Hari ti panas

Panas manoa pesisir

Seminggu tu hari chukup panas di manoa ditu. Dani aja pagi hari endang belaboh manah. Hari ti manah bakatu mri penguntong ka sida ti nangkal getah. Nadai ujan ulih nurun kereja getah.

Nya meh siti chara kitai di manoa pesisir ngulih ka anak belanja...kereja getah laban rega getah ti chukup tinggi diatu. Enti mansa kedai cina ti bisi meli getah ari kitai bansa Iban..dia kitai ulih nyium bau but getah..ehmmm bau duitnya.

Maioh kitai Iban ka bisi ngembuan kebun getah baik ia mit tauka besai endang untong laban rega getah ti majak niki kenyau ari maia rega minyak dunya niki lebih setahun tu kemari.

Ditu di manoa Betong kitai ulih meda bala kitai nyau bela bekrita magang. Ngena kancil, ngena Viva, ngena Proton tauka ngena van.Nya alai jalai nuju rumah panjai endang sigi diguna amat diatu. Krita nyau paking ba pala tangga. Bala ini saduai aki enda kiruh agi bedarat tauka merau leboh ti nurun ke pasar maia ti ka makai mee rangkai ba kedai cina.

Tang sinu ga kitai ka bala ti diau di manoa ti agi ngarap ka jalai ai. Maia musim panas baka tu nyau bebatak perau bala keda laban ka ai ti langkang. Ngarap ka jemah ila jalai raya pan bisi nuntong pala tangga bala kita.
Panas ba nengri

Sangka aku hari di nengri baka Kuching, Miri tauka Sibu mega panas baka di manoa pesisir maia hari tu. Hari ti manah din meri penguntong ka sida kontraktor ti ngaga pasar baru, rumah-rumah tinggi laban enti nyema hari ujang orang enda ulih gawa.

Pengawa nyemin tauka nyungkor tanah mega enda meruan digaga. Nya alai hari ti manah sigi mri penguntong ka samoa orang. Hari manah ulih gawa bisi gaji.

Kitai sama nemu orang ba nengri sigi ngena krita tauka utai bukai mega dikena mindah kin kitu..jalai mega sekut enggau pemaioh krita ba jalai maia leboh mansang sereta pulai gawa.

Enti maia hari panas..apu..angat amat enti enda ngena aircond. Ngetu pan suah laban ti maioh traffic lite.

Aku agi ingat leboh aku mula gawa di manoa Kuching kira enam tahun ti udah, dia kau ngena motosikal gawa ke Wisma Bapa Malaysia.Leboh ti pulai gawa jam lima lemai samoa orang begaut ka pulai ke rumah..jalai jam..nyau ngantok mata aku maia ba traffic lite. Udah lah angat nyium bau asap agi, chukup pedis bala ti ngena motosikal tang ni ko enggau.

Urang ka ngena motosikal di nengri endang nyamai mimit laban ulih ngelipak kiba kanan ba jalai..enda lekat ba jam. Tang ti maia ujan chukup merinsa. Enda slamat laban jalai lichin alu basah mega.

Nya meh tadi..hari panas tauka ujan endang sigi bisi efek ka pengidup siko-siko. Bisi orang rindu maia hari panas bisi nya rindu agi leboh maia ujan...
Astana Pengerindu Astana Kitai

Hari meresi rumah

Lebih sebulan udah quarters alai aku diau enda diberesi, disapu enda dimop. Baru demalam aku bisi hari meresi rumah sereta nuchi toilet ringkat baroh.

Nyapu dulu..udahnya ngemop..baru beresi asai mozek. Pagi tu tadi aku nyikap meja makai, alai engkah ka barang. Maioh ga utai ti enda diguna dibuai aku. Bilik ti dibaroh nya nyau nyadi stor lumor dua..ia mega alai nyembi gari..ehmm..masu karung kusyen. Pagila baru meresi bilik tindok di atas enggau toilet.

