Makai Tengahari

Kami tiga Prince enggau erica luing datai di Dewan Sukan Tan Sri Datuk Amar Stephen Kalong Ningkan, Bandar Betong lebih kurang jam 10.30 pagi. Maia kami tiga ka datai dia urang bedau maioh.

Udahnya baru meda Cif saduai Jenner datai...Ajan lama udah datai tang ia bedau ka tama ke dewan. Apin lama udah nya datai ga dua iko anembiak praktikal kami Sharon saduai Donna. Sembilan bala kami...penuh meja laban ti meja nya mit.

Meja kami sembilan tu ia ka bendar disponsor olih tuan Residen awak ka kami sama ngulu pengawa serumpu merarau ti diator raban Women Fellowship zone 2 Grija St. Augustine, Betong.

Bala VVIP benong melah kek

Tu meh mija bala kami

BA, Jenner & Cif

Merarau tu diator dikena grija ngiga fund ti ulih dikena ngaga serta repair Bishop's House di Kuching.

YB Datuk Patinggi Tan Sri Alfred Jabu anak Numpang nyadi Patron tengahari nya. BA meda ditulis di backdrop program nya berengkah ari jam 10.00 pagi nyentok ke jam 7.00 lemai. Apooo..amat lama nya.

Bishop nyua ka pemeri ka YB Datuk Patinggi

Tang siti penyalah program tengahari tu tadi... Sharon madah ka boyband Pemerindang nya dikena merindang bala maioh tengahari nya dipadah last minit...nyadi bala sida pan laun ga ngator rengka. Maia urang udah berengkah makai, dia pansut Sin Kak...oopss ia nyadi pengacara majlis...emmm?

Malu amat meda ulah sin kak..so the fun fair style...did he realised that down there were VVIPs...udahnya penyanyi indu entah dibai ia ari fun fair ni enda...belagu ka lagu Penasaran...siap begelek agi!!!! Dahlah sexy di tengahari....function grija.....BOLEHH!!"Jangan Lupa Lirik"...

Udahnya ia pan belagu ka lagu cemburu...siti lagu iban...enda mukai-mukai setengah lagu ia lalu ngetu...ia madah lagu nya kelalu tinggi...apa agi di boooo bala maioh....

Pemakai ti dibantai pan enda nyamai...patut pun.... ukai ari sida Alip...sapa enda katerer..enda nemu lah...program tu bisi VVIP tang bisi show ala fun fair...ha..ha..ha...

sup ginseng manok..ok ga

cold dish ia...emm boleh lah maia perut lapar

anang berebut ka tulang..oooii

Prince benong berselera makai...

Over all...taniah ka Women Fellowship ka udah ngator pengawa besai baka tu.

Astana Pengerindu Astana Kitai

SMS kaban

Malam tu tadi, BA enggau Rin makai sama enggau cigu bio di kedai makai Alip...kami tiga makai asi goreng...cangkok manis, lemon chicken enggau sweet and sour ikan talapia...murah ja..RM49.00.

Maia ka makai nya sempat ga BA besms enggau kaban lama ti udah enda dikontek.. mula ia BA sms agai Cath di Debak...diatu ia udah gawa ngajar ba skul di manoa Debak din.

Sempat ga ia mri BA lumor talipaun Julia...udah datai di rumah BA be sms enggau Julia..ia pan udah ngajar diatu di skul ba manoa Kanowit din.

BA sempat nanya ka rita bala kaban ka bukai...ia nusi brita kaban kami baka sida Alice, May enggau Jane....apooo..lama udah nadai betemu enggau Jane...bakih BA suba maia ba kampus...lengau ka ulah bala sida tu neh..

BA ngarap bendar awak ulih betemu enggau bala sida..one day.

Astana Pengerindu Astana Kitai

Pengawa BA sari tu...

