Nemuai ke Maktab Rendah Sains MARA, Betong SARAWAK

Kena ka 30hb tu tadi bala kami rombongan ari Opis Residen Betong bisi nemuai ke Maktab Rendah Sains MARA, Betong (MRSM). Ari opis kami Tuan Residen empu, AO Hayati, AO Crsipin enggau BA, ari Opis Daerah kitai mai AO Roni, ari Opis Tanah & Survei..LO Emmy enggau ari Opis JKR..ADE Anding.

Penatai bala kami disambut olih Tuan Pengetua MRSM Betong begulai enggau dua iko ia empu Penolong Pengetua. Penatai kami kia laban ti ka meda persiapan sida ia nerima anembiak baru.


Tambah mega bala kami deka meda dewan besai ti bisi ditu laban bulan Mac 2009 ila bisi program Makai Lemai diadang digaga dia berserimbai enggau pengawa Simposium Budaya Iban ti bisi diator ba Bahagian Betong.

MRSM Betong tu ia ti kedua di manoa Sarawak. MRSM Kuching ia ti katerubah. Ba Mukah mega benong digaga sebuah MRSM tang bedau tembu.

Kemudahan ti disedia ka ba MRSM Betong chukup manah...amat untung sida ti gawa ditu nyadi pengajar enggau gawa kerani laban semua rengka agi baru magang.

Udah tembu bejalai sebelah MRSM, Tuan Pengetua ia mai bala rombongan kami ngirup kopi ba kedai Fhauzana Cafe.

Astana Pengerindu Astana Kitai

Makai Lemai enggau diri sebilik

eee..takut lah meda boji makai sate tok..

Lemai 30hb tu bala kami sebilik ngintu pre New Year night ba rumah sida indai. Nama kabuah ngaga lemai tu laban lemai 31hb enda ulih. Cigu Bio madah apai masak lemai tu..masak nama..masak itit pala..wah..best lah.

BA spon sate’ aja..nadai jam masak-masak. Lemai nya bala kami makai anak ikan buntal guring..lama udah enda makai ia. Cigu Bio mega bisi ngaga jus carrot...sedap nye.

jus carrot cigu bio

sate..nyam..nyam

anak ikan buntal...nyamai

itit pala...ehmmm best

sayur champur..emmm

sempat ga..

BA enggau Rin..nyinok makai..

Astana Pengerindu Astana Kitai

Selamat Jalai 2008

Taun 2008 nyau ka apus dalam dua hari agi. Maioh amat pekara udah nyadi ngagai BA sepemanjai taun tu. Aram meh kitai sama meda sekeda utai ka bisi nyadi maia nya.

Januari 2008

Kami bisi nemuai ke Bukit Sadok laban ti ka ngambi Tongkat Ali ka Projek Taman Herba. BA, AO Hayati, AO Roni,erica luing enggau Ayak Britin. Tu meh kedua kali BA niki ke Bukit Sadok. Ia keterubah ia suba taun 2004, maia nya BA baru gawa di Betong.

Jalai ari Rumah Giri, Jambu niki ke Bukit Sadok udah maioh berubah. Ari kebun lada niki katas udah digaga sida dia jalai dikumbai jalai cangkul. Jalai tu ulih ditengah motosikal.

Februari 2008

Setaun meh bulan tu kami duai Rin diau di Kuarters ba Jalan Abdul Karim. Nyamai diau ditu laban semak enggau Bandar Betong. Jalai kaki pan ulih datai di market ikan. Rin gawa ke Majlis Daerah pan semak ga.

Bala kami di opis bulan tu start ngaga Projek Ceria Pejabat. Enggau nya bala kami seopis udah besetuju deka ngambi batu ai kerangan dikena ngias lobi opis. Bala kami, AO Crispin, AO Hayati, BA, erica luing, Ayak Britin, Malidi enggau empat iko pratikal students ke Spak nengah jalai darat lalu tetemu ke tempat siti ti manah amat alai ngambi batu alu alai mandi.

Mac 2008

Bulan tu sibok magang bala kami. Laban 8hb Mac hari muai undi di Malaysia...Pilihanraya Umum ke 12. BA sibok gawa ba Bilik Gerakan...siang malam bala kami gawa laban Sapit Kepala Menteri Malaysia, Dato Sri Najib Tun Razak deka datai ke manoa Pusa bejadi ka Ladang Kelapa Sawit ti dimaju ka olih Tabung Haji Plantation.