Astana Pengerindu Astana Kitai

Ubah chara idup..nanam jagung

Aku bisi nanam jagung ba belakang quarters alai aku diau. Nya pan aku enda nemu chara ngintu ia. Tanam aja lah..he..he..

Astana Pengerindu Astana Kitai

Pesta Beras Wangi Lubok Nibong

Pesta Beras Wangi Lubok Nibong, Saratok udah mujur dipejadi ka olih Sapit Kepala Menteri Sarawak, YB Datuk Patinggi Tan Sri Dr George Chan kena 20hb Julai 2008 tu tadi.

Pesta ti diadu ka olih Pentadbiran Bahagian Betong tu ia ti ke dua alu ia mega beserimbai enggau pengawa 45 Tahun Sarawak Maju Dalam Malaysia.

Astana Pengerindu Astana Kitai

Program sehari YAB Kepala Menteri ba Bahagian Betong

YAB Pehin Sri mega motong kek tanda udah ngiring sereta ngemansang ka manoa Sarawak sepengelama 45 tahun

Bahagian Betong bisi udah ngadu ka siti seminar ti dikumbai Seminar Transformasi Pembangunan Ekonomi ke 4 Bahagian Betong kena 22hb - 23hb Julai 2008. Lebih 200 iko mensia maioh enggau nyadi participant seminar dua hari tu. Lapan iti kertas kerja dibantai ka maia nya. Kepala Menteri Sarawak, YAB Pehin Sri Haji Abdul Taib Mahmud udah nutup pengawa seminar tu kena 23hb Julai 2008.

VVIP benong merati ka sekeda gambar-gambar ka bisi diayan ka

Tiga iko ari orang ka bisi datai

Penyanyi kitai Andrewson Ngalai enggau DJ Wai FM Jimbu Giman bisi merindang mensia maioh

YAB Pehin Sri nyain plak bejadi
YAB Pehin Sri mangkong tiang

Jam 1.00 lemai, YAB Pehin Sri alu bejadi ka Kompleks Perumahan Kerajaan Negeri Bahagian Betong ti baru. Maioh mega program bukai udah diator serimbai enggau pengawa bejadi nya.

Bala VVIP enggau mensia maioh bukai mega bisi ngelawa ke Galeri Pameran Pembangunan Bahagian Betong.

Astana Pengerindu Astana Kitai

Ular sawa

Leboh kami pulai ari 2009 Budget Examination kena 21hb Julai 2008 tu tadi, kami ngetu makai tengahari ba Serian alu bejalai ke market sayur..bisi orang nyual ular sawa. Orang rami meda alu ngambi gambar ular nya. Udahnya tadi ia alu netak pala ular nya. Takut meda darah ular nya..hee.

Astana Pengerindu Astana Kitai

Galeri Pembangunan Bahagian Betong

sekeda gambar ti bisi di ayan ka ba Galeri

Enti bala kita bisi datai ke Manoa Betong, datai meh ke Galeri Pembangunan Bahagian Betong ba:

Tingkat UG, Blok Menara,
Kompleks Pejabat Kerajaan Negeri Bahagian Betong,
Kawasan Bandar Baru,
Jalan Spine, BETONG

Galeri tu dibuka ari jam 8.00 pagi - 5.00 lemai setiap hari satu ke hari lima aja.

Astana Pengerindu Astana Kitai

Makai..

Erica Luing @ Lia enggau Roni benong nyedia ka manok panggang

begedil

manok panggang

Makai...enda sah enti enda makai kan..maia bala kami gawa ba Bilik Gerakan Urusetia hari enam (19hb Julai) tu tadi, dia kaban kami tu, Roni belanja makai manok panggang..memang sedap..enggau makai begedil..Wow! Best amat!

Astana Pengerindu Astana Kitai

Aku ba Kuching ujong minggu tu tadi

Lemai hari lima 11hb jam 6.00pm, aku enggau dua iko kaban bekejang ke Kuching ngelaban ujan ti lebat lemainya. Kami tiga datai di Kuching lebih kurang jam 10pm. Lelak amat lelak dribo kin tang seronok mega laban betemu enggau Rin.

