Selamat Hari Raya 2008

Gambar leboh Majlis Ramah Tamah Aidilfitri 2007 Bahagian Betong
(ari kiba AO Hayati, Bujang Astana, AO Crispin, AAO Baijury & AAO Hairol Nizam)

Bujang Astana deka meri tabi Selamat Hari Raya Aidilfitri ka samoa muslim ba Sarawak, Sabah, Brunei enggau ba serata manoa ti bukai.

Aram meh kitai ngabang ke rumah kaban kitai. Pagila, bala kami begulai enggau Tuan Residen Betong, En. Romie Sigan Daniel deka ngabang ke rumah bala Tuai-tuai masyarakat di Kabong, Roban enggau Saratok.

Hari Raya ti kedua bala kami deka ngabang ke Spaoh enggau Debak. Betemu meh kitai din.

Astana Pengerindu Astana Kitai

Ke Kuching makai-makai..

Lemai hari lima, 26hb kami tiga Rin enggau Cikgu Bio bekejang mupok ke Kuching pukul 6.30 lemai. Taja laun laban ti gawa dulu lemainya. Cikgu Bio sigi ti ka enggau kami duai. Kami lalu ngambi Tcil di Desa Ilmu, sida ia kemisi raya seminggu.

Kami tiga sempat ngetu makai malam ba Simpang Sri Aman. Makai asi champur..nyau ndai entu utai pakai laban mensia ti chukup maioh. Anang tekenyit enti kita ngena tandas awam ba dia...bayar masuk diatu RM0.30 siko, ukai gi RM0.20. Engka laban minyak petrol niki suba lalu sida pan niki ka rega ngena tandas awam nya.

Maioh amat moto nengah jalai..aku ka minta ampun ngagai kita ka bepansa enggau moto kami tiga viva chelum QXX 96X..lampu ia kelalu tinggi taja aku ukai ngena hi-lite..minta ampun auk..

Kami tiga datai di Desa Ilmu dalam pukul 11.30 malam..penat asai kaki dribo...udahnya nganjung Tcil saduai Cikgu Bio bemalam ba Taman Cin Muk Batu 10...ehmm dahlah jauh...lelak aku!

Datai aja di rumah mentua aku..terus masuk tindok.

Pagi hari enam nya kami duai Rin breakfast ba rumah aja..makai coklat dibai Ally..best amat..Aku mupok ke Batu 10 laban ti ka ngambi duo iko nya tadi mai ke Wisma Saberkas laban Cikgu Bio bisi pengawa dia.

Sebedau nya kami tiga breakfast ba kedai makai semak Hong Leong Bank batu 7..tempat alai aku selalu breakfast suba maia agi bujang di Kuching.

Cikgu Bio makai asi belauk..tumu amat ko aku..ia madah ia sigi biasa makai tumu di sekula alai ia ngajar. Tcil makai wantan. Aku ngodar mee kolo ayam..best amat lah.

mee kolo ayam

Mupok ke Wisma Saberkas munyi ko Cikgu St Mark..satu penye..saan..moto ti niki katas kin chukup maioh..kami paking ba datas sekali. Nyau lelak nekan pedal brek aja-aja. Bepansa enggau Raaz maia mansang dahnya bepansa enggau Crsipin & Mrs maia pulai.

Nama urang maioh rindu amat ke Wisma Saberkas..paking ia free..tugong nyual handphone..bisi kedai DVD/VCD..bisi Ngiu Kee, bisi Guardian, bisi maioh utai bukai mega. Aku agi ingat maia aku ngindik ka kaki suba first time di manoa Kuching..1992..apai saduai indai mai ke Wisma Saberkas tu meh..Wooow besai amat tempat tu..amat sakai..he..he..

Nya meh tadi..pengingat maia ka ngusong Wisma Saberkas tu nyau tepulai baru...sinu asai ati...aku.

Jam pukul 1 ngalih hari...kami tiga pulai ke rumah mentua aku lalu ngambi Rin. Kami empat bejalai ke Parkson..Crowne Plaza..ditu pan maioh mensia...nama hal urang maioh..ehmm nemu nya lemai tu bisi Dayak Music Award (DAMA) diator ba hotel nya. Kami besebut ka bala artis kitai Iban ti tebilang baka Andrewson Ngalai, Swaylin ti dikerindu ka Tcil enggau Maxwell pujaan Cikgu Bio selalu..

Nadai entu utai dibeli ba dia..dahnya kami empat bekejang mupok ke tHe Spring..ditu ga raya agi..nadai alai paking. Kami empat paking ba moa RHB Bank ba seberai jalai. Kami empat nyemerai jalai enda nengah jejantas..apooo..enti enda sempat nyemerai..pEEnGG..kena langgar moto.