BA ti nyadi Tuai Alai Ngundi begulai enggau Jenner, Juliet enggau Hallener begulai enggau Polis, Shukri dianjung ke manoa Nanga Tapeh, Spak. Manoa nya di ulu din nya meh bala kami ngena perau panjai ti disedia ka SPR dikena mudik ke ulu. Maia kami mupok kurang lebih jam 1.00 tengahri, hari ujan. Ai besai perau lanchar nadai penanggol...rindu amat meda manoa ke ulu kin. Ai chiru, chelap sereta beresi.

BA mega bisi ke Miri laban ti enggau kursus MS ISO 9001:2000 diator di Mega Hotel. Bala kami kin nengah darat. Jalai chukup jai ari Selangau ke Bintulu. Ari Bintulu ke Miri kami nengah jalai manoa pesisir.

April 2008

10hb BA kemisi laban ti pindah ke kuarters baru ba Kompleks Perumahan Kerajaan Negeri Bandar Betong ba Jalan Spine.

Mei 2008

Kami duai Rin meli moto baru...Viva awak ka bisi dikena Rin nurun gawa. Kami duai meli moto nya ba Uncle William ba Saratok. Terima kasih ka Uncle William enggau bala menyadi ia ti udah ngator semua utai ka perlu maia nya.

Pengerami Makai Lemai Gawai Dayak Manoa Betong bisi diator kena 17hb. Program nya digaga ba Dewan Tan Sri Datuk Amar Stephen Kalong Ningkan, Betong. BA diberi tanggungjawab nyadi Stage Coordinator begulai enggau Sylvester ari DID Betong. Kami duai ditulong mega ulih Ritos enggau Jenner.

Pengawa lemai nya ti chukup rami laban ti bisi Pekit Kumang Gawai. Pengawa tembu enggau mujor kena jam 1 pagi.

Taun tu BA enggau Rin begawai ba manoa di Bebuling Atas, Spaoh. Tang enda mukai-mukai, aki sida Rin udah ninggal ba Sibu kena ka 30hb Mei. Nya alai Indai Rin bisi nurun ari Kuching lalu bemalam ba kami duai sebedau kami tiga ke Sibu kena 31hb Mei. Kami tiga enda bemalam.

Lemai Ngirup Ai Pengayu..kami tiga mamy ba rumah panjai kami di Bebuling Atas, Spaoh.

Jun 2008

Bulan tu, Perintah Manoa Malaysia niki ke rega minyak ari RM1.92 ke RM2.70. Lemai Pak Lah madah ka minyak petrol niki, kami duai Rin ba Kuching maia nya. Jalai ba Bandaraya Kuching jam laban bala mensia ka bisi kerita meli minyak petrol ngena rega RM1.92...geram asai ati..baka lah tangki minyak nya ulih dikena belama-lama ia..ha..ha.

Julai 2008

1hb tu mega Rin start kursus sebulan ba CIDB, Kuching. Tinggal kadiri meh BA sebulan nya. Enda berasai ga...hee..

Kami duai Cigu Bio bisi nemuai ke Sibu laban ti ka meda cita Hancock dilakon ka olih Will Smith. Malam baru kami duai pulai ke Betong maia nya.

Pengawa bejadi Kompleks Perumahan Kerajaan Negeri, Bandar Betong udah mujor diator kena 22hb. YAB Ketua Menteri Sarawak bejadi ka pengawa nya. Seminggu sebedau pengawa nya bala kami sibuk ba Bilik Gerakan tang rindu ga laban bisi makai-makai. AO Roni bisi ngaga begedil.

Ogos 2008

Bulan tu Rin pulai ke Betong laban ia praktikal ba Hock Peng Realty. Opis sida ia enda jauh ari rumah kami duai. Bulan tu mega pengawa maioh ka makai-makai aja. Ke Pusa..makai, ke Saratok..makai, Ke Kuching...makai..ehmm ni enda majak besai kan...enda ngawa lah..

Domain blog BA maia bulan tu mega ditukar ari blogspot ke co.cc. Mudah agi diingat...enda panjai.

30hb bala kami ngintu Hari Merdeka ba rumah AO Roni. Kami ngelulun manok enggau manggang dagin rusa. Bala kami ti bisi datai lemai nya BA, Rin, AO Yati,erica luing, AO Roni, Ngau serta kazen Mike, Roslind.