Rin enda nyangka aku dribo kitu..sangka ia aku nepan bas. Ukai nama aku mai krita laban ti mai meja mit sereta iron board Tcil. Amat berat ga asai kreta aku. Lama udah enda dibai bejalai jauh ke Kuching. Naka ka Bulan April suba kreta nya bejalai ke Kuching.

Pagi hari enam tumu kami duai Rin dani laban deka nganjung ia bisi bengkel di CIDB. Mami ia udah nyedia ka breakfast ka kami duai so enda jadi meh ka mam Chicken Mushroom mee ba Eastmoore Cafe..best.. Bedau jam 8am kami duai udah datai di CIDB..nda maioh kreta laban urang nda bekereja sari nya.

Aku mupok ke Samarahan nengah jalai mansa Masjid Jamek alu mansa Kolej Abdillah..teingat ka maia Ati agi belajar dia suba..tiap minggu ti singgah dia. Dahnya mansa Wisma Bapa Malaysia.Dipeda ari luar nadai maioh berubah..tang di dalam canggih..teingat ka maia suba gawa dia..tumu mat aku nurun..ehm..

Enda tusah ngiga rumah alai Tcil nyewa..ba lorong 22M ... enda jauh ari Idola Cafe alai Stanly AF6 kala kereja nyadi tukang masak tauka chef sebedau ia join AF.Maia aku datai ba rumah nya bisi bala kaban ia ba rumah. Indu ari Sabah, bisi lapan iko bala sida tang sari nya sida deka pindah ke rumah sewa sida empu.

Ok ga rumah sida Tcil nya..dua iko seduai ia nyewa dia..RM400.00 sebulan. Rumah umbas ia pemesai tang yang penting semak enggau kampus UiTM. Jalai kaki aja...jimat kos.

Kami dua Tcil breakfast ba cafe di Tabuan Laru..makai laksa..nyamai amat.... Tcil makai kuey tiaw..nyamai ga dipeda aku. Udahnya kami duai bejalai ke Riverside enggau Sarawak Plaza seraya ka nganti Rin abis bengkel.

Kira jam 12.30 tengahri kami dua Tcil ngambi Rin di CIDB..kami tiga alau bekejang ke Boulevard..ka mam KFC..lapar mat. Tcil madah ia ka spon..apa lagi langkah kanan lah..

Udah kenyang makai KFC kami tiga soping ba hypermarket dia..lama ga nganti Tcil. Nyau ulih begiga..padu hal ia milih bawang burak..amat murah..0.76 sekilo..MURAHNYE..

Kami dua Rin udahnya nganjung ia pulai ke Samarahan baru..lelak amat sarinya. Taja pia kami dua Rin mupok baru kira jam 8.30pm..ka meda wayang.

Mula ia ngagai Riverside..laban maioh mat moto niki agai Star cineplex..aku beranggapan mensia tentu rami. Lalu ka meda di Riverside aja..tang..malang nye..nadai show cita Journey to the centre of the earth dia. Tepaksa mayar RM2.00 duit paking untuk 20 minit dalam nya. Udahnya ke Star Cineplex..meda show jam 10.15pm. Penuh wayang. Baru ia kami duai duduk di row ti ketiga di mua..pedis pegu..Rin tetindok meda cita nya laban ia lelak..ko ia.Wayang abis jam 11 lebih alu kami duai ngisi perut mam di McD semak rumah. AKu makai Big Mac..haruzlahhhh. Nyau gentung asai perut.

Ujong minggu ti amat best..aku pulai ke manoa jam 2 lemai hari minggu enggau duo iko kaban aku. Datai di manoa jam 6 lemai..agi panas ba ditu..lelak amat neh.

Astana Pengerindu Astana Kitai

Manoa aku..

Betong...Manoa aku. Bahagian ti ke sebelas.