Minggu tu BA enda entu busy laban maioh program ka diator minggu tu udah ditukar ke hari bukai. Nya alai minggu tu BA maioh ngaga pengawa baka ngelama tu di opis aja.

Enti nitih lemai tu BA bisi meeting ka program Simposium Budaya Iban Peringkat Negeri Sarawak di Bilik Konferens Kenyalang ditu..tang laban bisi penanggol, meeting nya deka diator baru ba hari ti bukai.


BA mega benong sibuk ga ngator program seminar ti ka diator ba Bukit Saban Resort, Betong kena ka 27hb Feb 2009, jam 7.00 lemai. Program tu diator ka bala komiti di Betong dikena ngerami bala ka udah mujor dalam pengawa biz.

Tu siti program ka katerubah ia diator ba manoa Betong. Lebih 50 iko mensia maioh dijangka datai ngulu program lemai nya.

Ujong minggu tu mega BA & Rin bisi nurun ke Kuching enggau cigu bio. Lama udah nadai nurun ke Kuching. Kami duai Rin ka bebayar di bank din.

Astana Pengerindu Astana Kitai

Nemuai ke Bebuling Atas

Lemai tu tadi bala kami sampal ke Bebuling Atas, Spaoh laban ti ka ngabas projek ngaga rumah panjai kami dia.

Lama udah BA nadai nemuai ke Bebuling Atas laban jalai kia chukup jai musim ujan tu tadi. Tu tadi pan agi bisi bekau jalai jai nya mimit...laban udah bisi ditambah batu-batu mit.

Apai,Aki,BA & Apai Jamin melakang ka dampa

Naka ka sari tu, lantai tingkat atas udah tembu disemin...nganti ia udah chukup rangkai ila baru ngaga beam ke perabong.

Tu sekeda gambar manoa kami dia:

tu meh alai tangga ila

tu meh gaia ruang bilik...kami tu ba corner

tu jalai ngangkut ready mix concrete ari lori ka dikena ngaga rumah

cigu bio melakang ka dampa...ia ka bisi mangkok astro nya ruang bilik sida ini

Astana Pengerindu Astana Kitai

Suntong mayo & ai nyiur

Tengahari 21hb kami tiga Boji enggau cigu bio makai di Popular...Boji madah ka ia ka makai suntong mayo. Kami duai cigu bio ngodar asi goreng..emmm nyam lah. Engka maia lapar..nyam semua.

Kami duai ngirup ai nyiur...emmm...segar...yang pasti, makai tengahari tu memang best. Thank cigu bio....

suntong mayo

Astana Pengerindu Astana Kitai

BA 31... makai-makai

Kek Tiramitsu

Lemai tu BA enggau Rin nyadi host makai lemai di rumah kami duai (private function) berserimbai enggau umur BA genap 31 sari tu.

Aki, Ini, Indai, Apai, cigu bio enggau Boji sama berserumpu ditu. Lama udah bala kami nadai berserumpu makai.

benong berandau sida tu...

Boji enggau aki ia main talipaun

Rin masak manok kari, asi briyani enggau sayur champor. Ikan ti dibeli BA tadi nama ia ikan terusan dipandok apai...BA enda nemu mandok ia.

kari manok...sedap

sayor champor

ikan dipandok apai

asi briyani

Tu dimam BA..eemmm nyam..

Birthday cake bisi dua iti...siti diberi Rin enggau sigi agi dibeli BA empu. Bala kami berandau sambil ti makai...lama udah enda betemu enggau Ini.

Ari Ini meh BA boleh nama Bujang...Ini BA enda tau nyebut nama BA...laban kitai Iban maioh amat penti pemali. Kitai Iban mali nyebut nama entua.

posing dulu...

cigo bio....ala artis hong kong lah...

Nama endar BA ti glamour nya asal ari nama Iban champor nama sida urang france kini...BA pan enda nemu...