BA enggau Rin mai ini saduai aki bejalai ke Sibu kena 31hb. Lama amat saduai udah nadai bejalai di manoa Sibu. Sari nya, saduai ia ngaga chermin mata ti baru.

Sept 2008

Kena ka 19hb Kami ti nguan Kompleks Pejabat Kerajaan Negeri Bahagian Betong bisi ngaga program ti dikumbai fire drill begulai enggau sida ari Opis Pengerarak Api (BOMBA) Betong. Tu meh katerubah ia program tu diator..lucu amat neh.

Bala kami bisi nemuai ke Sibu lalu muka puasa ba Pizza Hut din...rindu amat meda olah sida Boji maia nya..

Raaz mai BA nyadi Biz partner ia...nyadi start meh pengidup baru BA...Sapa-sapa ti bisi ati ka ngubah pendiau pengidup..giga aja BA.

Okt 2008

Bala kami begulai enggau Tuan Residen ngabang rumah Hari Raya. Taun tu baru ia meh BA nitih ka rombongan Tuan Residen ngabang. 11 buah rumah diusung bala kami...bendar mat.

7hb YAB Kepala Menteri Sarawak bisi datai ke manoa Betong laban beraya ditu. BA seperti biasa..kerja maia nya.

Kelab ba opis kami mega bisi ngaga pengerami makai lemai Raya 2008 ba Rest House. Bala kami semua begotong royong nyedia ka rengka enggau bala pemakai.

Bala kami sebuat mega nganjong diri betapa ba Bukit Saban semalam laban deka nyiap ka dokumentasi MS ISO 9001:2000. BA enda kala bemalam dia, nya meh baru ia...best ga, pemakai ia emmmm endang best lah.

Boji 7 tahun umur ia kena 26hb. Bala kami ngintu pengerami nya ba rumah sida indai. Cigu Bio enggau Cigu St Mark masak lemai nya...best lah..chicken ...

Nov 2008

Tu bulan ti pemadu busy dalam taun tu. BA nadai rilek sebulan tu, tiap ujung minggu BA mindah ke Kuching, mupok hari enam, pulai hari minggu. Samoa tu ketegal udah ngaga pengawa biz. Tang chukup rindu laban ulih mega bekalala enggau maioh urang.

Rumah panjai kami di Bebuling Atas bulan tu start ngaga projek rumah baru. Sida Apai enggau Indai bendar ga enggau urang mupok-mupok ngaga rumah.

Bulan tu mega Apai start ngabis ke cuti ia ti agi tinggal laban ia pencen umur 54 tahun 31hb Dis 08.

Kami duai Cigu Bio ngaga urusan enggau Bank bulan tu..maioh amat penanggol ti ngachau. Bisi red tape ga ba bank neh...ehmm..

Katerubah bia taun tu, BA, Cigu Bio, ES enggau Uncle Step makai begulai ba Secret Recipe di tHe Spring...best amat. Cigu Bio melanja kami empat.

Disember 2008

Bulan tu mega busy ga. Kami duai Rin mega bisi terebai ke Miri 19hb...kemisi dua malam din diau di Eastwood Golf & Country Club. Maia nya mega biz partner, Mike & Linda nikah jadi melaki bini din.

Krismas taun tu kami duai Rin plan ka ngaga di Betong, tang laban menyadi ia Jo bisi datai ari KL enggau laki ia Raja, nya meh kami duai ngintu krismas begulai enggau sida di Kuching.

Selamat Datai 2009

Ngarap ka taun 2009 mai berkat, mai rezeki ka kitai samoa. Selamat Taun Baru 2009!!

Astana Pengerindu Astana Kitai

Nemuai ke Bebuling Atas

Lemai tu udah tembu hari ti ujan lebat tang enda lama bala kami bisi nemuai sekejap ke rumah panjai. Enda jauh ari Bandar Betong. Taja semak BA endang jarang pulai ke rumah panjai laban penanggol maioh pengawa. Bulan Sept 08 kemari meh ia ka penudi endar BA bisi nemuai kia.

Hari nya maia sida ari ASTRO masang Astro ka saduai ini enggau aki BA enda ulih pulai. Lemai nya meh BA meda mangkok ASTRO nya udah bisi ba luar rumah. Aki bisi ngasoh BA ngambi program ti bisi gusti laban saduai ini endang minat ka gusti ari suba-suba. Ila meh BA ngator ka saduai program nya.

