Cyber Samarahan

Kemari kami duai Rin mansang ke Kuching around jam 9.45 pagi. Nasib hari enda entu panas. Kasih ka Jojot..sedih ia. Jam 2 lemai bakanya kami duai datai ba Uitm. Panas amat ba dia. Kasih Tcil enggau Rin ngangkut pc ke blok 4 indu. Jauh amat.

Pagi tu aku pulai kadiri ke manoa. Ujan lebat mat di Kuching maia aku angkat. Ba Uitm nadai agi ujan...tang diatu baka ka ujan baru. Kami duia Tcil nganti buku ia dipotokopi, nya lah alu petama kali tu aku ba cyber ba Samarahan ngabas blog aku tu. Maioh mat orang ditu.

Dalam masa sejam lagi aku angkat pulai ke manoa.

Makan-makan

Lemai tu udah ngaga plan bala kami sebilik ka ngaga bbq icw hari pengada aku nya. Nyau tuai meh kitai, enti ukai kategal jojot ka mam kek..enda ga aku ka kiruh ngintu hari pengada tu.

Pagila kami duai Rin ke Kuching. Hari satu ia bisi dikangau ka orang intibiu din.

21 Februari 197#

Selamat Hari Pengada ka nuan! All the best in life!

Satria aku

*Gambar Satria GTi diambi ari web proton edar

Hari sari tu chukup panas. Tama ke dalam kreta pan angat endar. Nya lah tadi aku ka ninga cd Misha Omar tang ga meh cd player aku nya tak enggai dimain. Jam ia pan enda ayan baka ngelama tu. Nyau ga aku mai ia ke wokshop lemai tu tadi, asoh mekanik meda nama penyakit ia. Irau ga ati aku. kaban aku madah engka nya bateri ia nyau udah lama. Arap ka ia enda mar meh belanja ngadu ka ia.

Sayau aku ka satria aku nya neh.

Alai duduk baru

Lemai tu aku gagau amat bepindah ka rengka kena gawa laban ka diasoh boss aku pindah alai duduk. Bilik ka alai aku gawa nya ka digaga ka bilik alai engkah file opis.

Lain asai duduk ba alai baru. Hari satu minggu baru aku start gawa ba penduduk baru tu. All the best agai aku empu!

Bala kaban aku. Gambar diambi 8 taun ti udah.

Ngiga Pengawa

Kemaia hari tu maioh endar bala graduate kitai ka agi begiga ka pengawa. Kadang-kadang ukai salah bala sida tegal nya milih pengawa tang ga meh ukai nasib. Kasih ga meda bala kaban ka agi bedau bulih pengawa ka meruan. Dalam suratkhabar abis digiga diuji magang naka ka bisi. Bisi bala keda nya ngena on-line minta pengawa.

Ngarap ka bala kita ka benong begiga ka pengawa, anang tusah ati laban nasib siko-siko kitai nya tadi enda sama. Besampi meh awak ka bolih pengawa ti di ka ati.

Leboh ti teterap

Enda berasai datai ba hari lima sari tu. Maioh amat pekara ka nuntung aku maia seminggu ti udah tu. Biasa meh nya munyi ka padah aku ka bala kaban aku tadi, enti kita nadai dituntung penusah, penanggul,pengerindu enggau maioh macham pekara tentu kitai enda ulih belajar ari nya.

Samoa pekara ka nyadi dalam pengidup tiap kitai nya ngujong ka kitai belajar chara ka idup. Enti ka idup nya meh kitai anang kelalu takut..tempuh aja.Enti kitai takut teterap maia ka bejalai nya, nya meh ngasoh pikir kitai kurang. Kitai nya tadi enda bepikir ka luar kotak segi empat. Runding kitai nya kelalu sempit naka nya aja. Nya alai aku meransang runding diri empu tempuh aja nama utai ti ka nyadi.

Ngarap aku leboh ti teterap sebelah jalai ila, bisi orang nyukong lalu nulong aku bediri angkat baru.

Gambar rindu ati maia pengerami hari pengada kaban aku

Makai-makai

Aku sari nya bisi ngenatai ka diri ka ruai kaban aku ti ngintu hari pengada ia. Maioh ga bala kami datai kia. Kami makai-makai..best. Amat landik kaban aku tu memasak.Sedap amat! Tu gambar kami maia pengerami nya.

You're beautiful

Lagu ti dinyanyi ka olih James Blunt tu chukup manah amat didinga aku. Trima kasih Boy ti udah mri mp3 ka aku.

Panjai amat Kemisi

Sari tu berengkah kerja baru udah ti kemisi Taun Baru Cina ti ba aku panjai amat kemisi nya.Sekumbang di Kuching nadai diau meruan di rumah tak selalu ka bejalai.Bisi endar kabuah ke pasar Kuching taja kedai maioh tutup. Nya lah enti kemisi nya panjai..endang tusah ka diau di rumah..tembu bejalai. Hari mega panas amat dua tiga hari nya. Nasib enda ujan..enti pia ka banjir.

Kemari kami duai Rin angkat pulai ke manoa laun ga kira-kira jam 2.30 lemai.Laban ka bisi ngetu di Serian enggau di Pasar Lachau alu laun meh kami duai datai di manoa..kira-kira jam 7.30 lemai. Perut aku nyau lapar meh maia nya.

Tumu aku gali malam tadi laban ka kelalu lelak udah dribo. Pagi tu tadi pedis pegu aku engka nya tesalah tindok.