Astana Pengerindu Astana Kitai

Happy Birthday Ati & Tcil

Happy Birthday agai saduai indu dara tampun puji..he..he.. Sorry auk..nadai meri hadiah. 22hb Jun 2008 birthday Ati. Aku travelling ke Sibu maia nya tang bala sida bisi ngintu pengerami nya..sederhana aja. Tcil birthday 8hb Julai 2008..tumu sehari aku wish happy birthday.. aku ninga nuan menghadiahkan diri empu enggau laptop baru..bestnye..

Tu aja hadiah ulih diberi aku tahun tu..masuk ka saduai alam Astana Pengerindu. Ila aku masuk ka gambar saduai ditu...awak ka glams gitu..he..he

Astana Pengerindu Astana Kitai

Meda Filem Hancock

Udah meda Hancock? Kami duai Cigu Bio meda cerita nya ti dilakon ka Will Smith lemai kemari di cineplex di Sibu. Kami duai ti tejanggal lama di Perodua Service Centre di Sarikei nyau laun angkat ke Sibu. Tumu angkat ari Betong...jam 6 pagi.

Kereta Kancil Cigu Bio maioh amat utai perlu ditukar temasuk timing belt. Enggai ka ia putus tusah laban ia.

Kami duai datai di cineplex sepiak Hotel Premier jam 5.00 lemai alu meda show jam 5.15 lemai. Cerita nya manah ga..tang kelalu jampat. Engka laban tu pengenalan ila sida ngaga sekuel ia manah agi. Tang lakonan Will Smith endang sigi manah belama..rindu meda ia nemu terebai nulong orang ti tusah.Anang enda meda filem nya...laban ukai semina Hancock aja ti bisi super power tang bisi indu siko mega...ex bini ia..emmm..

Astana Pengerindu Astana Kitai

Pengingat sida Tcil ke Kuala Lumpur & Langkawi

Aku baru bolih copy gambar-gambar sida Tcil ka pegi ke Kuala Lumpur enggau Langkawi taun 2007. Nyadi baru diatu aku ulih publish ia ditu.

Astana Pengerindu Astana Kitai

Rin kursus di CIDB

Kena 1hb July 08, aku sereta enggau ipar enggau indai entua aku nganjung Rin kursus sebulan di Akademi Binaan Malaysia (ABM tauka CIDB) ba Jalan Sultan Tengah. Maioh ga urang enggau Program Graduan ba ditu. Latih sebulan tu amat manah. Sida ila deka dibri kad ti dikumbai Green Card . Nyadi kad tu amat diguna ka bala sida ti ngereja pengawa nyadi engineer ba conscruction site.

Teingat aku agai mula-mula aku ngindik ka kaki agai Kampus ITM nya suba..1996. Enda berasai udah lebih 10 tahun..

Astana Pengerindu Astana Kitai

Sepi..

Sepi..ehm filem sepi benung ditayang ba cineplex ba bandar-bandar besai di manoa Malaysia. Filem tu amat manah..asai aku manah agi ari filem Cinta. Tiga iti jalai crita ia ditusun enggau manah..crita Adam..Sufi enggau Imaan.

Start crita kitai meda karater Adam..lelaki ti gawa nyadi chef sereta agi single betemu enggau siko indu ti dikerindu ia tang indu nya udah betunang lalu nganti hari ka kawin. Karater ti ke dua Sufi. Sufi bisi anak siko tang bini ia udah parai eksiden. Sufi nyalah ka diri empu kategal bini ia ti parai. Karater ti ketiga Imaan. Lelaki siko ba kolej bisi naroh ati agai Imaan..tang ia udah bisi boyfriend.


Enti bala kita bepeluang meda filem tu..tau meh meda enggau bini/laki/anak tauka sapa-sapa. Baka title filem tu mega diatu aku sepi laban kadiri aku aja pulai ke manoa kemari laban Rin ti bisi kursus sebulan di CIDB. Sinu ga asai ati..tang aku bekorban baka ia bekorban ka aku. Lucu mat..aku ba rumah nyadi bisu nadai urang enggau berandau.

taken from www.sepithemovie.com

Astana Pengerindu Astana Kitai