Dipeda BA sekumbang tiga bulan ti nadai pulai ke rumah panjai...amat jampat sida ditu udah ngentak ka rumah baru. Ba ruang bilik kami empu pan jampat mega. Taja apai udah pencen tang ia baka ka bedau pencen laban pengawa ngaga rumah tu enda mudah.

Betanda kah nyukat pemesai rumah?

Ba ringkat baroh digaga bilik tindok alai saduai ini enggau aki. Enda jauh ari bilik saduai bilik dapur. Nyadi bilik di atas bisi empat bilik tindok,..bilik BA, Bilik Cigu Bio, Bilik Tcil, Wedy enggau Boji siti enggau master bilik apai indai. Nyadi bilik tamu ba baroh ulih dijadi ka bilik alai temuai. Dua iti bilik mandi ba baroh enggau dua ba tingkat atas.

cherita hal artis kah?

Rin enggau ini becherita

Ongkos ngaga rumah baru tu ukai murah..nya meh bala kami tadi besaup mimit-mimit sama bela bekonsi anak duit ka bisi dikena ngaga rumah. Nasib ga kami tiga Cigu Bio enggau apai udah nyadi biz partner..bisi meh duit dikena ngaga rumah tu.

Astana Pengerindu Astana Kitai

Nyadi Tourist Guide di Manoa Mayau

Muzium Kuching

Pagi tu bala kami ke Dewan Suarah, Kuching. BA suah ga udah kitu. Rindu meda view Bandaraya Kuching ari atas tu. Maioh ga urang bejalai kia.

Raja, Jo & Rin benong meda handycraft ba Dewan Suarah

Sari tu bala kami ka ke Muzium Mayau ti di DBKU. Kami empat meh kin, BA baru ia ga nemuai kia. Wah...manah amat Muzium tu. Tu meh Muzium Mayau ti siti aja bisi ba dunya tu.

Taja selalu ke Kuching tang nadai kala nyadi tourist..he..he. Nya meh enti enda ketegal ti ngulu ka Raja saduai Jo bejalai, nadai meh kami duai Rin kia.

BA & Rin posing ba dalam Muzium Mayau

Mumia mayau lah..dibai ari Mesir

Damai Puri

Lemai nya kami empat mega sempat ke pantai...kami ke Damai Puri. Wahhh...udah jauh berubah tempat tu..lain lah, dipeda BA nyau manah agi ari ti suba...endang manah amat...ingat BA maia kami duai Rin pre honeymoon kia suba...maia nya agi Damai Lagoon.


Kami duai Rin sempat merancang ka pegi kia cuti-cuti bulan Februari 2009. Ila meh BA book bilik dia.

Udah tembu bejalai ba Damai Puri, bala kami nyenggok pantai ba Damai Beach. Nemu sapa ditemu kami dia...Boy saduai Hagen..he...he..honeymoon ke?

Astana Pengerindu Astana Kitai

Jalai-jalai di Manoa Mayau

Begunan baru DUN...ikon baru manoa Sarawak..bedau tembu

Sari tu BA, Rin, Raja enggau Jo bejalai ke pusat bandar...Allie nadai enggau bala kami laban pagi tu tadi ia udah nitih ke sida Layang ke Kapit laban bisi kaban sida mamy kena penusah rabat.

Kami empat ke Pasar Satok ka makai mee kolo ka selalu dibeli mamy...nyamai ko.Tang nasib enda manah, kedai nya tadi tutup. Kami empat lalu makai ba siti kedai BA enda ingat ka nama ia...makai mee kolo sapi...nyamai lah..ia empu sambal..best.

Udah tembu makai mee kolo bala kami nemuai ke Muzium Sarawak. Maia bala kami datai bedau maioh urang...nyau kelama maioh ga mensia kia.

Kuching dipeda ari Medan Pelita

Ko jako ka ambi candid...sempat ga Rin posing

Jo & Raja ba moa Muzium Seni

Lama amat BA udah nadai nemuai kitu. Bisi utai berubah ga ditu. Dalam jam 4.30 lemai bala kami ke Star Cineplex laban ka meda filim.

Kami meda filim Bedtime Stories dilakon olih Adam Sandler. Best cita nya...lucu amat. Ngena dipeda bala anak mit sereta apai indai.