Kami empat ke MPH..ka meda bup ti ka dibeli. Kami duai Rin meli dua iti bup ka dibaca. Cikgu Bio pan bisi meli bup. Aku meri Tcil duit kena ia soping dia. Datai ke lemai endar, nyau lapar ga perut lalu kami makai di Food Bazaar dia.

Tcil saduai Cikgu Bio ngodar sup ala-ala lok-lok..aku meda nya baka ka nyamai ngodar ga. Tang sup ia enda entu nyamai. Kami duai Rin ngodar Char Kuey Tiaw dia..emmm..rugi lah enda nyamai...anang kita makai mee nya dia..nadai asai..enda chukup angus..

Laun bala kami pulai..semak jam 6.30 lemai. Kami nganjong Rin pulai ke rumah dulu..ia nyau lelak ga.

Kuey Tiaw enda nyamai

Anang nyanka kami tiga terus pulai..kami ke Kenyalang Park..ehmm empat taun udah aku enda bejalai ba dia begiga ka VCD/DVD pirated...he..he..anang nganu..murah deh..

Aku nadai bebeli ka VCD/DVD baru dia..Cikgu Bio baru bisi meli. Aku udah meli ia ka Ori ba Speedy Video tadi.

sup enda nyamai

Nyau lelak kami tiga bejalai alu ka mulai ka diri..mansa Kuching International Airport (KIA)..lalu ka singgah makai baru..ehmmm bedau kenyang ke...Ba dia kami makai ba MCd..nadai entu urang laban mensia maioh benong nungga arrival hall..engka nganti bala kaban datai ari Kuala Lumpur..

Udah tembu makai baru meh kami tiga pulai ke Batu 10..enda nyangka-nyangka bisi road block digaga sida JPJ..udah..jam jalai ke Batu 10...peda-peda sida JPJ ngetan ka motosikal. Nasib kami ke Kuching enda ngena moto ti siti agi..enti enda kena tan ga..tinted wai..

Udah datai di Batu 10 lalu ninggal ka saduai dia..aku pulai kediri ke rumah mentua aku ti semak Jalai Ong Tiang Swee. Aku enggai ka lekat ba jam ngena jalai Pasar Batu 10..lagu 4 mins dibai Justin saduai Madonna aku pasang inggar-inggar..volume 28...he..he

Jam 11 malam aku datai di rumah..lelak amat.

Pagi hari minggu aku enggau Rin breakfast asi gureng..ehmmm best amat bau ia. Udahnya aku mupok baru ke Batu 10 ngambi duo iko nya baru..kami tiga breakfast baru..sekali agi aku makai..he..he..makai di Eastmoore Cafe..aku makai mee kolo ayam, Cikgu Bio ngodar mee kolo & Tcil makai wantan ...baru.

Sari tu hari ti lelak amat, kami tiga lama bebayar utang di Courts...bulan baru utang aku abis RM141.00 ti dibayar aku kenyau ari taun 2004...enda berasai...dia aku meli hi fi baru..ukai utang sekali tu..he..he..penuh krita..danu Cikgu Bio saduai Rin aku ..he..he..

Udahnya kami bejalai ke Boulevard..Ally saduai Rin enggau kami tiga. Datai dia kami makai tengahari ba Ipoh Kopitiam. nyamai makai dia nya kami duai Rin mai sida makai dia..murah ba dia...kami empat makai ongkos ia RM47.++ aja.

Tembu bebeli utai dia kami lalu ka pulai...datai di rumah Rin jam 4.40 lemai. dah bekemas barang semua, kami empat mupok..OOppss singgah ba McD..ba Central Park. Kami makai baru....awak ka gamabr tu nusi nama utai dipakai kami..

aaaa..nyamai

Kami ankat ninggal ka manoa Kuching jam 6.30 lemai. Datai di Betong jam 10.00 malam.

Astana Pengerindu Astana Kitai

ujong Minggu

Pagi hari enam nya aku breakfast dulu enggau indai saduai Boji ba Plaza Hotel. Aku makai mee rangkai aja..Boji pan makai mee rangkai tang enda abis..ia kenyang. Indai ngodar mee kuey tiaw..emm bau ia best amat. Maia nya nadai ngambi gambar.

Sida Uncle Unong enggau Aunty Mary sereta anak ia Monte' pulai ke Kuching lemai nya. Sida ia bisi kemisi tang enda lama. Ila meh aku promote bakani ka biz agai nuan auk Aunty Mary..he..he..

