

Akhirnya...Mr Michael Jackson dikubor ka sari tu. Lebih dua bulan udah ia parai...diatu famili ia enggau ati ti berat ngubor ka bangkai ia ba makam dikumbai Forest Lawn Cemetery, Glendale, CA.

BA ulih meda funeral tu dalam CNN Larry King Live lemai tu ari jam 5.00pm-6.00pm. Dipeda BA ia ka bisi datai Macaulay Culkin, Lisa Marie Presley..(kasih ia, sinu ati beraie meda santubong MJ diasor tama). Gladys Knight enggau maioh agi. Diana Ross bisi dipadah ka, tang enda ulih datai.

Tang mensia maioh enda ulih ngabas tauka rindu-rindu ati bejalai ba Forest Lawn Cemetery tu laban enda tau. Maioh mega seleberiti ti bebrita dikubor ka ditu.

Selamat Jalai Michael Jackson.

Reward Yourself
Astana Pengerindu Astana Kitai