Jam 6.40 lemai filim nya abis. Bala kami ke Taman Letak Kereta Topspot makai dia. Raja melanja kami. Thanks Raja. Tu meh pemakai diempa kami empat dia.

mee kolo sapi ba Satok

ikan pari..best tu.

umai ikan..tang enda entu best. Kurang bawang mirah,chabi enggau limau nipis

midin belacan tauka dikumbai kami di Betong.. rambai

Kuey tiow tomato dioda saduai ia

Tembu makai bala kami pulai ke rumah. Lelak...pagila bisi misi makai-makai seterusnya ka digaga bala kami empat.

Astana Pengerindu Astana Kitai

Krismas di Kuching

Selamat Hari Krismas!! Taun tu kami duai Rin ngintu Krismas begulai enggau bala menyadi Rin di Kuching. Kami duai nurun ke Kuching pagi 24hb tang datai di Kuching jam 4.30 lemai.

Nama kabuah...laban kami duai ke Matang dulu kami dua igi kek kami duai ti dibeli ari urang udah tembu. Taun tu kami nadai begaga ka kek...nyamai agi meli.

BA melanja lebih RM600 dikena meli kek...9 igi samoa ia. Sigi kek diberi ke Indai BA..Kek Ati Pari...4 igi dibai ke Betong kena maia open house ila lalu 4 igi dikena di Kuching.



Kasih tudah Rin...datai kami duai lemainya di Kuching...ia alu kena flu...chelap angat isi ia. BA dulu agi kena...engka ketegal kami duai bisi ngelaban ujan di Miri minggu nyin kemari maia ka din.

Bai BA ke Klinik Khaira ia. BA udah okay laban BA ngirup alkaline water dibai ari rumah di Betong.

Lemai nya, Allie mai bejalai ke tHe Spring ngulu ka Jo enggau laki ia Raja. Saduai ia bisi pemisi lalu ngintu Krismas ditu. Rin enda enggau bala kami kia. Ia ngenat ka diri..gali di rumah.

sulu Krismas Rin...

Balat amat jalai jam tama ke tHe Spring. Urang chukup maioh...kereta enda iboh disebut penyampau... Nyau penat kaki BA ngindik brake aja-aja. Malam nya ujan ga tang enda lebat.

25hb hari Krismas...hari manah amat...enda ujan, panas nyentok ke lemai di Kuching ditu. Pagi nya BA ke rumah Unong di Batu 10 laban ti meli gas stove baru ka Tcil. Beli BA ba Batu 7..murah aja enda mar. Udah tembu masang ka ia baru BA pulai ke rumah Rin.

Dibai BA ke rumah sida Rin...Tcil enggai lah pulak..supan lah tu. Enggai ga BA "memaksa Boji".

udah sihat kah..Rin?

Nadai entu maioh urang ngabang sari nya..bala kaban maioh udah pulai ke manoa. Mamy madah di Kapit pan bala bisi rabat ga.

Tuan Romie Sigan Daniel, Madam Grace, Rin enggau Mamy

Tuan Residen enggau Madam Grace bisi nemuai ngabang ditu.Sehari-hari tu sida menyanak endang ngabang ba kaban saduai di manoa Kuching. Terima kasih laban saduai ia udah muai jam sekejap singgah ba rumah sida Rin ditu.

Raja, BA, Allie, babak, Rin, Jo & mamy

Lemai nya bala kami sebilik begambar bala maioh. Ricky kawan Allie enggau Uncle kazen babak Rin nyadi cameraman...lucu amat.

Astana Pengerindu Astana Kitai

Merry Christmas 2008

Tu pun kayu krismas kami duai Rin

BA & Rin deka meri tabi Selamat Ngintu Hari Krismas ka taun tu ka semua bala kitai ti ngintu pengerami Krismas ba serata dunya. Taun tu kami duai pulai ke Kuching laban bala ipar BA bisi datai ari Kuala Lumpur sama ngintu din di Kuching.

Astana Pengerindu Astana Kitai

Makai di Kenny Roger @ tHe Spring

Allie benong milih utai ka diempa ia

Rin benong meda bup menu

Kami tiga Allie enggau Rin makai di Kenny Roger ba tHe Spring. Lapar amat...pagi nya maia ti ka pulai ari Miri enda sempat breakfast ba hotel. Dalam bilon MAS semina diberi ai jus enggau kacang aja. BA semina ngirup ai jus aja. Tu meh breakfast cum lunch kami tiga ba dia...

Tu dioda BA..emmm

sup dioda BA & Rin

Muffin pisang enggau cokelat..best nye...

Tu dioda olih Rin..bisi asi

Salad dioda Allie

Astana Pengerindu Astana Kitai