Nasib ga vacuum cleaner ti dibeli ari direct selling udah datai. Apa gi..senang meh pengawa meresi rumah. Rin betuchi ka gare, aku vacuum semua sudut rumah. Hari enam nya hari meresi rumah..baru rumah nya nadai asai bedebu sereta bepasir agi.

Hari minggu meh hari ngelusu amat..bala kami ke Sri Aman jam 12.00 tengahari. Kini agi..nganjong diri makai di KFC lah..nadai entu maioh urang laban posa deh.

Tembu makai di KFC kami bejalai ba Bazaar Ramadhan..meruan agi ari di Betong..maioh agi pilihan sereta beresi agi meh ia.

Tu sekeda gambar maia nya:

Bazaar Ramadhan Sri Aman

Astana Pengerindu Astana Kitai

Api ! Api !

Pagi tu tadi kira-kira jam 9.10 pagi bala kami ti gawa di Kompleks Pejabat Kerajaan Negeri Bahagian Betong tekenyit laban munyi alarm.

Bala staf Opis Land & Survei

Nemu nya bisi penusah angus udah nyadi ba Bilik Konferens Kenyalang ba Tingkat 3, Menara Utama. Mula ia bala kami enda iboh ka munyi alarm nya tang udah ti ninga urang bejako nengah speaker ngasoh ninggal ka opis..apa gi lari bala kami.

Balat amat asap

Asap dipeda ari baroh

Aku lalu nelepon ke Bomba Betong madah ka utai ti nyadi nya. Dua buah kreta Bomba enggau lebih dua puloh iko bala pegawai ia datai ka madam ka api.

Samoa urang ka gawa dia udah begempuru ba assembly point. Leboh Fire Warden ari opis kami ngira tuboh ka bisi dia, kami nyangka tiga iko indu ka gawa enggau kami enda ulih nurun ke baroh.

Api ti enda entu besai ulih dipada ka kira-kira 10 minit udah nya. Tiga iko indu nya tadi ulih diselamat ka. Nadai urang bebadi leboh pengawa Fire Drill ti katerubah ia taun tu ba Kompleks Pejabat Kerajaan Negeri tu.

Tuan Residen, En. Romie Sigan Daniel benong madam ka api

Cif Ritos benong madam ka api

Astana Pengerindu Astana Kitai

Anang enda bejaga-jaga

diambi ari surat khabar Utusan Sarawak 14hb September 2008

Tu kes ti baru nyadi di Betong. Gaia ia dipeda aku bagi bisi siti sindiket nipu urang ti diau di rumah panjai. Sida tu urang ti datai ari manoa sebelah Miri tauka Bintulu datai ke manoa kitai ditu deka ngulih ka indu dara.

Modes Operandi sida mudah amat...sida mai dua tiga iko orang ari manoa tu empu dibai ke rumah panjai indu ti dipilih sida ia, lalu betemu enggau apai indai indu nya, sida tu madah ka diri deka nanya indu.(Meminang lah)

Ba ruai nya sida lalu madah ka lelaki ti deka dipadu ka enggau lelaki sida nya bepengawa besai, bisi pangkat, bisi reta, beduit. Enti jadi enggau ia samoa reta ditukar agai nama indu nya.. mudah amat.

Nyadi kitai di diau di rumah panjai leboh ninga reta pengaya pengeraja lalu tekait ati..lalu nadai panjai runding. Tang anang enda ingat..nadai urang dalam dunya tu mudah amat ka meri kitai reta duit sereta pengeraja enti ia nadai julok ati. Pansik manah-manah enggai ka nesal dudi hari ila. Ripot ka Polis enti bisi urang baka tu niki ke rumah panjai.

Astana Pengerindu Astana Kitai

Ujan

Mua hari lemai tu chukup jai. Ka ujan, ba opis aku nyau petang. Urang dah pulai magang. aku pan irau ati ka nunga komputer..enggai ka meletop..laban bisi kilat di luar..he..he. PA Residen call aku ari parking lot madah ka ribut di luar balat..ia ngasoh aku pulai..lagi meh..

Apoo..mua hari..takut lah..

Astana Pengerindu Astana Kitai

Sehari di Manoa Sibu

Ujong minggu tu tadi plan bala kami ka pegi ke Kuching laban ti ka join siti seminar ba din, tang enda jadi. Kasih tudah Cikgu Bio udah besiap ka pegi..lemai hari lima aku madah ka ia program enda jadi.