Nya meh bala Ini-ini enggau aki BA di manoa din enda tau nyebut nama BA laban ti ngangkat ka nama entua sida ia...nya alai taja BA udah kawin...BA tetap dikangau Bujang...

Pengawa makai kami tadi dipejadi ka enggau sampi ka petara diulu olih Apai Boji...udahnya nyepu dian ba kueh kek...malu nye...agi baka ka anembiak suba...

Ia ka bendar maia BA muda remaja suba...enda kala ka ngintu birthday...enda nemu kabuah nyau mature tu selalu ja ka ngintu birthday....heee..hee


I would like to say thanks to Rin...my love one...thanks for the cake! Trima kasih mega ka Ini saduai Aki ti udah datai ari manoa nyin ngulu makai lemai tu...Apai saduai Indai..Thank You...Thank You..!! Cigu Bio & Boji...thank you laban udah belanja BA makai suntong mayo ba Popular tadi...

God Bless Us...

Astana Pengerindu Astana Kitai

BA 31

Selamat Hari Pengada ti ka 31 tahun ka Bujang Astana. Enti urang madah ka BA tu majak tuai...enda lah...BA baru aja 26 tahun...heee...hee..31 nya ba tingki aja. Real life BA baru 26...heee

Anyway, Happy 31st Anniversary to myself...

Astana Pengerindu Astana Kitai

Segulai Sejalai

beresi lah lobi tu...

Penama ke Bilik Konferens Kenyalang

empat model nyual penyapu...Mima,Cristina,Prince & Isma

Di opis BA sari tu tadi bala kami seopis udah segulai sejalai ngator pengawa gotong royong meresi opis. AO Hayati nyadi leader kami...ia meri taklimat ringkas sebedau pengawa kami start. Kami start meresi opis ari tingkat UG.

Ritos pan ngelap tisi chermin

Said...bisi gaia nuchi chermin

Ajan...teleba ja gaia tu..

Enda entu kamah tang balat bedebu. Pengawa BA pagi nya meresi ka chermin...ngelap awak ka ia beresi perenching. Nyau pedis lengan meresi ka chermin penama utama ba tingkat UG nya.

Wah..Prince memang berbakat..

AO Yati tengah nyapu ruang lobi opis

Gotong-royong tu dipajak ka bala kami nyentok ke lemai. Lemai nya BA, Cif Ritos, Jenner enggau Said besaup meresi ka jamban lelaki di tingkat 2 enggau tingkat 3. AO Hayati enggau Chindu meresi ka jamban indu.

Enda ka tusah meresi ka jamban nya...BA alit ati ka bisi urang dia enda teberesi ka jamban taja nya tadi seiti-iti pengawa ka diadu ba opis....berat kah gawa merus serta manchit ka ai ba jamban nya...

bilik jamban udah beresi

Nadai pan tusah...ukai nya lama, enda bulih sejam...jamban dituchi kami nya pan beresi baka ka di hotel ba Kuching...heee muji diri lah nya...

Terima kasih ka samoa bala ti udah segulai sejalai sari tu tadi: AO Hayati, AO Prince, AAO Isma, BA, Ritos, Jenner, Khairol, Ajan, Chindu, Cristina, Raduan, Britin, Aderus, Sanda, Mima, Said, Lia, Sharon, Dona.

Astana Pengerindu Astana Kitai

Makai enda nyamai...

Lemai kemari BA laun pulai ari opis laban ti agi dalam proses pindah ari manoa co.cc ke manoa blogspot.com.

Kiruh amat pindah randah tu neh...tang apa boleh buat..tersilap percaturan suba nya...nasib blog BA tu enda enyau terus.

Lemai nya laban ti udah laun kami duai Rin makai ba luar aja. Kami duai makai di kedai Popular...ngodar mee kuey tiaw..tang mee nya enda asai kuey tiaw....asai makai nama enda kah...laban mee nya enti udah tama mulut...ia baka hanchur terus...baka asai pulut...lekat-lekat.

