Mua Hari

Aku meda gaya hari dua tiga hari ti udah tak enda tentu. Kekadang nya panas amat dahnya tau ujan. Ujan pan lebat ga. Nya alai maioh ga bala kitai enda entu pengerai. Nyau sakit, pedis rekong..batuk..renggok (flu) enggau maioh macam penyakit. Irau ga asai ati enggai ka abis sakit.Tusah laban ia.

Nya alai mua hari tu bala amat mempengaruhi pengidup kitai tiap hari. Kelalu panas kitai enda nakal..selalu ujan tuboh kitai enda tan.

Nya alai, advise ari aku, pakai buah maioh ka..tang ukai buah rian enggau rambutan. Laban enti kelalu maioh makai dua iti buah tu,kitai enda nakal ga. Pakai meh buah limau tauka semangka alu irup ai nyilu kuku maioh.

Rabat

Pagi kemari aku tekenyit nerima siti brita ti enda manah. Brita pasal pemati kami sarumah ka takah empat pintu ari bilik sida aki. Indu tudah urang ti ninggal ka dunya tu. Ia agi biak tang nyangka nya bisi kanser nya ti lalu mai nyawa ia nadai. Ia tu nadai di sapital besai Kuching.

Kasih amat sida ia sabilik. Dinga aku bala anak ia agi mit-mit magang. Kasih aku ka bala anak ia ditinggal indai sida maia agi mit. Nadai ka enggau ga laban petara sayau ka ia nya alai ia diambi pulai dulu ari kitai samoa.

Pagi tadi tumu aku ke opis. Minta pemisi dua hari tang alu bedau dikemendar ka boss aku taja aku udah madah ka ia aku ti ka cuti tu tadi. Ukai nama, laban nadai urang nulong sida indai di manoa kiruh ka utai di dapur. Adi aku enda ulih pulai ga laban agi gawa hari lima tu.Lemai hari empat niang diintu bala maioh.

Lemai tu aku bisi ati ka pulai ka manoa tang bedau temu ga. Engka nya tumu pagila kini.Nulong sida ia di manoa besembelih ka jelu.

Nya alai aku enggau ati ti sinu madah ka simpati sereta baroh ati sama sinu ka penusah ti ninggang sida ia sabilik. Arap ka samengat niang nya tadi diambi lalu diberkat petara.

Filim Narnia the lion, the witch and the wardrobe

Aram meda Filim Narnia the lion, the witch and the wardrobe

Tumu aku nurun ke opis sari tu. Taja pan semak enda bulih lima minit dribo moto aku kia. Nyamai agi aku nurun tumu baka suba. Leboh aku agi di Kuching suba aku tumu meh nurun. Jam 6.15 pagi aku udah bekejang ari rumah aya aku. Semak jam 7 pagi baru aku datai ba opis. Suah bendar aku ka muka pintu opis kami din. Nyamai datai tumu, maioh pengawa olih disedia ka alam masa sejam sebedau jam gawa pukul 8 pagi berengkah.

Pagi tu, aku muka e-mail. Nadai utai ka tau diguna aku ga dia. Nya lah aku lalu masang lagu-lagu music score ari filim Narnia. Manah amat music score alam album nya. Lalu bisi dua tiga iti lagu mega chukup manah didinga aku. Leboh aku enggau Rin meda filim tu maia pun bulan 12 ba Star Cineplex Kuching..Apooo! Manah amat filim tu. Taja pan filim tu sesuai dipeda anembiak, tang aku rekemen kitai besai tuai mega meda filim tu. Maioh pengajaran sereta moral value ti bisi alam filim tu.

Enti nyema aku ke Kuching ila, aku deka ngiga filim nya enti bisi dijual ba vcd tang aku ka agi meli ia ti ori laban rakaman bunyi latar alam filim tu chukup manah didinga aku. Enda rugi meli ia ti ori.

2006

Happy New Year! Laun amat aku meri selamat taun baru. Nadai ngawa. Ukai nama, aku kelalu maioh pengawa udah aku abis kursus lebih tiga minggu nya. Dahnya gagau ka persediaan Krismas. Nda entu meriah tahun 2005. Kami ngintu sederhana aja.

Beberapa hari nyau ka taun baru, aku diau ba rumah mentua aku. Aku enggau Rin nadai tentu bejalai. Kami duai maioh agi ka diau ba rumah meda tv. Malam sebedau taun baru mega kami duai duduk ba rumah aja. Bala ipar aku keluar ngau bala kaban saduai.

Kami duai Rin pulai ka manoa...laban aku berengkah gawa baru hari siti. Lembau mat asai tuboh aku. Lelak tak nadai kabuah.Berengkah meh pengidup baru ti boring ka Rin. Kasih ia. Enda bulih seminggu di manoa, aku dah nganjong ia pulai ke Kuching laban ia dikangau intibiu. Ngarap ka ia bulih ka pengawa nya.

Udah lebih dua minggu kediri aku aja. Rin diau di rumah indai ia...agi nganti saut ari company ti ngagau ia intibiu. Diatu aku jarang amat meda Berita ba Tv...aku nyau fobia ka pekara ti nyadi ti selalu ayan ba berita.Aku mega fobia ka maca news. Aku rela enda nemu nama utai ka nyadi ngelingi aku. Kapa enda deh.

Berengkah ari lemai tu..aku madah ka diri empu manah meh enti aku nulis blog tu ba jako iban.Kiroh endar nulis ba jako ribai.