Laban ti nadai pengawa ujong minggu tu tadi, bala kami aku, Rin, Cikgu Bio, Cikgu St Mark enggau Joobejot mupok ke Sibu. Dalam tempoh dua hari tu, tu kedau kali kami duai Rin nurun ke Sibu. Hari empat tu tadi kami duai kemisi laban ti ngambi chermin mata ini ke Sibu.

Laun bala kami angkat laban maia ti ka mupok nya dia bisi urang datai ka ngesah ka sijil sekula. Aku nyau ke opis dulu nulong urang nya tadi.

Bala kami alu ngirup dulu enggau aki ti bisi datai ari rumah..kami makai mee di kedai Alip (Baroh Regent Inn) Aku enggau Rin makai "mee dawai"..he..he..enda nemu nama ia lah..

mee dawai

Lebih kurang jam 1.00 tengahari kami datai di Wisma Sanyan Sibu, enda tusah ngiga parking taja urang maioh ga. Datai ba mua pintu Wisma Sanyan lalu ka ngambi duit ba ATM tang ga meh enda ulih dikena laban ti out of service...ehmm bala kami enda chukup cash..bakani ka makai..

Kami lalu bejalai aja sebelah Parkson dia meda utai ti dijual..bisi ati deka meli tang enda chukup duit. Apin lama udah nya bala kami mupok ke Farley aja..dia baru bisi ATM..baru ulih ngambi duit. Perut pan nyau lapar, nya alai kami lalu makai di Pizza Hut dia..aku melanja bala sida ia.

puff enggau sekelim

Joobejot madah ka ia chelap..laban hari ti ujan di manoa Sibu dia...kami ngodar set pizza ramadhan..dua iti pizza, sup, bisi puff enggau sekelim, ngodar tempura enggau empat iti sayap manok panggang..Joobejot madah ka ia ka makai sayap manok..lapar amat ia..

Samoa pemakai maia nya berega RM 94.05..ehmm, cashier dia enda ingat mulai ka RM6.00 aku lah..enda ngawa ga..sedekah ka ia..

Sebedau pulai, bala kami shopping ba Sing Kwong..he..he..kami betemu enggau erica luing dia..

Tu sekeda gambar maia nya...

pizza ti diodar bala kami

emmm best amat neh..

Joobejot benong makai pizza..

Cikgu Bio & Cikgu St Mark

Kami duai Rin sempat posing ga..

Astana Pengerindu Astana Kitai

Maggi @ Boulevard Kuching

Best amat..maia promosi produk Maggi tu di Boulevard Kuching. Maioh macham resepi Maggi digaga urang..ngasoh perut lapar ja..

Astana Pengerindu Astana Kitai

Tcil ke MAHA 2008

Tcil enggau tujoh iko bala classmate ia ti bukai bisi nemuai ke MAHA 2008 kena 19hb Ogos 2008. Program ti digaga Fakulti sida ia diator awak ka sida ulih meda pengawa dagang enggau hasil tani ti bisi digaga kaban kitai di semenanjung.

Tu sekeda gambar-gambar ti bisi diambi ia.

buah manggo..

buah pitaya..

Astana Pengerindu Astana Kitai

Ke Kuching makai-makai..

Laban ti bisi meeting di Kuching kena ka hari lima, 5hb Sept tu tadi, aku enggau Rin mupok ke Kuching tumu sari, 4hb Sept. Laun kami duai angkat ari Betong, jam 4.00 lemai.

Datai di manoa Balai Ringin, ujan lebat amat. Maia moto kami duai datai di atas bukit semak Ranchan, jalai nyau nyadi sungai...enda temu ni jalai ni parit. Laban urang benong ngemesai ka jalai dia. Kesal ga asai ati aku dribo maia nya.

4hb Sept, hari empat

Kami duai lalu ngagai rumah sewa Tcil di Desa Ilmu nganjung ikan buntal masin ka ia. Pulai ari ia nyau lapar asai perut..kami duai makai dulu ba Singapore Chicken Rice (SCR) ba Jalai Song.

enda ingat nama menu Rin tu..tang bisi ikan

BBQ Chicken Rice

sayur kailan..ehm..bisi undang

Kami duai Rin endang udah plan, ujong minggu tu ka nguji tempat makai ti bukai ka bedau diuji kami duai. Tcil pan udah setuju ka enggau hari enam. Lemai datai nya, makai ba alai biasa, makai ba SCR, Jalai Song.

5hb Sept, hari lima

Lemai hari lima, kami duai Rin ka rumah Boy di Tabuan...maioh amat ukoi ia diatu..empat iko. Siko pemadu besai pemadu mangah..bansa import..chelum..baka ukoi dikena polis. Kasih Rin selipar ia diempa ukoi nya..lalu charik...