Nama nya asai kuey tiaw udah bari kah? atau mee nya digaga ari kayu chopstick ti udah direndam ba ai chemical...anchur lembut alu digaga ka mee...samoa tu dipeda BA dalam email suba.

Maia makai mee nya...tebayang-bayang ja BA tengah makai kayu chopstick nya....eee..geli. Rin pan enda abis diempa ia. Nasib ga kami duai udah makai sate manok 10 tusuk RM5.00. Makai sayur changkok manis enggau butter chicken.

Ari samoa pemakai nya semina sate aja nyamai. Ia ka bukai nya enda NYAMAI...semadi kami duai makai dia laban Alip alai kami duai selalu makai penoh urang dia.

Nasib BA nadai maia kamera maia nya...enti enda udah nyadi cherita begambar ditu...kan.

Astana Pengerindu Astana Kitai

Main lompat-lompat

BA ka madah ruai BA lemai tu tadi udah dipindah ka BA pulai baru ke blogspot.com

Hee..hee..main lompat-lompat lah pulak...ukai nama bisi penusah mimit di ruai lama nya...ukai charut diri sabilik...charut ka tanah tembawai...

Nya alai BA nyurut ka diri ari manoa co.cc nya, mulai ka diri baru ke ruai lama tu...ngarap ka tuai rumah ba ditu ka nerima BA baru ney....

Astana Pengerindu Astana Kitai

Makai malam ti seeedappp...

Lemai tu Rin masak...datai aja BA...auk aa..., BA laun pulai lemai tu tadi. Jam 8.00 malam datai di rumah.

Best ga lauk lemai tu dipandok Rin...manok goreng...ikan masak sos...emmm..enggau sayur rambai..kami ditu ngumbai sayur midin tu rambai.

Maioh ga asi enggau lauk diempa BA...nyau enda ulih engkebut agi kelalu kenyang. Sambil makai sambil meda berita...boring nye...nadai berita bukai...hal politik aja-aja...lelak meda hal nya aja-aja..enda lelak kah kita?

Enda ngawa lah...yang penting makai malam tu seeedappp...

Astana Pengerindu Astana Kitai

Ke Manoa Seduku

burong kenyalang ukir

Lemai tu tadi BA, AO Crispin enggau tuan Residen mupok ke Seduku, Sri Aman kira-kira jam 2.00 lemai.

Luat nyadi dribo kami kin. Kami ti kin nya laban ti ka ngasoh Tuai Rumah Tuntun ngaga burong kenyalang ukir dikena maia pengawa Seminar Budaya Iban ujong bulan March tu ila.

tiang rumah mega diukir

AO Crispin, Tuan & TR Tuntun

Kami nengah jalai ke manoa Lingga ari Bandar Sri Aman. Jalai kia chukup jai...pedis punggung taja duduk aja dalam kereta. Datai bala kami di Seduku Ili, kami disambut olih Tua Rumah Tuntun enggau anak ia. Rumah panjai nya enda entu jauh ari jalai besai.

Rumah mega enda entu panjai endar. Tu meh baru ia BA niki ke rumah panjai Seduku. Kami empat alu duduk ba ruai, dahnya Tuai Rumah pan mantai ka burong kenyalang ukir ka udah tembu. Enam iko burong nya endang sigi udah dibooking tuan Residen.

Bedau dicat...tang ukir ia chukup manah. Rega ia pan ulih dibeli. Ia mega mantai ka nyabor enggau sarang ia ka udah diukir.

Nya mega udah dibooking tuan Residen....wahh tuan tu endang menghayati tauka appreciate amat seni ukir tu. Tuan Residen madah ka kami duai AO Crispin, pengawa ngaga ukir tu enda ulih digaga sebarang..urang ka ngaga tu bisi talent serta gifted.

Penemu tu diturun ka agai uchu ichit. Emmm...manah kan ukir nya..

Astana Pengerindu Astana Kitai