Pulai ari rumah Boy, kami duai pegi makai di..mana lagi...McD ba Central Park. Aku ngodar biasa..Big Mac..

Big Mac & Chicken McNuggets

6hb Sept, hari enam

Pagi tu tumu dani laban ti ka ngambi Tcil ke Desa Ilmu ga. Aku udah besiap alu mupok ngambi ia. Rin mandi dulu, enda ulih anti aku. Udahnya kami duai Tcil nikal ngambi Rin.

Tempat ti katerubah ia dituju kami tiga nadai bukai, ke tHe Spring. Datai dia maioh ga orang laban ti bisi pekit maiau dia....best amat...

Kami tiga puas ka meda maiau nyau lapar perut..he..he..ukai lapar ka makai maiau..lapar ka makai asi. Kami tiga nyadi customer ti katerubah ia sari nya makai tengahari ba Chicken Rice Shop. Alit ga ati meda nadai urang..engka laban orang beposa..ko jako.

Kami tiga nama agi..ngodar pemakai ti dikedeka ati..asai ka ulih diempa semua utai dia..he..he

sayur tauge lah ditu..

sup enda entu nyamai lah..

ai pepsi se jug enda abis

Makai ba Chicken Rice Shop..ehm enda ipak enggau rega ia ti RM70++ tiga iko makai. Enda nyamai..rugi asai bebayar nyampau nya. Sayur tauge, tauhu nadai asai..sup enda nyamai. Bisi utai ti nama Pai Tee..(betul enda ka)..baru nyamai.

Ngirup lemai, biasa urang ngirup ai kopi ka tea ka..kami makai sekelim ba siti tempat di King's Centre..ti dikumbai Igloo. Raaz melanja bala kami makai sekelim dia.

sekelim jagong lah..

sekelim tu asai mint..ehm nyamai

Udahnya..bala kami bejalai baru nadai ngetu nyau pedis kaki..enda berasai hari nyau lemai..kira-kira pukul 6.30 lemai..perut nyau ka ngiga pemakai. Nyadi kami tiga mutus ka ngiga pemakai malam ba sebelah Golden Dragon City...tentu maioh urang enda nemu alai tu..he..he

Kami makai ba siti endor ti dikumbai Hi Cafe...ka nguji pemakai dia..tadi udah jera makai ba Chicken Rice Shop.

Pemakai ba Hi Cafe..eemm nyamai amat...enda rugi..dah lah murah, RM27++ aja rega semua pemakai kami tiga...murah lah..

kuey tiaw goreng..emm...

7hb Sept, Hari minggu

Sari tu kami duai Rin pulai ke Betong. Pagi tu tadi udah plan ankat dalam jam 2.00 lemai. Tang maia nya jam kami duai ia baru pansut ari Wisma Saberkas...dah nya pulai ke rumah, besikap barang ti dibai pulai.

Rin ka meli termos baru dikena ia mai bekal ai milo ke opis. Kami duai ka meli ia di Boulevard aja lah..dahnya mupok pulai.

Udah ti bebeli ka barang semua, meda jam nyau pukul 4.00 lemai..kami duai bedau makai tengahari patut perut nyau lapar. Begiga kedai alai makai...emm nguji makai ba Ipoh Kopitiam.

nasi lemak rendang ayam

Nadai entu maioh orang ditu.. aku ngodar ia mocha coffee, Rin ngirup ai cincau soya. Ia makai Chicken Rice Cha Siu. Taja nama ia baka belauk bab*..tang ia ukai bab* lah. Kami duai enda makai dagin bab*. Nya alai ba blog tu nadai nyerita pemakai lauk bab*..minta ampun.

Chai Siu..manok

Aku makai Nasi Lemak Rendang Ayam...eemmmm nyamai amat nasi lemak ia, sambal ia....enda rugi enti kita ka nguji makai ditu...best amat... Rega semua pemakai RM21++ aja, murah lah..

Enti digaga rank kesemua tempat alai makai tiga hari tu, tu meh ia:-

1. McD - Central Park tauka di Padungan
2. Ipoh Kopitiam - Boulevard
3. Hi Cafe - Golden Dragon City, Tabuan Jaya
4. Singapore Chicken Rice - Jalai Song
5. Chicken Rice Shop - tHe Spring (enda nyamai lah)

Tang ia ti pemadu penting ko kitai..puas ati. Kami duai mupuk ke Betong jam 6.00 lemai.

Astana Pengerindu Astana Kitai